ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ

ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ - israel research found horse infect coronavirus first time - ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ
ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ - AGL banner - ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ

ວັນທີ 29 ເມສາ 2021, ມະຫາວິທະຍາໄລຮິບຣູແຫ່ງເຢລູຊາເລັມ (HUJI) ເປີດເຜີຍວ່າ: ຄະນະນັກວິໄຈຂອງອິສຣາເອລ ແລະ ອາເມລິກາ ກວດພົບເຊື້ອໄວຣັສໂຄໂຣນາໃນມ້າໃນອິສຣາເອລເປັນຄັ້ງທຳອິດ.

ເຊື້ອໄວຣັສດັ່ງກ່າວ ເຊິ່ງມີຊື່ວ່າ: “ອີໂຄ ໂຄໂຣນາໄວຣັສ” (ECoV) ໂຈມຕີລະບົບຍ່ອຍອາຫານຂອງມ້າ ແລະ ເປັນເຊື້ອໄວຣັສໃນຕະກູນເບຕາໂຄໂຣນາໄວຣັສ 1 (Betacoronavirus 1) ເຊິ່ງສາມາດຕິດເຊື້ອໃນມະນຸດ ແລະ ຄວາຍ.

ການຄົ້ນພົບນີ້ເປັນສ່ວນໜຶ່ງຂອງການສຶກສາທີ່ໄດ້ຮັບການຕີພິມໃນວາລະສານ Animal ເຊິ່ງເຮັດຂຶ້ນໂດຍມະຫາວິທະຍາໄລຮິບຣູແຫ່ງເຢລູຊາເລັມ ຮ່ວມກັບສະຖາບັນສັດຕະວະແພດຄິມຣອນ (KVI) ທາງຕອນກາງຂອງອິສຣາເອລ ແລະ ມະຫາວິທະຍາໄລແຄລິຟໍເນຍ (University of California) ຂອງອາເມລິກາ.

ອາການທົ່ວໄປໃນກຸ່ມມ້າທີ່ຕິດເຊື້ອອີໂຄ ໂຄໂຣນາໄວຣັສ ຄືຂາດຄວາມຢາກອາຫານ, ອ່ອນແອ ແລະ ມີໄຂ້ ຕະຫລອດຈົນມີພະຍາດແຊກຊ້ອນຮ້າຍແຮງຫລາຍຊະນິດໃນບາງກໍລະນີ.

ຄະນະນັກວິໄຈເກັບຕົວຢ່າງເລືອດຈາກມ້າສຸຂະພາບດີໃນອິສຣາເອນຈຳນວນ 333 ໂຕ ເພື່ອບົ່ງມະຕິແອນຕິບໍດີຕໍ່ໄວຣັສໂຄໂຣນາ ເຊິ່ງຊ່ວຍຢືນຢັນການມີຢູ່ຂອງເຊື້ອໄວຣັສດັ່ງກ່າວ ໂດຍພົບແອນຕິບໍດີຕໍ່ເຊື້ອອີໂຄ ໂຄໂຣນາໄວຣັສໃນມ້າ 41 ໂຕ ຫລື 12,3% ຂອງມ້າກຸ່ມສຳຫລວດ.

ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ - Wave100S AD to Website 2020 0 - ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ

ນອກຈາກນີ້ ຄະນະນັກວິໄຈຍັງພົບອັດຕາການຕິດເຊື້ອຂອງມ້າໃນພື້ນທີ່ເມືອງສູງກວ່າມ້າໃນທຸ້ງຫຍ້າ ແລະ ກາງແຈ້ງ ໂດຍນັກວິໄຈອະທິບາຍວ່າ: ຊ່ອງທາງການແຜ່ເຊື້ອຜ່ານອຸຈາລະ-ປາກໃນກຸ່ມມ້າຕາມທຸ້ງຫຍ້າຖືກຈຳກັດວົງແຄບ ເພາະຄວາມໜາແໜ້ນຂອງປະຊາກອນຕໍ່າ ການຢູ່ກາງແຈ້ງ ແລະ ການລະບາຍອາກາດຕາມທຳມະຊາດ.

ອ້າງອີງ: ສຳນັກຂ່າວຊິນຮົວ

ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ - WhatsApp Image 2020 05 27 at 5 - ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ
ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ - WhatsApp Image 2020 05 27 at 5 - ອິສຣາເອລວິໄຈພົບມ້າຕິດເຊື້ອໄວຣັສໂຄໂຣນາຄັ້ງທຳອິດ
error: Alert: ເນື້ອຫາຂ່າວມີລິຂະສິດ !!