ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ

ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ - 3235 - ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ
ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ - AGL banner - ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ

ທີມແພດໂຮງໝໍແຂວງສາລະວັນ ໄດ້ປະສົບຜົນສຳເລັດໃນການປິ່ນປົວຜູ້ຕິດເຊື້ອພະຍາດໂຄວິດ-19 ຄົນທໍາອິດຂອງແຂວງ, ເຊິ່ງເປັນກໍລະນີຜູ້ຕິດເຊື້ອທີ 54 ຂອງປະເທດເຮົາ. ຕາມການລາຍງານຂອງ ທ່ານ ດຣ ວັນທອງ ບຸນວິໄລ ໃຫ້ຮູ້ວ່າ: ທ້າວ ນຽມ ໃສສູນທອນ ກວດພົບເຊື້ອໂຄວິດ-19 ໃນວັນທີ 15 ເມສາ 2021 ຈາກນັ້ນໄດ້ເຂົ້າຮັບການປິ່ນປົວຢູ່ທີ່ໂຮງໝໍແຂວງສາລະວັນ ແລະໄດ້ຮັບການເອົາໃຈໃສ່ປິ່ນປົວຈາກທີມງານແພດໝໍກໍຄືການຊີ້ນຳ, ຕິດຕາມຂອງການນໍາຂັ້ນເທິງແຕ່ລະຂັ້ນຢ່າງເປັນປົກກະຕິ ແລະ ຕໍ່ເນື່ອງ, ຜ່ານການກວດຫາເຊື້ອຈຳນວນ 4 ຄັ້ງ ໃນນັ້ນຄັ້ງທີ 1 ຜົນກວດແມ່ນພົບເຊື້ອ ສ່ວນກວດອີກ 3 ຄັ້ງພາຍຫຼັງແມ່ນບໍ່ພົບເຊື້ອ, ອາການຂອງຜູ້ກ່ຽວກໍປົກກະຕິ ບໍ່ມີໄຂ້, ໄອ,ຈາມ, ບໍ່ເມື່ອຍ, ບໍ່ຫາຍໃຈຝຶດ, ກິນ-ດື່ມໄດ້ດີ, ມີແນວຄິດທຸ່ນທ່ຽງປະຕິບັດຕາມຄຳແນະນຳຂອງແພດ-ໝໍໄດ້ເປັນຢ່າງດີ, ສ່ວນຜູ້ທີ່ໃກ້ຊິດກັບທ້າວນຽມແມ່ນໄດ້ມີການຕິດຕາມຜົນກວດຕາມຂັ້ນຕອນ ແລະ ໄດ້ກັບເມືອກັກໂຕຢູ່ບ້ານຂອງຕົນເອງຕາມລະບຽບການຕື່ມອີກ.

ສໍາລັບແພດທີ່ເຂົ້າປິ່ນປົວທ້າວນຽມແມ່ນຈະໄດ້ສືບຕໍ່ກັກບໍລິເວນ 14 ວັນ,ຈຶ່ງຈະໄດ້ກັບໄປຢູ່ນໍາຄອບຄົວ. ໂອກາດນີ້ທ້າວນຽມໄດ້ກ່າວຄວາມຂອບໃຈຢ່າງສູງທີ່ອຳນາດການປົກຄອງແຕ່ລະຂັ້ນ ກໍຄືທິມງານແພດໝໍທີ່ເອົາໃຈໃສ່ສຸມທຸກເຫື່ອແຮງເຂົ້າໃນການປິ່ນປົວຈົນຫາຍດີ ແລະ ໄດ້ກັບອອກໄປດຳລົງຊີວິດຢູ່ນຳຄອບຄົວ ແລະ ຝາກເຖິງພໍ່ແມ່ພີ່ນ້ອງທຸກຄົນບໍ່ວ່າຈະຢູ່ພາຍໃນປະເທດກໍຄືຜູ້ທີ່ເຮັດວຽກຢູ່ປະເທດ, ເພື່ອນບ້ານຈົ່ງໄດ້ເພີ່ມທະວີຮ່ວມແຮງຮ່ວມໃຈກັນຕ້ານ ແລະ ສະກັດກັ້ນການແພ່ລະບາດຂອງພະຍາດໂຄວິດ-19 ນີ້ບໍ່ໃຫ້ແພ່ລາມອອກສູ່ວົງກ້ວາງ.

ພິທີສົ່ງທ້າວ ນຽມ ໃສສູນທອນ ປະຊາຊົນບ້ານນາເຕີຍ ເມືອງຄົງເຊໂດນ ແຂວງສາລະວັນ ແມ່ນໄດ້ຈັດຂື້ນຕອນແລງວັນທີ 29 ເມສາ 2021 ທີ່ໂຮງໝໍແຂວງສາລະວັນ, ໂດຍມີິທ່ານ ດຣ ອາຄົມ ລໍ່າວິຈິດ ກໍາມະການພັກແຂວງ ຫົວໜ້າພະແນກ ສາທາລະນະສຸກແຂວງສາລະວັນ ພ້ອມດ້ວຍແພດ, ໝໍ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ - Wave100S AD to Website 2020 0 - ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ
ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ - WhatsApp Image 2020 05 27 at 5 - ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ
ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ - WhatsApp Image 2020 05 27 at 5 - ຜູ້ຕິດເຊື້ອໂຄວິດ-19 ຄົນທໍາອິດຂອງແຂວງສາລະວັນ ປິ່ນປົວດີ ແລະ ອອກໂຮງໝໍແລ້ວ
error: Alert: ເນື້ອຫາຂ່າວມີລິຂະສິດ !!