ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19

ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19 - 180184290 1616004748603299 5124488853487294373 n - ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19
ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19 - AGL banner - ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19
ປັດຈຸບັນ, ລັດຖະບານ ກໍຄື ກະຊວງສາທາລະນະສຸກ ໄດ້ກະກຽມຂະຫຍາຍສະຖານທີ່ປົວ(ໂຮງໝໍສະໜາມ), ກະກຽມອຸປະກອນການແພດ ແລະ ບຸກຄະລາກອນການແພດ ເພື່ອຮອງຮັບຄົນເຈັບທີ່ຕິດເຊື້ອພະຍາດໂຄວິດ-19 ທີ່ອາດຈະລົ້ນໂຮງໝໍທີ່ໄດ້ກຳນົດໄວ້ເນື່ອງຈາກພະຍາດດັ່ງກ່າວ ໄດ້ລະບາດອອກໄປຫລາຍແຂວງໃນຂອບເຂດທົ່ວປະເທດ,ໃນນັ້ນ ຢູ່ນະຄອນຫລວງວຽງຈັນ ມີຕົວເລກຜູ້ຕິດເຊື້ອສູງກວ່າແຂວງອື່ນໃນແຕ່ລະວັນ.
ທ່ານ ດຣ. ນາງ ບົວເທບ ພູມີນ ຮອງຫົວໜ້າກົມປີ່ນປົວ ແລະ ຟື້ນຟູໜ້າທີ່ການ, ກະຊວງສາທາລະນະສຸກ ໄດ້ໃຫ້ຮູ້ໃນວັນທີ 1 ພຶດສະພາ 2021 ນີ້ວ່າ: ເນື່ອງຈາກປັດຈຸ ບັນ, ປະເທດຂອງເຮົາກຳລັງປະເຊີນ ກັບການລະບາດຂອງພະຍາດໂຄວິດ-19 ແລະ ເຫັນວ່າກໍລະນີຄົນເຈັບໄດ້ມີທ່າອ່ຽງເພີ່ມຂຶ້ນເລື້ອຍໆ. ສະນັ້ນ, ທາງສາຍງານປິ່ນປົວ ຫລື ຄຸ້ມຄອງຜູ້ຕິດເຊື້ອພະຍາດໂຄວິດ-19 ໄດ້ມີການກະກຽມດ້ານສະຖານທີ່ໄວ້ ເພື່ອຮອງຮັບກໍລະນີອາການເບົາບາງ, ປານກາງ ໄປຫາໜັກ, ເຊິ່ງຈະມີໂຮງໝໍມິດຕະພາບ, ໂຮງໝໍເສດຖາທິລາດ, ໂຮງໝໍສູນກາງກອງທັບ 103, ລວມມີຕຽງທັງໝົດ 216 ຕຽງ(ປັດຈຸບັນໂຮງໝໍດັ່ງກ່າວຈຳນວນຄົນເຈັບແມ່ນເກືອບລົ້ນໂຮງໝໍແລ້ວ), ພ້ອມນີ້ ກໍໄດ້ກຽມໂຮງໝໍພາກສະໜາມ ເປັນຕົ້ນ ຢູ່ສູນກິລາບານເຕະແຫ່ງຊາດ ຮັບໄດ້ 150 ຄົນ, ສະໜາມຍິງປືນກອງທັບຫລັກ 27 ມີຈຳນວນຕຽງທີ່ກຽມໄວ້ສຳ ປະມານ 300-500 ຕຽງ ແລະ ຢູ່ສູນກິລາໃນຮົ່ມລ້ານຊ້າງ. ນອກຈາກນີ້, ຍັງມີສູນກິລາແຫ່ງຊາດ ຫລັກ 16 ເຊິ່ງເປັນສະຖານທີ່ກວ້າງຂວາງ ສາມາດຮັບໄດ້ປະມານ 500 ຄົນ, ໂຮງແຮມດອນຈັນ ຄາດວ່າຈະສາມາດຮັບໄດ້ 250 ຄົນ ແລະ ຍັງຈະມີສະຖານທີ່ອື່ນໆອີກ ຖ້າຫາກວ່າ ມີກໍລະນີຄົນເຈັບເພີ່ມຂຶ້ນ.
ສຳລັບການກະກຽມ ດ້ານບຸກຄະລາກອນແພດ ແມ່ນໄດ້ເລີ່ມມາແຕ່ປີ 2020, ເຊິ່ງໄດ້ຝຶກອົບຮົມໃຫ້ທີມງານຫລັກທີ່ຈະປິ່ນປົວພະຍາດໂຄວິດ-19, ໃນນີ້ ຢູ່ສູນກາງມີ 500 ຄົນ, ຢູ່ 17 ແຂວງແມ່ນ 425 ຄົນ. ພ້ອມທັງກະກຽມທີມເສີມ ໝາຍຄວາມວ່າ ເອົາທ່ານໝໍທີ່ບໍ່ແມ່ນທ່ານໝໍພາຍໃນ ເປັນຕົ້ນ ໝໍເດັກ, ໝໍປະສູດ, ໝໍຫູ ດັງ ຄໍ ແລະ ທ່ານໝໍອື່ນໆທີ່ເອີ້ນວ່າທີມເສີມ ສະເພາະຢູ່ສູນກາງ 240 ຄົນ, ຢູ່ແຂວງ 466 ຄົນ. ພ້ອມກັນນີ້ ຍັງກະກຽມທີມປ້ອງກັນການຕິດເຊື້ອ ແລະ ຄວບຄຸມ ເພື່ອບໍ່ໃຫ້ເຊື້ອກະຈາຍໃນວົງກວ້າງ, ໄດ້ຝຶກອົບຮົມທີມແພດໃນທົ່ວປະເທດໃຫ້ເປັນມືອາຊີບຈຳນວນ 263 ຄົນ. ນອກຈາກນີ້, ຍັງໄດ້ຝຶກ ໃນການຄຸ້ມຄອງກໍລະນີເຈັບໜັກຢູ່ຫ້ອງມໍລະສຸມ (ICU) ເຊິ່ງໄດ້ແບ່ງອອກເປັນ 3 ພາກຄື: ພາກເໜືອ, ພາກກາງ ແລະພາກໃຕ້ ໄດ້ທັງໝົດ 80 ມືອາຊີບ, ຝຶກອົບ ແລະ ສ້າງຄວາມເຂັ້ມແຂງໃຫ້ແກ່ທີມເມືອງ 2 ເມືອງຕໍ່ແຂວງ ລວມເປັນ 34 ເມືອງໃນທົ່ວປະເທດ ແລະ ຍັງຈະສືບຕໍ່ຝຶກໄປອີກໃຫ້ 135 ເມືອງ ຄາດວ່າຈະໃຫ້ໄດ້ໃນທ້າຍໄຕມາດທີ່ສາມຂອງປີນີ້.
ທ່ານ ດຣ. ນາງ ບົວເທບ ພູມີນ ຍັງໃຫ້ຮູ້ອີກວ່າ: ດ້ານການກະກຽມອຸປະກອນການແພດ ທີ່ໄດ້ຮັບການຊ່ວຍເຫລືອ ຈາກພາຍໃນ ແລະ ຕ່າງປະເທດເລີ່ມແຕ່ປີ 2020 ຈົນເຖິງປັດຈຸບັນ ຖືວ່າໄດ້ແຈກຢາຍໄປເກືອບ ທົ່ວທຸກບ່ອນ ແລະ ລົງໄປຮອດບັນດາໂຮງໝໍເມືອງແລ້ວ. ພ້ອມກັນນີ້, ກໍໄດ້ກະກຽມຄູ່ມື ໂດຍ ການສ້າງຄູ່ມືປິ່ນປົວ ເລີ່ມແຕ່ປີ 2020 ໄດ້ມີເຫລັ້ມ 1, 2, 3 ທີ່ໄດ້ປະຕິບັດຜ່ານມາ ແລະ ສອງມື້ຜ່ານມານີ້ ອົງການອະນາໄມໂລກ ກໍໄດ້ສ້າງປື້ມຄູ່ມືເຫລັ້ມທີ 4 ສຳເລັດ. ສຳລັບມື້ນີ້ ພວກເຮົາໄດ້ຝຶກອົບຮົມ ໃຫ້ທີມແພດຢູ່ພາກສະໜາມມື້ທຳອິດຈຳນວນ 24 ຄົນ ແລະ ຈະຝຶກໄປເລື້ອຍໆໃຫ້ໄດ້ປະມານ 150-200 ຄົນ. ນອກຈາກນີ້, ພວກເຮົາຍັງໄດ້ຜະລິດສື່, ສ້າງວີດີໂອ ເພື່ອໄປຝຶກໃຫ້ທີມແພດຂອງເມືອງ, ສ້າງຂໍ້ແນະນໍາ ຫລື ຄູ່ມືແນະນໍາໃນການປະຕິບັດແບບສັ້ນ ແລະ ງ່າຍດາຍໃຫ້ອີກຈຳນວນໜຶ່ງ.
ຂ່າວ: ມະນີທອນ
ພາບ: ເກດສະໜາ
ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19 - Wave100S AD to Website 2020 0 - ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19
ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19 - WhatsApp Image 2020 05 27 at 5 - ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19
ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19 - WhatsApp Image 2020 05 27 at 5 - ຂະຫຍາຍສະຖານທີ່ ແລະ ບຸກຄະລາກອນແພດ ເພື່ອຮອງຮັບຄົນຕິດເຊື້ອໂຄວິດ-19
error: Alert: ເນື້ອຫາຂ່າວມີລິຂະສິດ !!