ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ

ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ - AGL banner - ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ
ໃນວັນທີ 27 ເມສາ 2021 ນີ້, ກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ-19 ໄດ້ລາຍງານໃຫ້ຮູ້ວ່າ: ສຳລັບ ສປປ ລາວ ໃນວັນທີ 26 ເມສາ 2021 ໄດ້ເກັບຕົວຢ່າງມາກວດວິເຄາະທັງໝົດ 2.646 ຄົນ ແລະ ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 75 ຄົນ, ໃນນັ້ນມີ ນະຄອນຫລວງ 59 ຄົນ, ຈຳປາສັກ 8 ຄົນ, ແຂວງວຽງຈັນ 4 ຄົນ, ສະຫວັນນະເຂດ 1 ຄົນ, ບໍ່ແກ້ວ 1 ຄົນ, ຫລວງພະບາງ 1 ຄົນ ແລະ ຊຽງຂວາງ 1 ຄົນ.
ມາຮອດປັດຈຸບັນ, ຕົວເລກຕິດເຊື້ອສະສົມ 511 ຄົນ, ບໍ່ມີຜູ້ເສຍຊີວີດ, ປິ່ນປົວຫາຍດີ 49 ຄົນ, ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 49 ສູນ, ມີຜູ້ຈຳກັດບໍລິເວນທັງໝົດ 3.856 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19 ແລະ ຍັງມີຜູ້ຕິດເຊື້ອໂຄວິດ-19 ນອນຕິດຕາມປິ່ນປົວຢູ່ສະຖານທີ່ປິ່ນປົວທີ່ແຂວງກຳນົດໄວ້ ຈຳນວນ 462 ຄົນ ຄື: ຢູ່ນະຄອນຫຼວງວຽງຈັນ 331 ຄົນ, ແຂວງຈຳປາສັກ 70 ຄົນ, ສຳລັບຄົນເຈັບແຂວງເຊກອງ ແມ່ນນອນປິ່ນປົວຢູ່ແຂວງຈຳປາສັກ, ສະຫວັນນະເຂດ 19 ຄົນ, ບໍ່ແກ້ວ 14 ຄົນ, ສາລະວັນ 6 ຄົນ, ອຸດົມໄຊ 2 ຄົນ, ຫລວງນ້ຳທາ 4 ຄົນ, ວຽງຈັນ 8 ຄົນ, ຜົ້ງສາລີ 2 ຄົນ, ຫລວງພະບາງ 2 ຄົນ, ໄຊຍະບູລີ 1 ຄົນ, ບໍລິຄຳໄຊ 1 ຄົນ, ຄຳມ່ວນ 1 ຄົນ ແລະ ຊຽງຂວາງ 1 ຄົນ.
ໂອກາດນີ້, ທ່ານ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະ ບາດວິທະຍາ ກະຊວງສາທາລະນະສຸກ ກໍໄດ້ຮຽກຮ້ອງມາຍັງ ຜູ້ທີ່ຖືກເກັບຕົວຢ່າງກວດຊອກຫາເຊື້ອ ໃນໄລຍະລໍຖ້າຜົນກວດ ທ່ານຄວນຈຳກັດບໍລິເວນຕົນເອງຢູ່ໃນເຮືອນ, ແຍກປ່ຽວຕົນເອງຈາກຄົນໃນຄອບຄົວ ແລະ ຫລີກລ້ຽງການອອກຈາກບ້ານ, ເຖິງຜົນກວດຂອງທ່ານອອກມາເປັນລົບ ກໍຕາມ ບໍ່ໄດ້ຄວາມໝາຍວ່າທ່ານຈະບໍ່ມີໂອກາດຕິດເຊື້ອພະຍາດ, ຂໍໃຫ້ເອົາໃຈໃສ່ປະຕິບັດມາດຕະການປ້ອງກັນການຕິດເຊື້ອ ທີ່ຄະນະສະເພາະກິດວາງອອກ ຢ່າງຖືກຕ້ອງ ແລະ ເຂັ້ມງວດ ເພື່ອປ້ອງກັນຕົວທ່ານ, ຄອບຄົວ ແລະ ສັງຄົມຈາກພະຍາດໂຄວິດ-19.
ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ - Wave100S AD to Website 2020 0 - ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ
ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ - WhatsApp Image 2020 05 27 at 5 - ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ
ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ - WhatsApp Image 2020 05 27 at 5 - ລາວກວດພົບຄົນຕິດ ໂຄວິດ-19 ເພີ່ມອີກ 75 ຄົນ
error: Alert: ເນື້ອຫາຂ່າວມີລິຂະສິດ !!