ຕໍາຫລວດບໍ່ແກ້ວຈັບ​ແກ໋ງລັກລົກຈັກອັນຕະລາຍມາດໍາເນີນຄະດີ

- advert banner 728 90 728x90 - ຕໍາຫລວດບໍ່ແກ້ວຈັບ​ແກ໋ງລັກລົກຈັກອັນຕະລາຍມາດໍາເນີນຄະດີ

​ເຈົ້າໜ້າ​ທີ່ ປກສ ​ແຂວງ​ບໍ່​ແກ້ວ ໃຫ້ຮູ້ວ່າ: ເມື່ອບໍ່ດົນມານີ້ກໍາລັງເຈົ້າໜ້າທີ່ຂອງຕົນສາມາດຈັບແກ໋ງລັກລົດຈັກອັນຕະລາຍມາດໍາເນີນຄະດີຕາມລະບຽບກົດໝາຍຄື: ທ້າວ ດອນ​ສະຫວັນ ອາຍຸ 30 ປີຢູ່​ບ້ານ​ປາກ​ຮາວ​ເໜືອ, ທ້າວ ​ເຢັຍ​ຊົງ ອາຍຸ 35 ປີຢູ່ບ້ານ​ຫ້ວຍ​ຊາຍ​ນ້ອຍ​, ທ້າວ ວິ​ໄລ​ສັກ ອາຍຸ 25 ປີຢູ່ບ້ານ​ປາ​ນ້ອຍ, ທ້າວ ​ແປງ​ເຫລັກ ອາຍຸ 21 ປີຢູ່ບ້ານ​ໃຫຍ່​ຫ້ວຍ​ຊາຍ​ເໜືອ, ທ້າວ ສົມ​ຊາຍ ອາຍຸ 24 ປີຢູ່​ບ້ານ​ດອນ​ແກ້ວ, ທ້າວ ພິສິດ ອາຍຸ 30 ປີຢູ່ບ້ານ​ຄຳ​ແກ້ວ ເມືອງ​ຫ້ວຍ​ຊາຍ ​ແລະ ທ້າວ ​ໄມ​ກິ​ງ​ແກ້ວ ອາຍຸ 39 ປີຢູ່​ບ້ານ​ໃຫຍ່​ສີ​ເມືອງ​ງາມ ​ເມືອງ​ຕົ້ນ​ເຜິ້ງ​ແຂວງ​ບໍ່​ແກ້ວ, ພ້ອມ​ເກັບ​ກູ້​ເຄື່ອງ​ຂອງ​ກາງ​ລົດ​ຈັກ 7 ຄັນ, ຢາ​ບ້າ 1.310 ​ເມັດ, ປືນ 4 ກະບອກ, ​ໂນ​ດບຸກ 3 ໜ່ວຍ ​ແລະ ​ເຄື່ອງ​ອື່ນໆຈຳນວນ​ໜຶ່ງທີ່ພວກກ່ຽວໄດ້ຮ່ວມກັນລັກເອົາມາ.

- new3 - ຕໍາຫລວດບໍ່ແກ້ວຈັບ​ແກ໋ງລັກລົກຈັກອັນຕະລາຍມາດໍາເນີນຄະດີ

ເຈົ້າໜ້າທີ່ ໃຫ້ຮູ້ວ່າ: ນີ້ຖືເປັນກຸ່ມແກ໋ງລັກລົດຈັກອັນຕະລາຍອີກກຸ່ມໜຶ່ງໃນເຂດເມືອງຫ້ວຍຊາຍ, ຊຶ່ງຜ່ານມາພວກເຂົາໄດ້ຮ່ວມກັນກໍ່ເຫດລັກຊັບພົນລະເມືອງ, ຊື້ຂາຍຢາເສບຕິດ, ມີອາວຸດໄວ້ຄອບຄອງບໍ່ຖືກຕ້ອງຕາມລະບຽບກົດໝາຍ ແລະ ອື່ນໆ, ອັນໄດ້ສ້າງຄວາມບໍ່ເປັນລະບຽບຮຽບຮ້ອຍ ແລະ ຄວາມບໍ່ສະຫງົບໃຫ້ແກ່ສັງຄົມ ແລະ ​ເຈົ້າໜ້າ​ທີ່ຍັງຈະ​ຂະຫຍາຍ​ຜົນ​ຫາ​ກຸ່ມ​ແກ້ງ​ທີ່​ຖືກ​ຊັດ​ທອດເພື່ອຈັບຕົວມາ​ດຳ​ເນີນ​ຄະດີ​ຕາມລະບຽບ​ກົດໝາຍ.

ແຂວງບໍ່ແກ້ວຈູດທຳລາຍຢາເສບຕິດ 800 ກວ່າກິໂລ

- lattana 1 - ຕໍາຫລວດບໍ່ແກ້ວຈັບ​ແກ໋ງລັກລົກຈັກອັນຕະລາຍມາດໍາເນີນຄະດີ

ຂ່າວ-ພາບ : ຫນັງສືພິມ ປກສ

error: Content is protected !!