ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ

ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ -           1 - ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ
ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ - Untitled design - ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ

ໂຄງການໂຄແວັກ ພາຍໃຕ້ການສະໜັບສະໜູນຂອງອົງການອະນາໄມໂລກ ເພື່ອຈັດຊື້ວັກຊີນ ແລະ ກະຈາຍໃຫ້ປະເທດທຸກຍາກ ແລະ ມີລາຍໄດ້ປານກາງ ປະສົບບັນຫາຂາດເຂີນວັກຊີນ ກັງວົນກະທົບການແຈກຢາຍທົ່ວໂລກ.

ວັນທີ 23 ເມສາ 2021, ເດິກາດຽນ ລາຍງານວ່າ: ໂຄແວັກ (COVAX) ໂຄງການລິເລີ່ມທີ່ນຳໂດຍອົງການອະນາໄມໂລກ ແລະ ປະເທດພັນທະມິດ ກຳລັງຜະເຊີນບັນຫາການຂາດເຂີນວັກຊີນ ໂດຍປັດຈຸບັນມີການສົ່ງມອບວັກຊີນໄປພຽງ 1 ໃນ 5 ຂອງປະລິມານວັກຊີນທີ່ຕັ້ງເປົ້າໄວ້ຈະກະຈາຍໄປໃຫ້ປະເທດຕ່າງໆພາຍໃນເດືອນພຶດສະພາ ເນື່ອງຈາກປະເທດຜູ້ຜະລິດວັກຊີນເລີ່ມມີການຈຳກັດການສົ່ງອອກ, ກັກຕຸນວັກຊີນ ຕະຫລອດຈົນຂາດເຂີນສ່ວນປະສົມສຳຄັນສຳລັບໃຊ້ໃນການຜະລິດ.

ລານງານນີ້ອ້າງອີງຈາກການເປີດເຜີຍຂອງ ໜ່ວຍງານທີ່ຮ່ວມກັນເບິ່ງແຍງໂຄງການໂຄແວັກ ທັງອົງການພັນທະມິດເພື່ອວັກຊີນກາວີ (Gavi), ອົງການທຶນເພື່ອເດັກແຫ່ງສະຫະປະຊາຊາດ ຫລື Unicef  ແລະ ບໍລິສັດວິເຄາະດ້ານວິທະຍາສາດຊີວະພາບ Airfinity ເຊິ່ງໄດ້ເຜີຍແຜ່ຂໍ້ມູນທີ່ສ້າງຄວາມຕົກໃຈໃຫ້ລະບົບສາທາລະນະສຸກທົ່ວໂລກ ໂດຍລະບຸວ່າ: ໃນວັນທີ 21 ເມສາ ໂຄງການໂຄແວັກໄດ້ຈັດສົ່ງວັກຊີນໃຫ້ປະເທດທີ່ຢູ່ໃນໂຄງການໄປແລ້ວປະມານ 40,2 ລ້ານໂດສ ຫລື ພຽງ 21,5% ຂອງ 187,2 ລ້ານໂດສ ເຊິ່ງເປັນປະລິມານວັກຊີນທີ່ວາງແຜນໄວ້ວ່າຈະແຈກຢາຍພາຍໃນເດືອນພຶດສະພາເທົ່ານັ້ນ.

ຂໍ້ມູນທີ່ມີຢູ່ຍັງເຜີຍໃຫ້ເຫັນວ່າ: ມີພຽງບໍ່ເທົ່າໃດປະເທດໃນໂລກທີ່ໄດ້ຮັບວັກຊີນຕາມເປົ້າໝາຍເຊັ່ນ: ມອນໂດວາ, ຕູວາລູ, ນາອູຣູ ແລະ ໂດມິນິກາ, ສ່ວນປະເທດອື່ນໆໄດ້ວັກຊີນໄປບໍ່ເຖິງ 1 ໃນ 3 ຂອງເປົ້າໝາຍທີ່ວາງໄວ້ເທົ່ານັ້ນ ເຊັ່ນໃນທະວີບອາຟຣິກາ, ຣາວັນດາ ເຊິ່ງເປັນປະເທດທີ່ໄດ້ຮັບການຈັດສັນວັກຊີນຫລາຍທີ່ສຸດໃນພາກພື້ນ ໄດ້ວັກຊີນໄປພຽງ 32%. ຂະນະທີ່ໄນຈີເຣຍ, ເຄນຢາ, ເອທິໂອເປີຍ ແລະ ສາທາລະນະລັດປະຊາທິປະໄຕຄອງໂກ ໄດ້ຮັບວັກຊີນພຽງ 28% ເຊິ່ງໜ້ອຍກວ່າເປົ້າໝາຍທີ່ພວກເຂົາຕັ້ງໄວ້ມະຫາສານ.

ຍິ່ງໄປກວ່ານັ້ນ ໂຄແວັກຍັງຄາດຄະເນວ່າ: ຈາກນີ້ໄປປະເທດຕ່າງໆອາດໄດ້ຮັບວັກຊີນໜ້ອຍລົງ ເນື່ອງຈາກອິນເດຍ ເຊິ່ງເປັນແຫລ່ງຜະລິດວັກຊີນລາຍໃຫຍ່ສຸດຂອງໂຄງການ ມີທ່າອ່ຽງຈະຈຳກັດການສົ່ງອອກ ເນື່ອງຈາກຕ້ອງໃຊ້ວັກຊີນໃນການຮັບມືກັບວິກິດການແຜ່ລະບາດຢ່າງຮຸນແຮງໃນປະເທດ ນີ້ໄດ້ສ້າງຄວາມກັງວົນໃຫ້ປະເທດອື່ນໆແບບຫລີກລ່ຽງບໍ່ໄດ້.

ກ່ອນໜ້ານີ້, ໂຄແວັກ ໄດ້ບັນລຸຂໍ້ຕົກລົງກັບອິນເດຍໃຫ້ຜະລິດວັກຊີນ 1,53 ພັນລ້ານກວ່າໂດສ ພາຍໃນປີນີ້ ແລກກັບການຖ່າຍທອດເຕັກໂນໂລຊີການຜະລິດວັກຊີນທີ່ພັດທະນາໂດຍບໍລິສັດແອສຕຣາເຊນເນກາ ແລະ ມະຫາວິທະຍາໄລອອກຟອດ ແຕ່ຮອດຕອນນີ້ ອິນເດຍຍັງບໍ່ສາມາດຜະລິດວັກຊີນໄດ້ໃນປະລິມານຕາມທີ່ຕົກລົງໄວ້ ໂດຍອ້າງວ່າ: ອາເມລິກາໄດ້ຫ້າມການສົ່ງອອກສ່ວນປະສົມສຳຄັນທີ່ຈຳເປັນຕໍ່ການຜະລິດ ທັງຍັງມີປັດໄຈໃນເລື່ອງສະຖານະການໃນອິນເດຍເອງ ເຊິ່ງເຮັດໃຫ້ລັດຖະບານຕ້ອງຕັດສິນໃຈຫລຸດປະລິມານການສົ່ງອອກວັກຊີນລົງເພື່ອໃຫ້ໃນປະເທດກ່ອນ.

ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ - Wave100S AD to Website 2020 0 - ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ

ແຫລ່ງຂ່າວຈາກບັງກະລາເທດເປີດເຜີຍຕໍ່ເດິກາດຽນວ່າ: ປະລິມານວັກຊີນທີ່ພວກເຂົາມີພຽງພໍສຳລັບການສັກໃຫ້ປະຊາຊົນອີກພຽງ 1 ອາທິດເທົ່ານັ້ນ ໂດຍຍັງບໍ່ມີຄວາມຫວັງຈະໄດ້ຮັບວັກຊີນອີກເມື່ອໃດ.

ອ້າງອີງ:

https://www.theguardian.com/…/revealed-big-shortfall-in…

ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ - WhatsApp Image 2020 05 27 at 5 - ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ
ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ - WhatsApp Image 2020 05 27 at 5 - ໂຄແວັກ ພົບບັນຫາໜັກ ວັກຊີນບໍ່ພໍແຈກຢາຍ ກັງວົນກະທົບປະເທດກຳລັງພັດທະນາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!