ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19

ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ - 19 - FB IMG 1619662486116 - ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19
ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ - 19 - AGL banner - ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19

ພະຍາດໂຄວິດ-19 ໄດ້ແຜ່ລະບາດຢູ່ປະເທດຕ່າງໆ ໃນອາຊີຕາເວັນອອກສຽງໃຕ້ຢ່າງຮ້າຍແຮງ ແລະ ໃນປັດຈຸບັນ ພະຍາດໂຄວິດ-19 ໄດ້ລະບາດຢູ່ປະເທດລາວ ຮອບໃໝ່ ນັບແຕ່ວັນທີ 21 ເມສາ 2021 ເປັນຕົ້ນມາ, ຈຳນວນຜູ້ຖືກບົ່ງມະຕິເປັນພະຍາດໂຄວິດ-19 ໄດ້ເພີ່ມຂຶ້ນຢ່າງວ່ອງໄວ. ມາຮອດວັນທີ 27 ເມສາ 2021, ມີທັງໝົດ 511 ກໍລະນີ, ເຊິ່ງເປັນສະຖິຕິສູງສຸດ ນັບແຕ່ເກີດມີການແຜ່ລະບາດຂອງພະຍາດດັ່ງກ່າວ.
ເພື່ອຄວບຄຸມການແຜ່ລະບາດຂອງພະຍາດດັ່ງກ່າວ, ພັກ ແລະ ລັດຖະບານລາວ ໄດ້ໃຊ້ມາດຕະການຕ່າງໆ ເຊິ່ງລວມທັງມາດຕະການປິດເມືອງ ຢູ່ນະຄອນຫລວງວຽງຈັນ ຢ່າງເດັດຂາດ, ນີ້ເປັນມາດຕະການທີ່ເຄັ່ງຄັດທີ່ສຸດໃນປະຫວັດສາດຂອງລາວ. ສິ່ງທີ່ໜ້າຍ້ອງຍໍຊົມເຊີຍ ກໍຄື: ປະຊາຊົນລາວ ລ້ວນແຕ່ເຫັນດີເຫັນພ້ອມ ແລະ ໃຫ້ການສະໜັບສະໜູນມາດຕະການປ້ອງກັນ ແລະ ຄວບຄຸມພະຍາດ ຂອງລັດຖະບານລາວ ຢ່າງເປັນເຈົ້າການ. ນອກຈາກໄປກວດນຳແພດໝໍແລ້ວ, ພໍ່ແມ່ປະຊາຊົນ ກໍລ້ວນແຕ່ໃສ່ຜ້າປິດປາກຢ່າງເປັນເຈົ້າການ, ຮັກສາໄລຍະຫ່າງທາງສັງຄົມ ແລະ ຖ້າບໍ່ມີຄວາມຈຳເປັນກໍບໍ່ອອກນອກເຮືອນ.
ວັນທີ 25 ເມສາ 2021 ເປັນວັນສ້າງຕັ້ງສາຍພົວພັນທາງາການທູດລາວ-ຈີນ ຄົບຮອບ 60 ປີ, ແຕ່ຍ້ອນວ່າ ປະຊາຊົນລາວບັນດາເຜົ່າ ພວມສຸມໃສ່ຕ້ານກັບການແຜ່ລະບາດຂອງພະຍາດໂຄວິດ-19 ຮອບໃໝ່, ກິດຈະກຳສະເຫລີມສະຫລອງແບບອັອຟລາຍ ຫລື ແບບເຊິ່ງໜ້າກັນ ທີ່ສອງຝ່າຍຕົກລົງກັນຈັດຂຶ້ນ ໃນວັນທີ 23 ເມສາ ນີ້ ກໍຖືກເລື່ອນເວລາອອກໄປ, ທາມກາງສະພາບການແບບນີ້, ສປ ຈີນ ໄດ້ໃຫ້ການຊ່ວຍເຫລືອວັກແຊງໂຄວິດ-19 ງວດທີ 3 ແກ່ຝ່າຍລາວໂດຍດ່ວນ. ວັນທີ 26 ເມສາ 2021 ວັກແຊງໂຄວິດ-19 ຈຳນວນ 300.000 ໂດສ ງວດທີ 3 ໄດ້ຂົນສົ່ງເຖິງນະຄອນຫລວງວຽງຈັນ. ໃນໄລຍະເວລາທີ່ປະເທດລາວ ຫຍຸ້ງຍາກທີ່ສຸດ ຍ້ອນເກີດມີການແຜ່ລະບາດຂອງພະຍາດໂຄວິດ-19 ອີກຮອບໃໝ່, ສປ ຈີນໄດ້ສະແດງໃຫ້ເຫັນເຖິງຈິດໃຈຄູ່ຮ່ວມຊາຕາກຳລາວ-ຈີນ ທີ່ຮ່ວມທຸກຮ່ວມສຸກ ແລະ ຊ່ວຍຊູຍູ້ໜູນກັນ ລະຫວ່າງສອງປະເທດ ດ້ວຍການກະທຳຕົວຈິງ, ເຊິ່ງໄດ້ເພີ່ມຄວາມໝັ້ນໃຈໃຫ້ແກ່ຝ່າຍລາວ ເພື່ອເອົາຊະນະສະພາບຄວາມຫຍຸ້ງຍາກດັ່ງກ່າວ.
ປະຊາຊົນຈີນ ເຊື່ອວ່າ: ພາຍໃຕ້ການຊີ້ນຳ-ນຳພາທີ່ເຂັ້ມແຂງຂອງພັກ ແລະ ລັດຖະບານລາວ, ປະຊາຊົນລາວ ຈະສາມາດເອົາຊະນະສະພາບຄວາມຫຍຸ້ງຍາກດັ່ງກ່າວ ໄດ້ຢ່າງແນ່ນອນໂດຍໄວ ແລະ ມຸ່ງໜ້າໄປສູ່ອະນາຄົດທີ່ສວຍງາມກວ່າເກົ່າ. ເມື່ອຮອດເວລານັ້ນ, ປະຊາຊົນສອງຊາດລາວ-ຈີນ ຈະເຕົ້າໂຮມຄວາມສາມັກຄີກັນ ເພື່ອຮ່ວມກັນສະເຫລີມສະຫລອງ ວັນສ້າງຕັ້ງສາຍພົວພັນທາງການທູດ ລາວ-ຈີນ ຄົບຮອບ 60 ປີ ຢ່າງເບີກບານມ່ວນຊື່ນ.

ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ - 19 - WhatsApp Image 2020 05 27 at 5 - ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19
ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ - 19 - WhatsApp Image 2020 05 27 at 5 - ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19
ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ - 19 - Wave100S AD to Website 2020 0 - ສປ ຈີນ ໃຫ້ການຊ່ວຍເຫລືອວັກແຊງ ແກ່ ສປປ ລາວ ເພີ່ມຄວາມ ໝັ້ນໃຈ ໃນການຕ້ານ ການແຜ່ລະບາດຂອງພະຍາດ ໂຄວິດ – 19
error: Alert: ເນື້ອຫາຂ່າວມີລິຂະສິດ !!