ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19

ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19 - 576 1 - ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19
ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19 - AGL banner - ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19

ວັນທີ 24 ເມສານີ້, ລັດຖະບານຍີ່ປຸ່ນ ໄດ້ປະກາດມາດຕະການສຸກເສີນຕ້ານການລະບາດຂອງພະຍາດໂຄວິດ-19 ຢູ່ໃນນະຄອນຫຼວງ ໂຕກຽວ ແລະ 3 ແຂວງເຊັ່ນ: Osaka, Kyoto ແລະ Hyogo ເພື່ອສະກັດກັ້ນພະຍາດໂຄວິດ-19 ພາຍໃນ 3 ເດືອນກ່ອນຈະເຖິງງານມະຫາກຳກີລາ ໂອລີມປິກ.

ໃນຄຳສັ່ງດັ່ງກ່າວ, ບັນດາສູນກາງການຄ້າ, ຮ້ານບັນເທີງ, ຮ້ານອາຫານ, ຮ້ານ ກາຣາໂອເກະ ແລະ ຮ້ານເຫຼົ້າ-ເບຍ ຈະຕ້ອງປິດປະຕູ. ການແຂ່ງຂັນກີລາ ຈະບໍ່ໃຫ້ຄົນເຂົ້າຊົມ, ບັນດາຫົວໜ່ວຍທຸລະກິດ ຮຽກຮ້ອງໃຫ້ພະນັກງານເຮັດວຽກຢູ່ກັບເຮືອນ ໃນຂະນະດຽວກັນ ໂຮງຮຽນຍັງເປີດໃຫ້ຮຽນໄດ້ປົກະຕິ.

ສຳນັກຂ່າວ ບີບີຊີ ລາຍງານວ່າ ທ່ານນາຍົກລັດຖະມົນຕີ ໂຢຊີຮິ ສຶງະ , ເມື່ອວັນທີ 23 ເມສານີ້ ປະກາດວ່າ ບັນດາມາດຕະການຕ່າງໆ ນັ້ນ ຈະເລີ່ມຈັດຕັ້ງປະຕິບັດແຕ່ວັນທີ 25 ເມສາຈົນເຖິງວັນທີ 11 ພຶດສະພາ. ນີ້ເປັນຄັ້ງທີ 3 ທີ່ໄດ້ອອກມາດຕະການສຸກເສີນໃນຍີ່ປຸ່ນ ນັບແຕ່ມື້ມີໂຄວິດລະບາດຂຶ້ນມາ.

ທ່ານນາຍົກລັດຖະມົນຕີ ຍີ່ປຸ່ນ ອະທິບາຍວ່າ “ຂ້າພະເຈົ້າຂໍອະໄພຫຼາຍໆ ທີ່ໄດ້ສ້າງຄວາມຫຍຸ້ງຍາກ ໃຫ້ກັບຫຼາຍໆ ຄົນອີກຄັ້ງໜຶ່ງ, ເຖິງຢ່າງໃດກໍດີ ມີຫຼາຍຄົນ ກັງວົນວ່າ ພະຍາດໃນຫົວເມືອງໃຫ່ຍໆ ຈະຂະຫຍາຍເປັນວົງກວ້າງອອກໄປທົ່ວປະເທດ ຖ້າພວກເຮົາຫາກບໍ່ມີມາດຕະການທີ່ຈຳເປັນ”.

ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19 - Wave100S AD to Website 2020 0 - ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19

ເຈົ້າຄອງນະຄອນ ໂຕກຽວ ທ່ານ Yuriko Koike ຮຽກຮ້ອງໃຫ້ປະຊາຊົນຈັດຕັ້ງປະຕິບັດບັນດາມາດຕະການປ້ອງກັນ ໂດຍທັນທີ. ເພື່ອສະກັດກັ້ນບໍ່ໃຫ້ຜູ້ຄົນອອກໄປທ່ຽວໃນຍາມກາງຄືນ. ທ່ານນາງ Koike ກ່າວວ່າ ລະບົບແສງສະຫວ່າງ ແລະ ບັນດາປ້າຍບອກເຕືອນຕ່າງໆ ດ້ວຍແສງໄຟ ຈະຖືກປິດທັງໝົດ.

ອີງຕາມສະຖິຕິຂອງມະຫາວິທະຍາໄລ Johns Hopkins ສະຫະລັດ ໃຫ້ຮູ້ວ່າ ອັດຕາການເສຍຊີວິດຈາດໄວຣັດໃນຍີ່ປຸ່ນ ໃນຂະນະນີ້ ແມ່ນຕໍ່າກວ່າຫຼາຍປະເທດໃນໂລກ ໂດຍຕົວເລກຢູ່ທີ່ 10.000  ຄົນຂອງຜູ້ຕິດເຊື້ອທັງໝົດເກືອບ 558.000 ກໍລະນີ ແຕ່ປະຊາຊົນເກງວ່າ ສະຖານະການຜູ້ຕິດເຊື້ອຍັງຈະເພີ່ມສູງຂຶ້ນ ໃນຂະນະທີ່ມີຫຼາຍເຂດ ກຳລັງຂາດແຄນຕຽງນອນໃຫ້ຄົນເຈັບ.

ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19 - WhatsApp Image 2020 05 27 at 5 - ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19
ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19 - WhatsApp Image 2020 05 27 at 5 - ຍີ່ປຸ່ນວາງມາດຕະການສຸກເສີນ ຕ້ານໂຄວິດ-19
error: Alert: ເນື້ອຫາຂ່າວມີລິຂະສິດ !!