10 ກິດຈະກຳແກ້ເບື່ອຊ່ວງ Social Distancing

10 ກິດຈະກຳແກ້ເບື່ອຊ່ວງ Social Distancing - 10 activities banner - 10 ກິດຈະກຳແກ້ເບື່ອຊ່ວງ Social Distancing
10 ກິດຈະກຳແກ້ເບື່ອຊ່ວງ Social Distancing - Untitled design - 10 ກິດຈະກຳແກ້ເບື່ອຊ່ວງ Social Distancing

ໃນຊ່ວງເວລາທີ່ທຸກຄົນຕ້ອງຮ່ວມມືກັນຮັກສາໄລຍະຫ່າງທາງສັງຄົມ (Social Distancing) ເພື່ອຊ່ວຍຫລຸດການຕິດ ແລະ ແຜ່ລະບາດຂອງ COVID-19 ແນ່ນອນວ່າຄົນທີ່ຄຸ້ນເຄີຍກັບການອອກໄປນອກເຮືອນເຮັດກິດຈະກຳຕ່າງໆ ບໍ່ວ່າຈະໄປເຮັດວຽກ, ຮຽນໜັງສື, ຊື້ເຄື່ອງ, ກິນເຂົ້າ, ເບິ່ງໜັງຟັງເພງ, ນັດພົບໝູ່ເພື່ອນ, ໄປຟິດເນັດ ແລະ ອື່ນໆອີກຫລາຍຢ່າງ ເຮັດໃຫ້ເກີດຄວາມອຶດອັດທີ່ຕ້ອງຢູ່ແຕ່ເຮືອນ ຢາກຈະອອກໄປທາງນອກກໍຢ້ານ ຍິ່ງຕິດຕາມຂ່າວສານຢູ່ເຮືອນກໍຍິ່ງເພີ່ມຄວາມຄຽດຂຶ້ນໄປອີກ ເພື່ອຊ່ວຍຫລຸດຄວາມເບື່ອໜ່າຍ ຜ່ອນຄາຍຄວາມວິຕົກກັງວົນ ຂໍແນະນຳ 10 ກິດຈະກຳແກ້ເບື່ອເມື່ອຕ້ອງຢູ່ເຮືອນດົນໆ ທີ່ບໍ່ແມ່ນກິດຈະກຳພຽງແຕ່ເບິ່ງໜັງຟັງເພງຫລິ້ນເກມອອນລາຍ, ແຕ່ເປັນກິດຈະກຳທີ່ເຮັດໃຫ້ບໍ່ຕ້ອງຄິດເຖິງວິກິດທີ່ເກີດຂຶ້ນ, ຫລຸດຄວາມອຶດອັດໃຈ ແລະ ຍັງໄດ້ປະໂຫຍດແກ່ທ່ານເອງ.

10 ກິດຈະກຳແກ້ເບື່ອຊ່ວງ Social Distancing - 11 1 300x200 - 10 ກິດຈະກຳແກ້ເບື່ອຊ່ວງ Social Distancing

  1. ຮຽນອອນລາຍ

ໃນຍຸກທີ່ໂລກໝູນໄວແບບນີ້ ການຮຽນຮູ້ຕະຫລອດຊີວິດເປັນສິ່ງທີ່ທຸກຄົນຄວນພັດທະນາທັກສະຂອງຕົນເອງໃຫ້ເທົ່າທັນຢ່າງສະໝໍ່າສະເໝີ, ໃນຊ່ວງເວລານີ້ເປັນຈັງຫວະທີ່ຈະໄດ້ພັດທະນາທັກສະ, ຄວາມຮູ້, ເພີ່ມຂີດຄວາມສາມາດຂອງທ່ານເອງ ເຊິ່ງການຮຽນອອນລາຍມີໃຫ້ເລືອກຈຳນວນຫລາຍ ບໍ່ວ່າຈະເປັນດ້ານພາສາ, ກຣາບຟິກ, ຕັດຕໍ່ວິດີໂອ, ຖ່າຍຮູບ, ສິລະປະ, Data Science, Design Thinking, Python ເປັນຕົ້ນ. ການຮຽນອອນລາຍຈຶ່ງເປັນທາງເລືອກທີ່ດີໃນຊ່ວງເວລານີ້ ເພື່ອພັດທະນາປະສິດທິພາບໃຫ້ຕົນເອງ ເພື່ອກຽມພ້ອມກັບໄປເຮັດວຽກໃຫ້ດີຍິ່ງຂຶ້ນກວ່າເກົ່າ.

10 ກິດຈະກຳແກ້ເບື່ອຊ່ວງ Social Distancing - 22 1 300x200 - 10 ກິດຈະກຳແກ້ເບື່ອຊ່ວງ Social Distancing

  1. ຄອນເທັນຄຣີເອເທີ

ຄວາມຈິງແລ້ວ ຄົນເຮົາທຸກຄົນລ້ວນມີຄວາມສາມາດທີ່ຫລາກຫລາຍ ສຸດແລ້ວແຕ່ວ່າຈະຈັບເອົາສ່ວນໃດອອກມາໂຊ ຍິ່ງໃນຍຸກນີ້ ສາມາດຜັນຕົວເອງໃຫ້ເປັນແອັດມິນເພຈ ຫລື ເປີດຊາແນລໃນໂລກອອນລາຍໄດ້ງ່າຍໆ, ແຕ່ສ່ວນຫລາຍມັກບອກວ່າບໍ່ມີເວລາ ຕອນນີ້ແຫລະເປັນໂອກາດທອງທີ່ຈະໄດ້ເປັນເຈົ້າຂອງເພຈ ຫລື ມີຊາແນລເປັນຂອງຕົນເອງ ເຊິ່ງສາມາດນຳສະເໜີເນື້ອຫາຫຍັງກໍໄດ້ທີ່ມັກເຊັ່ນ: ອອກກຳລັງກາຍ, ເຮັດອາຫານ, ທ່ອງທ່ຽວ, ສຸຂະພາບຄວາມງາມ, ສັດລ້ຽງ, ຫຍິບປັກຖັກແສ່ວ ເປັນຕົ້ນ. ການເປີດເພຈ ຫລື ຊາແນລນອກຈາກຈະໄດ້ບອກຕໍ່ເລື່ອງດີໆອອກໄປສູ່ຜູ້ອື່ນແລ້ວ ຖ້າມີຄົນຕິດຕາມຫລາຍ ອາດເປັນລາຍໄດ້ເສີມຈາກການໂຄສະນາສິນຄ້າໃນເພຈ ຫລື ຊາແນລໄດ້ນຳອີກ.

10 ກິດຈະກຳແກ້ເບື່ອຊ່ວງ Social Distancing - 33 1 300x169 - 10 ກິດຈະກຳແກ້ເບື່ອຊ່ວງ Social Distancing

  1. ຝຶກເຮັດອາຫານ ແລະ ເຂົ້າໜົມ

ຄົນສະໄໝນີ້ສ່ວນຫລາຍຈະອອກໄປກິນເຂົ້ານອກເຮືອນ ຫລື ຊື້ມາກິນຢູ່ເຮືອນ ເລີຍບໍ່ຄ່ອຍເຮັດອາຫານ ຫລື ເຮັດບໍ່ເປັນ ຄັ້ງນີ້ລະທີ່ຈະໄດ້ລອງຝຶກເຮັດທຳອາຫານ ໂດຍອາດເລືອກຈາກເມນູງ່າຍໆ ຫລື ເມນູທີ່ມັກ ເຊິ່ງສູດອາຫານມີໃຫ້ເລືອກຫລວງຫລາຍ ສາມາດຄົ້ນຫາໄດ້ໃນອິນເຕີເນັດ ຖ້າຊ່ຽວຊານແລ້ວຄ່ອຍພັດທະນາຝີມືລອງເຮັດເມນູຍາກໆ. ການເຮັດອາຫານກິນເອງນອກຈາກຈະສາມາດເລືອກວັດຖຸດິບທີ່ດີມີຄຸນນະພາບແລ້ວ ຍັງໝັ້ນໃຈໄດ້ໃນເລື່ອງຄວາມສະອາດ ແລະ ຄວາມປອດໄພບໍ່ມີສານປົນເປື້ອນ ທີ່ສຳຄັນເປັນກິດຈະກຳທີ່ຊ່ວຍຫລຸດຄວາມຄຽດ ດຶງຄວາມສົນໃຈອອກຈາກເລື່ອງວຸ້ນວາຍຕ່າງໆໄດ້ເປັນຢ່າງດີ.

10 ກິດຈະກຳແກ້ເບື່ອຊ່ວງ Social Distancing - 44 300x200 - 10 ກິດຈະກຳແກ້ເບື່ອຊ່ວງ Social Distancing

  1. ວຽກຫຍິບປັກຖັກແສ່ວ

ຫລາຍຄົນມີທັກສະໃນການເຮັດວຽກຫຍິບປັກຖັກແສ່ວ ລອງຫາວຽກແບບນີ້ມາຝຶກເຮັດ ນອກຈາກຈະໄດ້ເພີດເພີນກັບວຽກທີ່ມັກແລ້ວ ຍັງອາດຫາລາຍໄດ້ເພີ່ມຈາກວຽກພວກນີ້ໄດ້ນຳ ຍິ່ງໃນຊ່ວງນີ້ຜ້າອັດປາກ-ດັງຂາດເຂີນ ລອງຝຶກເຮັດເອງໄວ້ໃຊ້ ຫລື ຈະເອົາໄປບໍລິຈາກໃຫ້ຄົນທີ່ບໍ່ມີກໍໄດ້ ຖ້າຊ່ຽວຊານອາດເຮັດຂາຍອອນລາຍ ສາມາດຫາລາຍໄດ້ເພີ່ມຈາກການຢູ່ເຮືອນໄດ້ອີກທາງໜຶ່ງ ເອີ້ນໄດ້ວ່າຍິງປືນລູກດຽວໄດ້ນົກຫລາຍໂຕ.

  1. ອ່ານໜັງສືທີ່ຊື້ມາດົນ

ເຄີຍໄປງານສັບປະດາໜັງສືແລ້ວຊື້ມາເຮືອນຈຳນວນຫລາຍ ແຕ່ບໍ່ໄດ້ເປີດອ່ານເທື່ອ ໂອກາດນີ້ໄດ້ເວລາແລ້ວທີ່ຈະຈັບເອົາໜັງສືມາອ່ານ. ການອ່ານຊ່ວຍໃຫ້ຮູ້ສຶກຜ່ອນຄາຍ, ຫລຸດຄວາມຄຽດຕ່າງໆ ເຮັດໃຫ້ມີສະມາທິຕໍ່ສິ່ງໃດສິ່ງໜຶ່ງໄດ້ດີຂຶ້ນ ແລະ ຊ່ວຍກະຕຸ້ນການເຮັດວຽກຂອງສະໝອງ ຊ່ວຍພັດທະນາຄວາມຈື່ຈຳ ປ້ອງກັນພະຍາດອັລໄຊເມີ ແລະ ຍັງຊ່ວຍທັກສະໃນການສື່ສານໃຫ້ດີຂຶ້ນ ເຊິ່ງເປັນສິ່ງທີ່ສຳຄັນໃນການເຮັດວຽກ ແລະ ການໃຊ້ຊີວິດປະຈຳວັນ.

10 ກິດຈະກຳແກ້ເບື່ອຊ່ວງ Social Distancing - Wave100S AD to Website 2020 0 - 10 ກິດຈະກຳແກ້ເບື່ອຊ່ວງ Social Distancing
  1. ອະນາໄມເຮືອນຄັ້ງໃຫຍ່

ແມ່ນແລ້ວ ເມື່ອຢູ່ເຮືອນຈະມີຫຍັງດີໄປກວ່າການອະນາໄມເຮືອນ ປັດກວາດເຊັດຖູສ່ວນຕ່າງໆຂອງເຮືອນໃຫ້ສະອາດປາສະຈາກເຊື້ອພະຍາດ, ມີຫຍັງທີ່ຮົກບໍ່ເປັນລະບຽບກໍຈັດໃຫ້ເປັນລະບຽບຮຽບຮ້ອຍ ມີຫຍັງທີ່ບໍ່ໄດ້ໃຊ້ເກີນຄວາມຈຳເປັນກໍເກັບໃສ່ກ່ອງເພື່ອກຽມໄປບໍລິຈາກ ໂດຍສະເພາະເສື້ອຜ້າ.

10 ກິດຈະກຳແກ້ເບື່ອຊ່ວງ Social Distancing - 55 1 300x200 - 10 ກິດຈະກຳແກ້ເບື່ອຊ່ວງ Social Distancing

  1. ປູກຜັກສວນຄົວ

ໃນຊ່ວງທີ່ຕ້ອງຢູ່ແຕ່ເຮືອນ ອາຫານແຫ້ງປະເພດເຂົ້າສານ, ປາກະປ໋ອງ, ໝີ່ສຳເລັດຮູບ ຍັງພໍເກັບຕຸນໄວ້ໃຊ້ໄດ້ດົນໆ ແຕ່ປະເພດຜັກບໍ່ເທົ່າໃດມື້ກໍເນົ່າແລ້ວ ການປູກຜັກສວນຄົວທີ່ໃຫຍ່ງ່າຍ ໄດ້ຜົນຜະລິດໄວ ໃຊ້ເນື້ອທີ່ບໍ່ຫລາຍເປັນທາງອອກທີ່ດີໃນຊ່ວງທີ່ເກີດວິກິດ ແລະ ຍັງໄດ້ຜັກປອດສານພິດເອົາໄວ້ກິນ ຜັກທີ່ຄວນປູກເຊັ່ນ: ຖົ່ວງອກ, ຜັກບົ້ງ, ຕົ້ນອ່ອນທານຕາເວັນ, ບົວລະພາ, ກະເພົາ, ຜັກສະຫລັດຕ່າງໆ ຖືເປັນອີກກິດຈະກຳທີ່ຊ່ວຍແກ້ເບື່ອ ແລະ ຖືເປັນການສ້າງຄັງຜັກໄວ້ຢູ່ເຮືອນຂອງເຮົາເອງ.

  1. ອອກກຳລັງກາຍ

ຈະມີຫຍັງດີໄປກວ່າການເພີ່ມຄວາມແຂງແຮງໃຫ້ຮ່າງກາຍໃນຊ່ວງທີ່ມີພະຍາດລະບາດ ຈະອອກນອກເຮືອນໄປຟິດເນັດກໍເຮັດບໍ່ໄດ້ ພຽງແຕ່ເປີດຢູທູບກໍມີຊາແນລຈຳນວນຫລາຍໃຫ້ເລືອກອອກກຳລັງກາຍຕາມຄວາມມັກ ຈາກການວິໄຈພົບວ່າການອອກກຳລັງກາຍໃຫ້ຜົນດີຫລາຍ ທັງເຮັດໃຫ້ອາລົມດີ, ຮ່າງກາຍແຂງແຮງ, ຫລັບສະບາຍ, ປອດແຂງແຮງ ແລະ ຍັງຊ່ວຍກະຕຸ້ນພູມຄຸ້ມກັນຂອງຮ່າງກາຍໃຫ້ດີຍິ່ງຂຶ້ນ ເອີ້ນໄດ້ວ່າເປັນກິດຈະກຳແກ້ເບື່ອ ຫລຸດຄວາມຄຽດ ແລະ ປ້ອງກັນ COVID-19 ໄດ້ອີກ.

10 ກິດຈະກຳແກ້ເບື່ອຊ່ວງ Social Distancing - 66 1 300x200 - 10 ກິດຈະກຳແກ້ເບື່ອຊ່ວງ Social Distancing

  1. ປະນິບັດຮ່າງກາຍ

ເມື່ອຕ້ອງຢູ່ເຮືອນດົນໆ ລອງຫັນມາເບິ່ງແຍງຮ່າງກາຍຜິວພັນຂອງຕົນເອງດີບໍ່ ໂດຍສະເພາະຜູ້ຍິງທີ່ຕ້ອງອອກໄປເຮັດວຽກນອກເຮືອນທຸກວັນ ບໍ່ຄ່ອຍມີເວລາເບິ່ງແຍງຜິວພັນ ເຮັດໃຫ້ຜິວເສື່ອມໂຊມ ເບິ່ງແກ່ກວ່າໄວ ຜິວໝອງຄໍ້າ ເປັນຝ້າ ກະ ຈຸດດ່າງດຳ ລອງໃຊ້ໂອກາດນີ້ປະນິບັດຮ່າງກາຍຕົນເອງ ດ້ວຍການອາບນໍ້າດົນໆ ເບິ່ງແຍງຜິວພັນ ຂັດຜອກຜິວ ມາກໜ້າ ສະປາຜົມ ສະປາຜິວ ສະປາເລັບໃຫ້ຕົນເອງ ລອງເຮັດເບິ່ງເພື່ອຜ່ອນຄາຍຮ່າງກາຍຈິດໃຈ ແລະ ຍັງຊ່ວຍເພີ່ມຄວາມງາມ ເພີ່ມຄວາມໝັ້ນໃຈໃຫ້ຕົນເອງນຳອີກ.

10 ກິດຈະກຳແກ້ເບື່ອຊ່ວງ Social Distancing - 77 1 300x200 - 10 ກິດຈະກຳແກ້ເບື່ອຊ່ວງ Social Distancing

  1. ນັ່ງສະມາທິ ມີສະຕິ ຊ່ວຍຫລຸດຄວາມຄຽດ

ໃນຊ່ວງສະຖານະການ COVID-19 ທີ່ບໍ່ຮູ້ວ່າຈະຈົບລົງຕອນໃດ ການຮັບຮູ້ຂໍ້ມູນຂ່າວສານໃນປະລິມານຫລາຍໆ ອາດເຮັດໃຫ້ວິຕົກກັງວົນເກີດຄວາມຄຽດພາຍໃນຈິດໃຈ ການນັ່ງສະມາທິໃຫ້ຈິດຂອງເຮົາສະຫງົບຢູ່ກັບປັດຈຸບັນບໍ່ຫ່ວງໜ້າພະວົງຫລັງ ກໍ່ໃຫ້ເກີດສະຕິເຮັດໃຫ້ມີປັນຍາສາມາດເອົາຕົວລອດປອດໄພໄດ້ໃນສະຖານະການແບບນີ້ ແລະ ການນັ່ງສະມາທິເປັນປະຈຳຍັງຊ່ວຍໃຫ້ຈິດໃຈຜ່ອງໃສ ອ່ອນໂຍນ ຜ່ອນຄາຍຄວາມຄຽດ ຫລຸດອາລົມໂກດ ຊ່ວຍໃຫ້ຄວາມຈຳດີ ແລະ ສະໝອງມີປະສິດທິພາບຂຶ້ນ ເອີ້ນໄດ້ວ່າເປັນຊ່ວງເວລາທີ່ຈະນຳພາຄວາມສະຫງົບສຸກມາສູ່ຈິດໃຈ ແລະ ຍັງໄດ້ລົບລ້າງເລື່ອງກັງວົນຕ່າງໆອອກໄປແບບງ່າຍໆໂດຍບໍ່ຕ້ອງອາໄສໃຜ.

10 ກິດຈະກຳທີ່ແນະນຳໃຫ້ເຮັດ ນອກຈາກຈະຊ່ວຍຫລຸດຄວາມເບື່ອ ຄວາມຄຽດທີ່ຕ້ອງຢູ່ແຕ່ເຮືອນດົນໆແລ້ວ ຍັງໄດ້ປະໂຫຍດທັງໃນທາງການພັດທະນາປະສິດທິພາບການເຮັດວຽກ ເພີ່ມຂີດຄວາມສາມາດໃຫ້ຕົນເອງ ແລະ ຍັງໄດ້ຮ່າງກາຍທີ່ແຂງແຮງ ຈິດໃຈແຈ່ມໃສ ແລະ ອາດເປັນປະຕູບານໃໝ່ທີ່ເປີດອອກໃຫ້ມີອາຊີບເສີມໄດ້ໃນອະນາຄົດ ລອງເຮັດເບິ່ງແລ້ວຈະພົບວ່າໄລຍະຫ່າງທາງສັງຄົມ (Social Distancing) ບໍ່ແມ່ນເລື່ອງໜ້າເບື່ອອີກຕໍ່ໄປ.

10 ກິດຈະກຳແກ້ເບື່ອຊ່ວງ Social Distancing - WhatsApp Image 2020 05 27 at 5 - 10 ກິດຈະກຳແກ້ເບື່ອຊ່ວງ Social Distancing
10 ກິດຈະກຳແກ້ເບື່ອຊ່ວງ Social Distancing - WhatsApp Image 2020 05 27 at 5 - 10 ກິດຈະກຳແກ້ເບື່ອຊ່ວງ Social Distancing
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!