ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ

ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ - AGL banner - ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ

ວັນທີ 26 ເມສາ 2021, ທາງການອາເມລິກາ ພາຍໃຕ້ການນຳຂອງປະທານາທິບໍດີ ໂຈ ໄບເດັນ ປະກາດກຽມຈັດສັນວັກຊີນຕ້ານໂຄວິດ-19 ຈາກ AstraZeneca 60 ລ້ານໂດສ ໃຫ້ບັນດາປະເທດຂາດເຂີນທີ່ກຳລັງປະສົບວິກິດ ເພື່ອສະໜັບສະໜູນການເຂົ້າເຖິງວັກຊີນຢ່າງເທົ່າທຽມ.

ໂດຍປັດຈຸບັນ ທາງການອາເມລິກາຍັງບໍ່ມີວັກຊີນ AstraZeneca ພາຍໃນສາງ ຄາດວ່າຈະເລີ່ມທະຍອຍຈັດສົ່ງຊ່ວຍເຫລືອໄດ້ພາຍໃນອາທິດໜ້າຈຳນວນ 10 ລ້ານໂດສ ກ່ອນອີກ 50 ລ້ານໂດສຈະຈັດສົ່ງໃຫ້ໃນຊ່ວງເດືອນພຶດສະພາ ຫລື ມິຖຸນາປີນີ້. ເບື້ອງຕົ້ນຍັງຢູ່ໃນຊ່ວງການພິຈາລະນາວ່າ: ຈະສົ່ງວັກຊີນດັ່ງກ່າວໄປຊ່ວຍເຫລືອປະເທດໃດ.

ທ່ານ ເຈນ ປາຊາກີ ໂຄສົກປະຈຳທຳນຽບຂາວ ລະບຸວ່າ: ປັດຈຸບັນທາງການອາເມລິກາໄດ້ປະກາດຮັບຮອງວັກຊີນຕ້ານໂຄວິດ-19 ແລ້ວຈຳນວນ 3 ຊະນິດຈາກ Pfizer-BioNTech, Moderna ແລະ Johnson & Johnson ໂດຍວັກຊີນຈາກ AstraZeneca ທີ່ທາງອາເມລິກາສັ່ງຈອງໄປຈະຕ້ອງຜ່ານການຮັບຮອງ ແລະ ກວດສອບລະດັບປະສິດທິພາບກ່ອນຈະປະກາດໃຊ້ເປັນກໍລະນີສຸກເສີນພາຍໃນອາເມລິກາໄດ້.

ເຖິງວ່າການກຽມຈັດສັນວັກຊີນຂອງອາເມລິກາກ່ອນສົ່ງໄປຊ່ວຍເຫລືອປະເທດຕ່າງໆ ຈະຖືເປັນບາດກ້າວສຳຄັນຂອງການສະໜັບສະໜູນການເຂົ້າເຖິງວັກຊີນຢ່າງເທົ່າທຽມໃນປະຊາຄົມໂລກ, ແຕ່ຫລາຍຝ່າຍຍັງຮຽກຮ້ອງໃຫ້ລັດຖະບານອາເມລິກາເລັ່ງສົ່ງການຊ່ວຍເຫລືອເພີ່ມຕື່ມ ໂດຍສະເພາະວັກຊີນຕ້ານໂຄວິດ-19 ທີ່ທາງການມີໄວ້ຢູ່ໃນປັດຈຸບັນນີ້.

ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ - Wave100S AD to Website 2020 0 - ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ

ນອກຈາກນີ້, ທາງການອາເມລິກາປະກາດກຽມສົ່ງການຊ່ວຍເຫລືອໄປໃຫ້ອິນເດຍ ທີ່ກຳລັງປະສົບວິກິດການແຜ່ລະບາດຂອງໂຄວິດ-19 ຄັ້ງໃຫຍ່, ຂາດເຂີນຕຽງ, ອົກຊີ ແລະ ອຸປະກອນທີ່ໃຊ້ໃນການປິ່ນປົວ, ປະຊາຊົນທະຍອຍເສຍຊີວິດ ໂດຍມີຈຳນວນຜູ້ເສຍຊີວິດສະສົມເກືອບ 2 ແສນຄົນແລ້ວທົ່ວປະເທດ.

ຈາກລາຍງານລະບຸວ່າ: ປັດຈຸບັນມີວັກຊີນຕ້ານໂຄວິດ-19 ພຽງ 0,3% ຂອງວັກຊີນຕ້ານໂຄວິດ-19 ທັງໝົດໃນປະຊາຄົມໂລກທີ່ໄດ້ຮັບການຈັດສົ່ງໄປໃຫ້ກຸ່ມປະເທດທີ່ມີລາຍໄດ້ໜ້ອຍ ໂດຍຫລາຍຝ່າຍເບິ່ງວ່າ: ການປະກັນສິດທິໃນການເຂົ້າເຖິງວັກຊີນຢ່າງເທົ່າທຽມ ຖືເປັນອີກໜຶ່ງຄວາມທ້າທາຍຂອງລັດຖະບານອາເມລິກາຕໍ່ຈາກນີ້ ຫລັງບໍລິຫານຈັດການວິກິດພາຍໃນປະເທດໄດ້ເປັນຢ່າງດີ ບັນລຸຜົນເກີນເປົ້າໃນໄລຍະ 100 ວັນຂອງການດຳລົງຕຳແໜ່ງຂອງລັດຖະບານອາເມລິກາຊຸດໃໝ່.

ອ້າງອີງ:

ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ - WhatsApp Image 2020 05 27 at 5 - ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ
ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ - WhatsApp Image 2020 05 27 at 5 - ອາເມລິກາກຽມຈັດສົ່ງວັກຊີນຕ້ານໂຄວິດ-19 60 ລ້ານໂດສ ໃຫ້ປະເທດຂາດເຂີນ
error: Alert: ເນື້ອຫາຂ່າວມີລິຂະສິດ !!