ທັບນັກກິລາລາວ 66 ຄົນ ອອກເດີນາທາງແລ້ວ ຮ່ວມງານມະຫະກຳກິລານັກຮຽນອາຊຽນ ຄັ້ງທີ 29 ທີ່ສິງກະໂປ

ທັບນັກກິລານັກຮຽນລາວ ເຊິ່ງປະກອບມີຄະນະນຳ 13 ຄົນ, ຍິງ 4 ຄົນ, ຄູເຝິກ, ຜູ້ຊ່ວຍ 13 ຄົນ, ຍິງ 1 ຄົນ ແລະ ນັກ ກິລາຈຳນວນ 40 ຄົນ, 14 ຄົນ ລວມທັງໝົດ 66 ຄົນ ຈາກ 4 ປະ ເພດກິລາ ປະກອບມີ: ກະຕໍ້, ດອກ ປິກໄກ່, ລອຍນ້ຳ ແລະ ແລ່ນ- ລານ ໄດ້ອອກເດີນທາງຢ່າງເປັນ ທາງການແລ້ວ ເພື່ອເຂົ້າຮ່ວມ ແຂ່ງຂັນງານມະຫະກຳກິລານັກຮຽນອາຊຽນ ຄັ້ງທີ 29 ທີ່ປະ ເທດສິງກະໂປ ລະຫວ່າງວັນທີ 13-21 ກໍລະກົດ 2017.
ໃນຕອນເຊົ້າວັນທີ 13 ກໍລະກົດ ຜ່ານມາ ທີ່ສະໜາມບີນ ສາກົນວັດໄຕ ໄດ້ມີພິທີນຳສົ່ງຂະ ບວນທັບນັກກິລານັກຮຽນລາວ ເຂົ້າຮ່ວມງານມະຫະກຳກິລານັກຮຽນອາຊຽນ ຄັ້ງທີ 29 ທີ່ປະ ເທດສິງກະໂປ ຮັບກຽດນຳທັບ ໂດຍ ທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາ ທິການ ແລະ ກິລາ ທັງເປັນຫົວ ໜ້າຄະນະບໍລິຫານນຳພາທັບນັກກິລານັກຮຽນລາວ ແລະ ທ່ານ ບຸນສຸກ ທິລະສັກ ຫົວໜ້າກົມພະ ລະ ແລະ ສິລະປະສຶກສາ ພ້ອມ ດ້ວຍຄະນະ, ພະນັກງານວິຊາ ການ, ຄະເຝິກ, ນັກກິລາ ແລະ ພໍ່-ແມ່ ຜູ້ປົກຄອງນັກກິລາ ຕະ ຫຼອດຈົນຮອດຊາວນະຄອນຫຼວງວຽງຈັນ ອວຍພອນສົ່ງກຳລັງໃຈ ໃຫ້ທັບນັກກິລາ.
ສຳລັບຜົນງານໃນການເຂົ້າຮ່ວມງານກິລານັກຮຽນອາຊຽນ 3 ຄັ້ງ ຜ່ານມາຄື: ຄັ້ງທີ 6 ປີ 2013 ທີ່ ສສ ຫວຽດນາມ ສົ່ງ ທັບນັກກິລານັກຮຽນລາວ ຮ່ວມ 5 ປະເພດກິລາ ຍາດໄດ້ 3 ຫຼຽນ ເງິນ ແລະ 2 ຫຼຽນທອງ, ຄັ້ງທີ 7 ປີ 2015 ທີ່ປະເທດບຣູໄນ ສົ່ງ ເຂົ້າຮ່ວມ 3 ປະເພດກິລາ ຍາດ ໄດ້ 1 ຫຼຽນເງິນ ແລະ 2 ຫຼຽນ ທອງ ແລະ ຄັ້ງທີ 8 ປີ 2016 ທີ່ແຂວງຊຽງໃໝ່ ປະເທດໄທ ສົ່ງ 9 ປະເພດກິລາ ຍາດໄດ້ 1 ຫຼຽນ ເງິນ ແລະ 7 ຫຼຽນທອງ.
ຂ່າວຈາກ:laosportnews.co

error: Alert: Content is protected !!