ພຽງມື້ດຽວ ກຳປູເຈຍ ຕິດເຊື້ອພະຍາດໂຄວິດ-19 ເກືອບ700 ຄົນ
April 29, 2021 - 8:19 PM
ໃນວັນທີ 29 ເມສານີ້ແຫລ່ງຂ່າວ ພະນົມເປັນ ໃຫ້ຮູ້ວ່າ: ກະຊວງ ສາທາລະນະສຸກ ກຳປູເຈຍ ກວດພົບ ຜູ້ຕິດເຊື້ອ ໂຄວິດ-19 ວັນດຽວ 698 ຄົນ ໃນນີ້ ຄົນໜຶ່ງ ເປັນແຮງງານ ທີ່ເດີນທາງກັບ ຈາກຕ່າງປະເທດ ກາຍເປັນ ສະຖິຕິໃໝ່. ຂະນະທີ່ ລັດຖະບານ ກຳປູເຈຍ ເລັ່ງສັກສັກຊິນ ປ້ອງກັນ ໂຄວິດ-19 ໃຫ້ຊາວນະຄອນຫລວງ ພະນົມເປັນ ແລະ ແຂວງ ກັນດາລ ເຊິ່ງເປັນພື້ນທີ່ ສີແດງ ໝາຍເຖິງ ການແຜ່ລະບາດ ເປັນວົງກວ້າງ ແລະ ຮຸນແຮງ. ຂະນະນີ້ ກຳປູເຈຍ ມີຜູ້ຕິດເຊື້ອ ສະສົມ ຢ່າງໜ້ອຍ 11.761 ຄົນ, ປິ່ນປົວດີແລ້ວ 4.698 ຄົນ ແລະ ເສຍຊີວິດ 88 ຄົນ.
