ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ

ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ - 118168901 gettyimages 960349766 - ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ
ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ - AGL banner - ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ

ທີມນັກວິໄຈຈາກມະຫາວິທະຍາໄລອ໊ອກຟອດຂອງອັງກິດ ປະກາດຜົນສຳເລັດໃນການທົດລອງວັກຊີນປ້ອງກັນໄຂ້ມາລາເລຍໃນຂັ້ນຕົ້ນ ເຊິ່ງເປັນຄັ້ງທຳອິດທີ່ວັກຊີນໃຊ້ໄດ້ຜົນ ໂດຍມີປະສິດທິພາບສູງສຸດ 77% ຜ່ານເກນທີ່ກຳນົດຂອງອົງການອະນາໄມໂລກ (WHO) ເຊິ່ງລະບຸໄວ້ 75%.

ກ່ອນໜ້ານີ້ ເຄີຍມີຄະນະວິໄຈຫລາຍທີມພະຍາຍາມຄິດຄົ້ນພັດທະນາວັກຊີນປ້ອງກັນໄຂ້ມາລາເລຍແລ້ວ, ແຕ່ປະສິດທິພາບຂອງວັກຊີນທີ່ໄດ້ລ້ວນຕໍ່າກວ່າ 55% ເຮັດໃຫ້ຜົນສຳເລັດໃນຄັ້ງນີ້ເປັນນິມິດໝາຍອັນດີຕໍ່ການພັດທະນາວັກຊີນຊະນິດສຳຄັນ ທີ່ຈະມາຊ່ວຍຢຸດຢັ້ງການລະບາດຂອງໄຂ້ມາລາເລຍທີ່ຂ້າຊີວິດຄົນທົ່ວໂລກ 4 ແສນກວ່າຄົນຕໍ່ປີ ເຊິ່ງໃນຈຳນວນນີ້ສ່ວນຫລາຍເປັນເດັກນ້ອຍໃນທະວີບອາຟຣິກາ.

ມີການລາຍງານຜົນທົດລອງເບື້ອງຕົ້ນໃນບົດຄວາມທີ່ຍັງບໍ່ໄດ້ຜ່ານການພິຈາລະນາຈາກຜູ້ຊ່ຽວຊານ ເຊິ່ງບົດຄວາມນີ້ເຜີຍແຜ່ໃນວາລະສານການແພດ Lancet ສະບັບຫລ້າສຸດ ໂດຍທີມວິໄຈລະບຸວ່າ: ການທົດລອງໃຫ້ວັກຊີນກັບເດັກນ້ອຍ 450 ຄົນໃນປະເທດບູກິນາຟາໂຊ ເຊິ່ງໄດ້ດຳເນີນມາແຕ່ປີ 2019 ນັ້ນ ຜົນປາກົດວ່າ: ວັກຊີນມີຄວາມປອດໄພ ແລະ ມີປະສິດທິພາບສູງ ສາມາດສ້າງພູມຄຸ້ມກັນທີ່ຕ້ານທານໄຂ້ມາລາເລຍໄດ້ຍາວນານ ຕະຫລອດໄລຍະເວລາ 12 ເດືອນທີ່ທີມວິໄຈເຝົ້າຕິດຕາມຜົນ.

ຜົນສຳເລັດດັ່ງກ່າວເຮັດໃຫ້ທີມວິໄຈກຽມເດີນໜ້າທົດລອງວັກຊີນໄລຍະທີ 3 ເຊິ່ງເປັນການທົດລອງຂັ້ນຕໍ່ໄປໃນມໍ່ໆນີ້ ໂດຍຈະທົດລອງໃຫ້ວັກຊີນກັບປະຊາກອນເດັກນ້ອຍອາຟຣິກາໃນວົງກວ້າງ ປະມານ 5.000 ຄົນ ໃນ 4 ປະເທດ ໂດຍກຸ່ມທົດລອງຈະມີອາຍຸແຕ່ 5 ເດືອນ ຈົນເຖິງ 3 ປີ.

ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ - Wave100S AD to Website 2020 0 - ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ

ດຣ. ເອດຽນ ຮິວ ຜູ້ນຳທີມວິໄຈວັກຊີນໄຂ້ມາລາເລຍຂອງອ໊ອກຟອດ ກ່າວວ່າ: ຂະບວນການພັດທະນາວັກຊີນໄຂ້ມາລາເລຍນັ້ນໃຊ້ເວລາດົນ ແລະ ພົບຄວາມລົ້ມເຫລວເລື້ອຍໆ ເນື່ອງຈາກຢີນກໍ່ພະຍາດຫລາຍພັນໂຕໃນເຊື້ອປໍລະສິດທີ່ເປັນສາເຫດຂອງໄຂ້ມາລາເລຍ, ໃນຂະນະທີ່ຢີນດັ່ງກ່າວຂອງເຊື້ອໄວຣັສໂຄໂຣນາມີພຽງສິບກວ່າໂຕເທົ່ານັ້ນ, ວັກຊີນໄຂ້ມາລາເລຍຈຶ່ງພັດທະນາໄດ້ຍາກກວ່າ ເພາະຕ້ອງສ້າງປະຕິກິລິຍາຕ້ານທານໃນລະດັບສູງ ຈຶ່ງຈະສາມາດປ້ອງກັນການຕິດເຊື້ອໄດ້.

ຖ້າວັກຊີນປ້ອງກັນໄຂ້ມາລາເລຍຂອງອ໊ອກຟອດຜ່ານການທົດລອງທຸກຂັ້ນຕອນໂດຍສົມບູນແລ້ວ ສະຖາບັນເຊຣຳແຫ່ງອິນເດຍ (SII) ເຊິ່ງເປັນຜູ້ຜະລິດວັກຊີນລາຍໃຫຍ່ແຫ່ງໜຶ່ງຂອງໂລກ ພ້ອມຈະຜະລິດວັກຊີນນີ້ໄດ້ທັນທີຈຳນວນ 200 ລ້ານກວ່າໂດສ ໂດຍມີບໍລິສັດເຕັກໂນໂລຊີຊີວະພາບໂນວາແວັກ (Novavax) ເປັນຜູ້ຜະລິດສານເສີມປະສິດທິພາບ (adjuvant) ໃຫ້ກັບວັກຊີນດັ່ງກ່າວ.

ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ - WhatsApp Image 2020 05 27 at 5 - ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ
ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ - WhatsApp Image 2020 05 27 at 5 - ມາລາເລຍ: ອ໊ອກຟອດທົດລອງວັກຊີນສຳເລັດ ເປັນຄັ້ງທຳອິດທີ່ປະສິດທິພາບເຖິງເກນອົງການອະນາໄມໂລກ
error: Alert: ເນື້ອຫາຂ່າວມີລິຂະສິດ !!