ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ

ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ - Lpn20 2 - ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ
ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ - AGL banner - ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ

ໂດຍ: ລູກເມືອງພວນ

ໃນປັດຈຸບັນການລະບາດ ຂອງພະຍາດໂຄວິດ-19 ໄດ້ກາຍເປັນໄພອັນຕະລາຍ ຮ້າຍແຮງຂອງມວນມະນຸດຊາດ, ຊຶ່ງບໍ່ເຄີຍມີມາກ່ອນ. ນັບຕັ້ງແຕ່ມື້ເກີດຂຶ້ນມາທຳອິດເມື່ອທ້າຍປີ 2019 ເຖິງປັດຈຸບັນ, ພະຍາດນີ້ໄດ້ແພ່ລາມໄປຫຼາຍກວ່າ 200 ປະເທດ ແລະ ເຂດແຄວ້ນ ໃນທົ່ວໂລກ, ມີຜູ້ຕິດເຊື້ອນັບມື້ຫຼາຍຂຶ້ນເປັນຫລັກລ້ານ ແລະ ມີຜູ້ເສຍຊີວິດເປັນຈຳນວນຫລວງຫລາຍເຊັ່ນກັນ.

ພ້ອມໆກັນນັ້ນປເທດເຮົາກໍເປັນໜຶ່ງໃນບັນດາປະເທດທີ່ມີການຕິດເຊື້ອພະຍາດດັ່ງກ່າວ, ແຕ່ໂຊກດີຍັງ ບໍ່ມີຜູ້ເສຍຊີວິດ. ຕໍ່ສະພາບດັ່ງກ່າວ ກໍເນື່ອງຈາກເຮົາມີມາດຕະການສະກັດກັ້ນ ແລະ ຕ້ານການລະບາດພະຍາດນີ້ໄດ້ຢ່າງເຂັ້ມງວດຕະຫຼອດມາ, ແຕ່ຫນ້າເສຍດາຍຄວາມຫວັງດັ່ງກ່າວໄດ້ຖືກສະຫຼາຍໄປໃນຊ່ວງໄລຍະບຸນປີໃໝ່ລາວຜ່ານມາ, ໄດ້ມີຍິງລາວ-ບ່າວໄທລັກລອບຂ້າມຂອງນຳເອົາເຊື້ອໂຄວິດ-19 ເຂົ້າມາແພ່ເຊື້ອຢູ່ໃນລາວຢ່າງກ້ວາງຂວາງ ເຮັດໃຫ້ທົ່່ວປະເທດໄດ້ຮັບຄວາມເດືອດຮ້ອນ ກັງວົນເປັນຢ່າງຍິ່ງ. ສະເພາະແຕ່ໃນເດືອນເມສາໄລ່ມາເຖິງວັນທີ 26 ນີ້, ມີຜູ້ຕິດເຊື້ອສະສົມທັງໝມົດ 436 ຄົນ ແລະ ນັບແຕ່ນັ້ນມາຜູ້ຕິດເຊື້ອກໍເລີ່ມເພີ່ມເລື້ອຍໃນແຕ່ລະວັນຕາມລຳດັບ ຕໍ່ໜ້າສະຖານະການດັ່ງກ່າວ ທາງລັດຖະບານກໍໄດ້ອອກມາດຕະການເພີ່ມທະວີຕ້ານ ແລະ ສະກັດກັ້ນການແພ່ລະບາດຂອງພະຍາດນີ້ຢ່າງເຄັ່ງຄັດ ແລະ ເຂັ້ມແຂງ, 16 ແຂວງໃນທົ່ວປະເທດໄດ້ລອກດາວໃນຫ້າອອກ-ນອກຫ້າມເຂົ້າ.

ທ່ານນາຍົກລັດຖະມົນຕີໄດ້ຮຽກຮ້ອງໃຫ້ທຸກຄົນເປັນເຈົ້າການໃນຄວາມຮັບຜິດຊອບຕໍ່ສັງຄົມໃນຂະນະນີ້ວ່າ:
1. ໃຫ້ເພີ່ມຄວາມເອົາໃຈໃສ່, ຮັບຮູ້ເຂົ້າໃຈ ຕໍ່ຄວາມອັນຕະລາຍຂອງພະຍາດໂຄວິດ-19
2. ຮຽກຮ້ອງໃຫ້ຊາວລາວ ຊາວຕ່າງປະເທດທີ່ມີຈຸດປະສົງຈະເຂົ້າ-ອອກ ສປປ ລາວ ໃຫ້ລາຍງານຕໍ່ເຈົ້າໜ້າທີ່ກ່ຽວຂ້ອງ ເພື່ອດຳເນີນການໃຫ້ຖືກຕ້ອງຕາມຂັ້ນຕອນຂອງລະບຽບການ ບໍ່ໃຫ້ລັກລອບເຂົ້າ-ອອກ ຊຶ່ງຈະນຳເອົາຜົນເສຍຫາຍມາໃຫ້ປະເທດຊາດ.
3. ສືບຕໍ່ສັກວັກຊີນກັນພະຍາດໂຄວິດ-19 ຢ່າງກວ້າງຂວາງ
4. ປັບປຸງມາດຕະຖານສູນຈຳກັດບໍລິເວນ
5. ຜູ້ໃດຫາກລະເມີດມາດຕະການ ແລ້ວນຳເຊື້ອມາຕິດໃສ່ຜູ້ອື່ນ ຜູ້ນັ້ນກໍຕ້ອງຮັບຜິດຊອບຕໍ່ການປິ່ນປົວ, ຮັບຜິດຊອບທາງດ້ານບໍລິຫານ ແລະ ທາງດ້ານເສດຖະກິດ.

ນອກຈາກນີ້, ລັດຖະບານຍັງຮຽກຮ້ອງໃຫ້ທຸກຄົນໃນສັງຄົມ ຈົ່ງເປັນເຈົ້າການໃນການຈັດຕັ້ງປະຕິບັດ ມາດຕະການປ້ອງກັນຢ່າງເຂັ້ມງວດ, ເປັນຕົ້ນແມ່ນເວລາອອກໄປຂ້າງນອກຕ້ອງໃສ່ຜ້າອັດປາກ-ດັງ, ຮັກສາໄລຍະຫ່າງທາງສັງຄົມ ແລະ ໝັ່ນລ້າງມື ດ້ວຍສະບູ ຫຼື ເຈວລ້າງມືເປັນປະຈຳ. ເຖິງແມ່ນພວກເຮົາຈະມີການສັກວັກຊີນແລ້ວກໍຕາມ ແຕ່ຖ້າຫາກບໍ່ປະຕິບັດມາດຕະການເຫຼົ່ານີ້ ພະຍາດກໍຍັງຈະຕິດຕໍ່ກັນໄດ້ຢ່າງງ່າຍດາຍ, ເພາະວ່າສັກວັກຊິນແລ້ວບໍ່ໝາຍຄວາມວ່າ ພະຍາດເຂົ້າໃກ້ບໍ່ໄດ້ ແຕ່ກົງກັນຂ້າມຍັງສາມາດຕິດເຊື້ອໄດ້ ແລະ ແພ່ເຊື້ອໃສ່ຄົນອື່ນໄດ້ຕື່ມອີກ. ການສັກວັກຊີນ ເປັນພຽງແຕ່ສ້າງພູມຄຸ້ມກັນໃຫ້ກັບຮ່າງກາຍຂອງເຮົາສາມາດຕໍ່ຕ້ານກັບພະຍາດເລົ່ານັ້ນບໍ່ໃຫ້ເກີດຄວາມຮຸ່ນແຮງໃນຕົວຂອງເຮົາເອງເທົ່ານັ້ນ.

ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ - Wave100S AD to Website 2020 0 - ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ

ນີ້ຄືມາດຕະການພື້ນຖານທີ່ສຸດ ທີ່ລັດຖະບານວາງອອກ ແລະ ຂໍໃຫ້ປະຊາຊົນທຸກຄົນຈົ່ງໄດ້ມີສະຕິ, ເປັນເຈົ້າການຮ່ວມກັນ ເພື່ອພວກເຮົາທຸກຄົນກໍຈະມີຄວາມປອດໄພສູງຂຶ້ນ.

ເຖິງແມ່ນລັດຖະບານ ແລະ ຄະນະສະເພາະກິດ ຈະມີມາດຕະການທີ່ດີ ແລະ ເຂັ້ມງວດປານໃດກໍຕາມ, ແຕ່ຖ້າທຸກຄົນໃນສັງຄົມ, ບໍ່ໃຫ້ການສະໜັບສະໜູນ ແລະ ຈັດຕັ້ງປະຕິບັດມາດຕະການດັ່ງກ່າວດ້ວຍຄວາມຕື່ນຕົວ ແລະ ເປັນເຈົ້າການແລ້ວ, ການຕ້ານ ແລະ ສະກັດກັ້ນ ພະຍາດໂຄວິດ-19 ນີ້ກໍ່ຈະບໍ່ໄດ້ຜົນ. ສະຫຼຸບລວມແລ້ວ ຮຽກຮ້ອງໃຫ້ທຸກຄົນໃນສັງຄົມປະຕິບັດດັ່ງນີ້: ຕື່ນຕົວເປັນເຈົ້າການປະຕິບັດຄຳສັ່ງເລກທີ 15/ນຍ ຢ່າງເຂັ້ມງວດ.ໃສ່ຜ້າອັດປາກ-ດັງສະເໝີ ເວລາອອກໄປຂ້າງນອກ, ໝັ່ນລ້າງມືເປັນປະຈຳດ້ວຍສະບູ ຫຼື ເຈວ, ປະຕິບັດໄລຍະຫ່າງທາງສັງຄົມ,ບໍ່ເຕົ້າໂຮມຫຼາຍຄົນ, ບໍ່ໄປບ່ອນຊຸມຊົນແອອັດ,ຢູ່ເຮືອນ,ຜູ້ທີ່ສຳຜັດໃກ້ສິດກໍລະນີຕິດເຊື້ອຈົ່ງຕື່ນຕົວລາຍງານຕໍ່ເຈົ້າໜ້າທີ່ ເພື່ອກວດຫາເຊື້ອ ແລະ ຕື່ນຕົວກັກໂຕເອງ,ຕື່ນຕົວໄປສັກວັກຊີນ ປ້ອງກັນໂຄວິດໃຫ້ຄົບຖ້ວນ ແລະ ທົ່ວເຖິງພຽງເທົ່ານີ້ ເຮົາກໍຈະສາມາດສະກັດກັ້ນ ແລະ ຢຸດຕິການແພ່ລະບາດຂອງພະຍາດໄດ້ແລ້ວ.

ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ
ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈ ກັນຕ້ານໄພໂຄວິດ
error: Alert: ເນື້ອຫາຂ່າວມີລິຂະສິດ !!