ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ

ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - 042202 2021 - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ
ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - Untitled design - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ

ໃນ​ຊີ​ວິດ​ການ​ເຮັດ​ວຽກ ເຮົາ​ຫລີກ​ເວັ້ນ​ບໍ່​ໄດ້​ທີ່​ຈະ​ຕ້ອງ​ພະ​ເຊີນ​ກັບ​ສ​ະ​ຖາ​ນະ​ການບໍ່​ຄາດ​ຝັນ ເຫດ​ການ​ທີ່​ເກີດ​ຂຶ້ນ​ກະ​ທັນ​ຫັນ​ໂດຍບໍ່​ທັນ​ຕັ້ງ​ໂຕ​ໄດ້​ສະ​ເໝີ ບັນ​ຫາ​ເຫລົ່າ​ນັ້ນ​ບາງ​ເທື່ອ​ຈຳ​ເປັນ​ຕ້ອງ​ຕອ​ບ​ສະ​ໜອງ, ຕ້ອງ​ແກ້​ໄຂ​ຕອນນັ້ນ​ເລີຍ ແລະ ຕ້ອງ​ຜ່ານ​ໄປ​ຢ່າງ​ຄ່ອງ​ແຄ້ວ​ທີ່​ສຸດ ສິ່ງ​ທີ່​ເຮົາ​ໃຊ້​ໃນ​ການ​ແກ້​ບັນ​ຫາ​ກໍ​ຄື ໄຫວ​ພິບ​ປະ​ຕິ​ພານ.

ການ​ມີ​ໄຫວ​ພິບ​ໃນ​ການ​ແກ້​ບັນ​ຫາ ເປັນ​ສ່ວນ​ໜຶ່ງ​ຂອງ​ທັກ​ສະ​ໃໝ່​ທີ່​ຄົນ​ເຮັດ​ວຽກ​ຮຸ່ນ​ໃໝ່​ຄວນ​ຕ້ອງ​ມີ ນອກ​ເໜືອ​ຈາກ  hard Skill ແລະ Soft Skill ທັກ​ສະ​ນີ້​ແມ່ນ Meta Skill ເຊິ່ງ​ເປັນ​ທັກ​ສະ​ທີ່​ຕ້ອງ​ໄວ​ ເພື່ອ​ຮອງ​ຮັບ​ການ​ປ່ຽນ​ແປງ ໃນ​ໂລກ​ທີ່​ໝູນ​ອ້ອມ​ຕົນ​ເອງ​ໄວ​ຫລາຍ ຕ້ອງ​ມີ​ຄວາມ​ຫ້າວ​ຫັນ ແລະ ກະ​ຕື​ລື​ລົ້ນ​ທີ່​ຈະ​ຮຽນ​ຮູ້​ເພື່ອ​ພັດ​ທະ​ນາ​ໃຫ້​ເກີດ​ການ​ຮຽນ​ຮູ້​ຕະ​ຫລອດ​ຊີ​ວິດ, ສາ​ມາດ​ພະ​ເຊີນ​ຄວາມ​ທ້າ​ທາຍ, ແກ້​ບັນ​ຫາໄດ້ ແລະ ພ້ອມ​ທີ່​ຈະ​ເຕີບ​ໃຫຍ່ ເພື່ອ​ຮັບ​ມື​ກັບ​ການ​ປ່ຽນ​ແປງ​ຕ່າງໆ​ທີ່​ຈະ​ເກີດ​ຂຶ້ນ​ໃນ​ອະ​ນາ​ຄົດ. ດັ່ງ​ນັ້ນ,  ໄຫວ​ພິບ​ປະ​ຕິ​ພານ​ຈຶ່ງ​ເປັນ​ທັກ​ສະ​ທີ່​ສຳ​ຄັນ​ຫລາຍ​ທີ່​ຄົນ​ເຮັດ​ວຽກ​ຍຸກ​ໃໝ່​ຄວນ​ຈະ​ມີ​ ເປັນ​ຄວາມ​ສາ​ມາດ​ໃນ​ການ​ປັບ​ໂຕ​ໃຫ້​ເຂົ້າ​ກັບ​ສິ່ງ​ທີ່​ຄາດບໍ່​ເຖິງ ນຳ​ທັນ​ໂລກ​ທີ່​ປ່ຽນ​ໄປ​ຢ່າ​ງວ່ອງ​ໄວ ສາ​ມາດ​ຫາ​ທາງ​ອອກ​ໃຫ້​ກັບ​ບັນ​ຫາ​ທີ່​ບໍ່​ເຄີຍ​ພົບ​ພໍ້​ມາ​ກ່ອນ​ຢ່າງ​ຊານ​ສະ​ຫລາດ ໂດຍ​ເລີ່ມ​ຕັ້ງ​ຕົ້ນ​ວ່ ຈະ​ຮັບ​ມື​ກັບ​ວິ​ກິດ​ແນວ​ໃດ​ໃນ​ສະ​ຖາ​ນະ​ການ​ກະ​ທັນ​ຫັນ ເພາະ​ຕ້ອງ​ຮັບ​ມື, ຈັດ​ການ, ຄິດ, ຕັດ​ສິນ​ໃຈ ແລະ ດຳ​ເນີນ​ການ​ຢ່າງວ່ອງ​ໄວ​ໃນ​ເວ​ລານັ້ນ ໂດຍບໍ່​ສາ​ມາດ​ເພີ່ງ​ພາ​ຕຳ​ລາ​ເຫລັ້ມ​ໃດ ຫລື ຄົນ​ອື່ນ​ໄດ້​ໃນ​ໄລ​ຍະ​ເວ​ລານັ້ນ.

ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - 022202 2021 300x225 - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ

  • ການ​ພັດ​ທະ​ນາ​ໄຫວ​ພິບ​ຕ້ອງ​ເຮັດ​ແນວ​ໃດ ?

ອົງ​ກອນ​ສ່ວນ​ຫລາຍບໍ່​ໄດ້​ໃຫ້​ຄວາມ​ສຳ​ຄັນ​ຕໍ່​ການ​ພັດ​ທະ​ນາ​ໄຫວ​ພິບ​ຂອງ​ພະ​ນັກ​ງານ​ເທົ່າ​ທີ່​ຄວນ ເພາະ​ມັກ​ຈະ​ເນັ້ນ​ໄປ​ໃສ່​ທັກ​ສະ​ຄວາມ​ເປັນ​ຜູ້​ນຳ ຫລື ທັກ​ສະ​ທາງ​ເຕັກ​ນິກ​ຕ່າງໆ ໂດຍ​ທີ່​ຄວາມ​ຈິງ​ແລ້ວ ໄຫວ​ພິບ​ຖື​ເປັນ​ອີກ​ໜຶ່ງ​ກຸນ​ແຈ​ສຳ​ຄັນ​ໃນ​ການ​ຊຸກ​ຍູ້​ອົງ​ກອນ ຫາກ​ຄົນ​ເຮັດ​ວຽກ​ມີ​ຄວາມ​ສາ​ມາດ​ໃນ​ການ​ແກ້​ບັນ​ຫາ ແລະ ຕັດ​ສິນ​ໃຈ​ສະ​ເພາະ​ໜ້າ​ໄດ້ ກໍ​ສາ​ມາດ​ນຳ​ພາ​ອົງ​ກອນ​ໃຫ້​ຜ່ານ​ພົ້ນ​ວິ​ກິດ​ທີ່​ເກີດ​ຂຶ້ນ. ທຸກ​ຄົນ​ມີ​ໄຫວ​ພິບ​ໃນ​ການ​ແກ້​ບັນ​ຫາບໍ່​ເທົ່າ​ກັນ, ແຕ່​ສາ​ມາດ​ປັບ​ປຸງ ແລະ ພັດ​ທະ​ນາ​ໄດ້ ເພາະ​ການ​ພັດ​ທະ​ນາ​ໄຫວ​ພິບນັ້ນ​ບໍ່​ແມ່ນ​ເລື່ອງ​ງ່າຍ​ສຳ​ລັບ​ບາງ​ຄົນ ໝ​າຍ​ຄວາມ​ວ່າ​ຕ້ອງ​ໃຊ້​ເວ​ລາ​ເກັບ​ກ່ຽວ​ປະ​ສົບ​ການ​ຫລາຍ​ປີ ກ່​ວາ​ຈະ​ຮູ້​ສຶກ​ເຊື່ອ​ໝັ້ນ​ໃນ​ການ​ຕັດ​ສິນ​ໃຈ, ແຕ່​ທຸກ​ຄົນ​ສາ​ມາດ​ປັບ​ປຸງ ແລະ ພັດ​ທະ​ນາ​ໄຫວ​ພິບ​ຂອງ​ຕົນ​ເອງ​ໄດ້ ຜ່ານ​ການ​ວິ​ເຄາະ​ລົງ​ເລິກ​ກ່ຽວ​ກັບ​ການ​ໃຊ້​ໄຫວ​ພິບ​ຕ່າງໆ​ທີ່​ມີ​ຢູ່, ວິ​ທີ​ການ ລວມ​ເຖິງວິ​ເຄາະ​ປັດ​ໄຈ​ທີ່​ຂວາງ​ທາງ ຫລື ເລັ່ງ​ຂະ​ບວນ​ການ​ພັດ​ທະ​ນາ.

ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - Wave100S AD to Website 2020 0 - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ
  • ​ານ​ພັດ​ທະ​ນາ​ໄຫວ​ພິບ​ສາ​ມາດ​ເຮັດ​ໄດ້​ຫລາຍ​ວິ​ທີ ເຊັ່ນ :
  1. ຮຽນ​ຮູ້​ຈາກ​ການ​ສັງ​ເກດ : ຄ່ອຍໆ​ສັງ​ເກດ ແລະ ຮຽນ​ຮູ້​ຈາກ​ເພື່ອນ​ຮ່ວມ​ງານ​ທີ່​ມີ​ປະ​ສົບ​ການ​ຫລາຍ​ກ່​ວາ ວ່າ​ເຂົາ​ມີ​ປະ​ຕິ​ກິ​ລິ​ຍາ​ຕ​ອບ​ສະ​ໜອງ ຫລື ມີ​ວິ​ທີ​ແກ້​ບັນ​ຫາ​ສະ​ເພາະ​ໜ້າ​ແນວ​ໃດ ເພື່ອ​ເອົາ​ມາ​ປັບ​ໃຊ້​ໃຫ້​ເຂົ້າ​ກັບ​ບຸກ​ຄະ​ລິກ ແລະ ຄວາມ​ສາ​ມາດ​ຂອງ​ຕົນ​ເອງ.
  2. ເພິ່ງ​ສັນ​ຊາດ​ຕະ​ຍານ​ : ໃນ​ສະ​ຖາ​ນະ​ການ​ທີ່​ບີບ​ບັງ​ຄັບ​ຈົນ​ເຮົາ​ຮູ້​ສຶກ​ກົດ​ດັນ ຈະ​ກະ​ຕຸ້ນ​ໃຫ້​ສັນ​ຊາດ​ຕະ​ຍານການ​ເອົ​າ​ໂຕ​ລອດ​ເຮັດ​ໜ້າ​ທີ່​ປົກ​ປ້ອງ​ຕົນ​ເອງ ໂດ​ຍ​ຈະ​ຊ່ວຍ​ໃຫ້​ຕັດ​ສິນ​ໃຈ​ໃນ​ສ​ະ​ຖາ​ນະ​ການນັ້ນ​ໄດ້ ເພາະ​ເຮົາ​ຕ້ອງ​ເລືອກວິ​ທີ​ທີ່​ດີ​ທີ່​ສຸດ​ທີ່​ຄິດ​ໄດ້.
  3. ການ​ແຂ່ງ​ຂັນ​ ຫລື ການ​ເຮັດ​ວຽກ​ຮ່ວມ​ກັນ : ກະ​ຕຸ້ນ ແລະ ພັດ​ທະ​ນາ​ໄຫວ​ພິບ​ເອົາ​ໂຕ​ລອດ ທັງ​ຍັງ​ມີ​ຜົນ​ຕໍ່​ການ​ເລືອກວຽກ​ໃຫ້​ເໝາະ​ສົມ​ກັບ​ຄົນ​ ຜູ້​ທີ່​ມີ​ໄຫວ​ພິ​ບ​ດີ ເໝາະ​ສົມ​ກັບ​ວຽກ​ທີ່ບໍ່​ເຄີຍ​ພົບ​ມາ​ກ່ອນ ເຊິ່ງ​ມັນ​ເປັນ​ສິ່ງ​ທີ່ບໍ່​ແນ່ນອນ.
  4. ບັນ​ຍາ​ກາດ​ທີ່​ເຄັ່ງ​ຄຽດ : ຊຸກ​ຍູ້​ໃຫ້​ຄົນ​ໃນ​ອົງ​ກອນ​ພັດ​ທະ​ນາ​ໄຫວ​ພິບ​ໃນ​ການ​ເຮັດ​ວຽກ​ຮ່ວມ​ກັນ ເພາະ​ຫາກບໍ່​ມີ​ຫຍັງ​ມາ​ບີບ​ບັງ​ຄັບ ສັນ​ຊາ​ດ​ຕະ​ຍານ​ໃນ​ການ​ເອົາ​ໂຕ​ລອດ​ຈະ​ບໍ່​ເກີດ ຄວາມ​ເຄັ່ງ​ຄຽດ​ຈະ​ບີບ​ໃຫ້​ມະ​ນຸດ​ປັບ​ໂຕ ເລີ່ມ​ການ​ໂຕ້​ຕອບ​ແດ່.
  5. ປັບ​ຂະ​ບວນ​ການ​ທາງ​ຄວາມ​ຄິດ : ບໍ່​ວ່າ​ຈະ​ປະ​ສົບ​ກັບ​ບັນ​ຫາ​ຫຍັງ ຕ້ອງ​ກ້າວ​ຕໍ່​ໄປ​ໃຫ້​ໄວ, ຮຽ​ນ​ຮູ້ ແລະ ພັດ​ທະ​ນາ​ໄປ​ຂ້າງ​ໜ້າ​ໃຫ້​ດີ​ຂຶ້ນ ຄົນ​ທີ່​ມີ​ແນວ​ຄວາມ​ຄິດ ແລະ ທັກ​ສະ​ໃນ​ການ​ແກ້​ບັນ​ຫາ​ສະ​ເພາ​ະ​ໜ້າ ຫລື ທີ່​ເອີ້ນ​ກັນ​ວ່າ​ໄຫວ​ພິບນີ້ ທ່ານ​ຈະ​ໄດ້​ປຽບ​ຄົນ​ອື່ນ​ບ່ອນ​ທີ່​ມີ​ໂອ​ກາດ​ຕີບ​ໃຫຍ່ ແລະ ເປັນ​ທີ່​ຕ້ອງ​ການ​ຂອງ​ຕະ​ຫລາດ​ແຮງ​ງານ. ສະ​ນັ້ນ, ຍັງ​ບໍ່​ສາຍ​ເກີນ​ໄປ​ທີ່​ຈະ​ເລີ່ມ​ພັດ​ທະ​ນາ​ຕັ້ງ​ແຕ່ມື້ນີ້​ເປັນ​ຕົ້ນ​ໄປ.

 

ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - WhatsApp Image 2020 05 27 at 5 - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ
ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ - WhatsApp Image 2020 05 27 at 5 - ບໍ່​ຢາກ​ເປັນ​ຄົນ​ວ່າງ​ງານ ຕ້ອງ​ຮູ້​ຈັກ​ຝຶກ​ໃຊ້​ໄຫວ​ພິບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!