ນາຍົກລັດຖະລັດຖະມົນຕີໄທ ຖືກປັບໃໝ 6.000 ບາດຂໍ້ຫາບໍ່ໃສ່ຜ້າອັດປາກດັງໃນຂະນະປະຊຸມ
April 27, 2021 - 12:57 PM
ສຳນັກຂ່າວໄທຣັດອອນລາຍ ໄດ້ນຳສະເໜີຂ່າວວັນທີ 27 ເມສາ 2021 ນີ້ໃຫ້ຮູ້ວ່າ: ທ່ານພົນເອກ ປຣະຢຸດ ຈັນໂອຊາ ນາຍົກລັດຖະລັດຖະມົນຕີໄທ ຖືກປັບໃໝ 6.000 ບາດ ຫລື ປະມານ 2 ລ້ານກີບ ໃນຖານບໍ່ໃສ່ຜ້າອັດປາກ-ດັງ ສາເຫດແມ່ນມາຈາກມາຈາກທ່ານນາຍົກໂພສພາບໃນຂະນະປະຊຸມ ແຕ່ໃນພາບດັ່ງກ່າວປາກົດເຫັນທ່ານພຽງຄົນດຽວທີ່ບໍ່ໃສ່ຜ້າອັດປາກ-ດັງຈຶ່ງຖືກສັງຄົມວິພາກວິຈານ ພ້ອມໄດ້ສົ່ງເລື່ອງຂຶ້ນຕໍ່ຄະນະຮັບຜິດຊອບຄວບຄຸມໂຄວິດ-19 ໃນກຸງເທບ ຈຶ່ງຖືວ່າເປັນຄວາມຜິດຕໍ່ມາດຕະການທີ່ປະກາດອອກໄປໂດຍລະບຸວ່າ: ບຸກຄົນໃດກໍຕາມຫາກບໍ່ໃສ່ຜ້າອັດປາກ-ດັງໃນຂະນະທີ່ຢູ່ຮ່ວມກັບຄົນອື່ນຕັ້ງແຕ່ 2 ຄົນຂຶ້ນໄປ ຈະຖືກປັບໃໝແຕ່ 6 ພັນບາດຫາ 2 ໝື່ນບາດ, ດັ່ງນັ້ນ, ທ່ານນາຍົກຖືເປັນຄວາມຄັ້ງທຳອິດຈຶ່ງຖືກປັບໃໝ 6 ພັນບາດ.
