ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - 1 scaled - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ
ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - AGL banner - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ຊາອຸດິອາຣະເບຍ ສາມາດຜະລິດນໍ້າມັນເປັນອັນດັບ 2 ຂອງໂລກ ຮອງຈາກອາເມລິກາ ແລະ ຄອງອັດຕາສ່ວນຕະຫລາດນໍ້າມັນຫລາຍກວ່າ 18% ຂອງທັງໝົດ. ດ້ວຍເຫດນີ້ ຊາອຸດິອາຣະເບຍຈຶ່ງເປັນປະເທດທີ່ມີຂະໜາດເສດຖະກິດໃຫຍ່ທີ່ສຸດ ແລະ ຮັ່ງມີໃນພາກພື້ນຕາເວັນອອກກາງ, ແຕ່ຮູ້ ຫລື ບໍ່ວ່າ: ຊາອຸດິອາຣະເບຍບໍ່ໄດ້ມີລາຍໄດ້ຈາກນໍ້າມັນພຽງຊ່ອງທາງດຽວ…

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - 2 300x186 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ຢ້ອນກັບໄປເມື່ອປີ 1938 ມີການຂຸດພົບນໍ້າມັນດິບຢູ່ “ອັດດຳມານ” ນັບແຕ່ນັ້ນມາ ຊັບພະຍາກອນລວມທັງຜືນດິນແຫ່ງນີ້ກໍໄດ້ກາຍເປັນໜຶ່ງສິນຄ້າຫລັກທີ່ສ້າງຄວາມໝັ້ນຄົງໃຫ້ປະເທດ ທັງແກັສ ແລະ ນໍ້າມັນດິບ ມີອັດຕາ 50% ຂອງ GDP ແລະ ຄິດເປັນອັດຕາສ່ວນການສົ່ງອອກຂອງປະເທດຫລາຍທີ່ສຸດ 70%, ແຕ່ປີຜ່່ານມາພັດພົບເຫດການບໍ່ຄາດຄິດ ຈາກການໂຈມຕີໂຮງກັ່ນນໍ້າມັນດ້ວຍໂດຣນຈາກກຸ່ມບໍ່ຮູ້ຝ່າຍ ຈຶ່ງເຮັດໃຫ້ກຸ່ມປະເທດ OPEC ໄດ້ຫລຸດລາຄາເພື່ອໃຫ້ສອດຄ່ອງກັບສົມດູນທີ່ປ່ຽນແປງໄປ.

ເຫດການເຫລົ່ານັ້ນ ນຳມາເຊິ່ງຜົນກະທົບທາງເສດຖະກິດທີ່ຫົດຕົວໄປ 0,46%. ໃນຂະນະດຽວກັນ ພົບວ່າທຸລະກິດສ່ວນທີ່ບໍ່ກ່ຽວຂ້ອງກັບນໍ້າມັນ ເຕີບໃຫຍ່ຂຶ້ນ 3,3% ຈາກ 0,2% ເມື່ອປີ 2016.

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - 3 300x200 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ເມື່ອມໍ່ໆມານີ້, ຊາອຸດິອາຣະເບຍເລີ່ມວາງແຜນກະຕຸ້ນເສດຖະກິດ ເລີ່ມຈາກສ້າງພື້ນຖານພັດທະນາແຫລ່ງແກັສທຳມະຊາດທີ່ມີຊື່ວ່າ: Jarufah ດ້ວຍງົບປະມານ 110 ພັນກວ່າລ້ານໂດລາ ພື້ນທີ່ອ້ອມຮອບເຕັມໄປດ້ວຍແກັສປຽກ ຫລື Wet Gas ປະມານ 2 ພັນລ້ານລູກບາກຟຸດ ເຊິ່ງມີການຄາດຄະເນວ່າສາມາດສ້າງລາຍໄດ້ໃຫ້ຊາອຸດິອາຣະເບຍບໍ່ຕໍ່າກວ່າ 8,6 ພັນລ້ານໂດລາ ແລະ ນີ້ຈະເປັນສິນຄ້າຊະນິດໃໝ່ທີ່ຊ່ວຍຊຸກຍູ້ໃຫ້ GDP ຂອງປະເທດເຕີບໃຫຍ່ ທ່າມກາງຄວາມຕ້ອງການນໍ້າມັນດິບທີ່ຫລຸດລົງ.

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - Wave100S AD to Website 2020 0 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ເຖິງຢ່າງໃດກໍຕາມ, ພະລັງງານຈາກໃຕ້ດິນ ປຽບເໝືອນການເອົາດິນມາແປງເປັນເພັດ ບໍ່ໄດ້ເປັນພຽງຕົວແປຫລັກມາລົງຫລິ້ນໃໝ່ໃນຕະຫລາດຢ່າງດຽວ, ການເປີດຮັບນັກລົງທຶນຈາກຕ່າງປະເທດຫລາຍຂຶ້ນນັບແຕ່ປີ 2018 ກໍເປັນອີກໜຶ່ງທ່າໄມ້ຕາຍທີ່ແຂງແກ່ນ ໃນການເປັນຜູ້ຄອງບັນລັງເສດຖີແຫ່ງອາຣັບ. ກິດຈະກຳຕ່າງໆຂອງຊາອຸດິອາຣະເບຍລ້ວນເປັນທາງເລືອກທີ່ໜ້າສົນໃຈຕໍ່ການລົງທຶນ ທັງກິດຈະການທະນາຄານ, ກິດຈະການປະກັນໄພ, ກິດຈະການໂທລະຄົມມະນາຄົມ.

ຈາກກົນລະຍຸດຕ້ອນຮັບນັກລົງທຶນ ສົ່ງຜົນໃຫ້ບໍລິສັດຈາກຕ່າງປະເທດເກີດຂຶ້ນໃໝ່ໃນປີ 2019 ເຖິງ 1.131 ແຫ່ງ ຄິດເປັນອັດຕາສ່ວນທີ່ເພີ່ມຂຶ້ນກວ່າ 54%. ນອກຈາກນີ້ ຊາອຸດິອາຣະເບຍຍັງໃຫ້ຄວາມສຳຄັນຕໍ່ທຸລະກິດຂະໜາດນ້ອຍ ຫລື SMEs ໃນປະເທດ ດ້ວຍການພັດທະນາເຂົ້າເຖິງຜູ້ປະກອບການ ຕະຫລອດຈົນການສ້າງຮາກຖານໄປພ້ອມໆກັບພາກສ່ວນອື່ນ.

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - 4 300x200 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ

ຄວາມໜ້າສົນໃຈຂອງດິນແດນຊາອຸດິອາຣະເບຍທີ່ເປັນດັ່ງທຳເລຄຳ ເບິ່ງໄປໃຕ້ດິນຄືນໍ້າມັນດິບ ແລະ ຍັງມີແຫລ່ງແກັສທຳມະຊາດມູນຄ່າມະຫາສານ, ເທິງໂລກອາດຕ້ອງການນໍ້າມັນດິບໜ້ອຍລົງ ແຕ່ການປັບຕົວຂອງມະຫາເສດຖີແຫ່ງອາຣັບ ບໍ່ໄດ້ນິ້ງນອນໃຈ ພວກເຂົາບໍ່ໄດ້ເນັ້ນສິນຄ້າຫລັກຈາກນໍ້າມັນດິນຄືດັ້ງເດີມ, ແຕ່ເປັນການກະຈາຍການລົງທຶນໃນດ້ານອື່ນຫລາຍກວ່າເກົ່າ ຖ້າການກະຈາຍຄວາມສ່ຽງມີຄວາມແຂງແກ່ນ ຊາອຸດິອາຣະເບຍບໍ່ຈຳເປັນຈະຕ້ອງອາໄສນໍ້າມັນດິບໃນການສ້າງລາຍໄດ້ອີກຕໍ່ໄປ.

ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - WhatsApp Image 2020 05 27 at 5 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ
ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ - WhatsApp Image 2020 05 27 at 5 - ຈຸດປ່ຽນທີ່ເຮັດໃຫ້ຊາອຸດິອາຣະເບຍ ອາໄສນໍ້າມັນດິບໜ້ອຍລົງ
error: Alert: ເນື້ອຫາຂ່າວມີລິຂະສິດ !!