ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ

ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ - 21 05 03 06 03 24 083 deco - ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ
ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ - Untitled design - ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ

ໂດຍ: ມຶກບໍ່ແຫ້ງ
ການເກີດລະບາດ ອີກຮອບໃໝ່ ທີ່ຮ້າຍແຮງກວ່າເກົ່າ ຂອງພະຍາດໂຄວິດ 19 ນັ້ນ ເຮັດໃຫ້ ຄົນທັງປະເທດເຮົາຫົດຫູ່ໃຈ ທີ່ຈຳນວນຜູ້ຕິດເຊື້ອເພີ່ມຂຶ້ນນັບມື້.

ດັ່ງທີ່ພວກເຮົາຮູ້ແລ້ວວ່າ ຈຸດປ່ຽນທີ່ສຳຄັນ ເກີດຈາກ ກໍລະນີ 59 ທີ່ເຮັດໃຫ້ການຕິດເຊື້ອເພີ່ມຂຶ້ນຢ່າງໄວວາ ໂດຍສະເພາະ ໃນຂອບແຂດນະຄອນຫຼວງວຽງຈັນ ແລະຍັງ ແຜ່ລາມໄປຍັງແຂວງອື່ນໆນຳ. ສິ່ງດັ່ງກ່າວ ກໍລະນີ 59 ໄດ້ກາຍເປັນຈຸດສູນກາງ ຂອງຄວາມຄຽດຊັງຈາກສັງຄົມ ທີ່ສະແດງອອກ ຜ່ານສື່ສັງຄົມ ອອນລາຍ.

ນອກນັ້ນ ບາງຜ່ອງກໍວ່າ ການແຜ່ລະບາດເກີດຂຶ້ນອີກຮອບ ອາດແມ່ນຄວາມບົກຜ່ອງຂອງ ຄະນະສະເພາະກິດ ທີ່ມີການປະກາດ ປິດເມືອງ ຊ້າເກີນໄປ ເພາະກ່ອນປີໃໝ່ ກໍມີກໍລະນີຕິດເຊື້ອ ທີ່ເອີ້ນກັນວ່າ ການແຜ່ລະບາດໃນ ຊຸມຊົນ ທີ່ປ່ອຍໃຫ້ ປະຊາຊົນ ໄດ້ຫຼິ້ນປີໃໝ່ ຢ່າງໄຮ້ຄວາມກັງວົນ ຈົນເຮັດໃຫ້ ການແຜ່ລະບາດແຜ່ໄປທົ່ວ.

ອີກບັນຫານຶ່ງ ທີ່ປະຊາຊົນເວົ້າເຖິງຫຼາຍ ກໍແມ່ນ ການປ້ອງກັນ ການຫຼັກຂ້າມຊາຍແດນ ໂດຍສະເພາະ ຈາກປະເທດ ປະເທດໄທ ເຊິ່ງທີ່ມີຄົນລາວອາໄສຢູ່ຫຼາຍ (ທັງຖືກ ແລະ ຜິດກົດໝາຍ) ແລ້ວຫຼັກຂ້າມມາ ໂດຍບໍ່ ກັກໂຕ ຫຼື ຂາດຄວາມຮັບຜິດຊອບຕໍ່ສັງຄົມ ຈົນກາຍເປັນຊ່ອງວ່າງໜຶ່ງ ທີ່ເຮັດໃຫ້ການແຜ່ລະບາດຄັ້ງນີ້.

ໃນສະຖານະການ ແບບນີ້ ການຕີແຜ່ຂ່າວສານ, ການສື່ສານ ຜ່ານສື່ອອນລາຍ ທີ່ເຕັມໄປດ້ວຍຄວາມກຽດຊັງ, ປ້ອຍດ່າ, ຫຍາບຄາຍ, ເປັນຕາຢ້ານ ຍ້ອນພວກ ປັນປ່ວນ ຊ່ວນເຊື່ອຂ່າວປອມ ໄດ້ເພີ່ມທະວີຄວາມ ວຸ້ນວາຍ, ຢ້ານກົວ ໃນ ສັງຄົມຂຶ້ນຕື່ມ. ບາງຈຳພວກ ທີ່ເປັນປໍລະປັກກັບປະເທດເຮົາ ກໍໄດ້ສວຍໃຊ້ໂອກາດໃນການ ໃສ່ຮ້າຍປ້າຍສີ ຕ່າງໆນາໆ ເຊິ່ງສ້າງຄວາມແຕກຕື່ນບໍ່ແມ່ນໜ້ອຍ ທີ່ພວກເຮົາຄວນມີສະຕິຊາດຕື່ມ.

ໃນສະພາບເຊັ່ນນີ້ ພວກເຮົາ ຄວນຢຸດເຊົາ ການປ້ອຍດ່າ ຄຽດຊັງກັນໃນສັງຄົມ, ຢຸດເຊົາ ເອົາແຕ່ຕຳໜິຕິຕຽນກັນ ເພາະ ປະເທດພວກເຮົາ ຕ້ອງການຄວາມສາມັກຄີ ເປັນຈິດໜຶ່ງໃຈດຽວກັນ, ຊ່ວຍກັນ ຮ່ວມໄມ້ຮ່ວມມື ນຳເຈົ້າໜ້າທີ່ ປະຕິບັດ ຕາມມາດຕະການ ທີ່ເພິ່ນວາງ ອອກຢ່າງເຄັ່ງຄັດ, ທຸ່ນທ່ຽງ ບໍ່ຢ້ານກົວ ແຕ່ ຈົ່ງມີສະຕິໃນການ ປ້ອງກັນຕົນເອງ ເພື່ອຮັກສາຕົນ ແລະ ຜູ້ອື່ນ.

ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ - Wave100S AD to Website 2020 0 - ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ

ບົດຮຽນທີ່ດີທີ່ສຸດຂອງພວກເຮົາ ກໍຄື ຄວາມປະໝາດ, ຂາດສະຕິຄວາມຜິດຊອບ ຕໍ່ສັງຄົມນັ້ນ ສ້າງຜົນເສຍຫາຍ ຕໍ່ຕົນເອງ ແລະຜູ້ອື່ນຢ່າງຮ້າຍແຮງ. ຢ່າລືມວ່າ ມະນຸດແມ່ນສັດສັງຄົມ ທີ່ຈະຕ້ອງມີສ່ວນຮັບຜິດຊອບຊ່ວຍກັນ ເພາະພວກເຮົາ ຂຶ້ນຕໍ່ກັນ, ຈາກການກະທຳຜູ້ໜຶ່ງຍ່ອມສົ່ງຜົນເສຍຫາຍຕໍ່ຫຼາຍຄົນ. ແຕ່ເມື່ອມີຜູ້ລະເມີດ ກໍດຳເນີນການຕາມ ລະບຽບ ກົດໝາຍບ້ານເມືອງ.

ໃນເວລານີ້ ພວກເຮົາບໍ່ຄວນໂທດວ່າ ທາງການຄວນເຮັດນັ້ນເຮັດນີ້ ແຕ່ພວກເຮົາສາມາດ ປະກອບສ່ວນ ດ້ວຍການ ປະຕິບັດ ຕາມມາດຕະການ ການປ້ອງກັນ ແລະຄວບຄຸມຢ່າງ ເຄັ່ງຄັດ ເຊັ່ນ ການໃສ່ຜ້າອັດປາກ ເມື່ອອອກຈາກເຮືອນ, ໝັ່ນລ້າງມື, ຮັກສາໄລຍະຫ່າງ ເຊິ່ງເຮັດໃຫ້ ກາຍເປັນຄວາມລື້ງເຄີຍ ແລະ ບໍ່ຖືເບົາເດັດຂາດ. ຖ້າບໍ່ຈຳເປັນແທ້ໆ ກໍໃຫ້ຢູ່ເຮືອຍໃຜເຮືອນມັນ. ພ້ອມນັ້ນ ກໍຕິດຕາມຂ່າວສານ ທາງການເປັນແຕ່ລະໄລຍະ ແລະ ເຊື່ອວ່າ ທາງການເພິ່ນກໍມີມາດຕະການ ແລະ ວິທີທາງ ເພື່ອຄວບຄຸມ ການແຜ່ລະບາດຄັ້ງນີ້ຢູ່ແລ້ວ ແລະອາໄສ ການຮ່ວມມືຈາກທຸກພາກສ່ວນ.

ມາຮອດປັດຈຸບັນ (ວັນທີ 2​ ພຶດສະພາ​ 2021) ການເຊື້ອສະສົມ ຮອດ 933 ກໍລະນີ, ກຳລັງ ປິ່ນປົວ 882 ກໍລະນີ ແລະ ປິ່ນປົວດີ ພຽງແຕ່ 51 ກໍລະນີ ແລະ ຍັງໂຊກດີ ທີ່ບໍ່ມີ ຜູ້ເສຍຊີວິດ ແຕ່ ມີທ່າອ່ຽງຜູ້ຕິດເຊື້ອ ຂຶ້ນນັບມື້.

ເພາະສະນັ້ນ ເພື່ອຫຼີກລ່ຽງການແຜ່ເຊື້ອໃນວົງກວ້າງ ແລະ ເກີນກຳລັງການປິ່ນປົວຂອງພວກເຮົາ ຈົ່ງຢຸດເຊົາ ໃສ່ຮ້າຍກັນ ຫັນມາປະຕິດບັດ ເອົາໃສ່ໃຈ ຕາມມາດຕະການ ທີ່ທາງການວາງອອກຢ່າເຄັ່ງຄັດ, ມີແຕ່ຄວາມ ມີວິໄນ, ສາມັກຄີກັນ ເທົ່ານັ້ນ ທີ່ຈະເຮັດໃຫ້ພວກເຮົາ ຢູ່ລອດປອດໄພ ຈາກການລະບາດຂອງພະຍາດ ໂຄວິດ 19 ຄັ້ງນີ້ໄດ້.

ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ - WhatsApp Image 2020 05 27 at 5 - ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ
ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ - WhatsApp Image 2020 05 27 at 5 - ຍາມບ້ານເມືອງວິກິດ ໃຊ້ຄວາມຄິດ-ສະຕິ​ ຊ່ວຍກັນ​ແກ້​ ຢ່າມີແຕ່ຕຳໜິ ແລະ​ ຊໍ້າເຕີມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!