ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ

ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - 030103 2021 - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ
ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - Untitled design - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ

ອາ​ການ​ຜິດ​ປົກ​ກະ​ຕິ​ເບື້ອງ​ຕົ້ນ​ຂອ​ງ​ຮ່າງ​ກາຍທີ່​ບົ່ງ​ບອກວ່າ​ອາດ​ເປັນ​ພະ​ຍາດ​ຫົວ​ໃຈ ພົບ​ໄດ້​ງ່າຍ​ໃນ​ທົ່ວ​ໄປ​ທີ່​ຄິດ​ວ່າ​ຕົນ​ເອງ​ມີ​ສຸ​ຂະ​ພາບ​ດີ ໂດຍ​ທີ່​ຄວາມ​ຈິງ​ອາດ​ເປັນ​ພະ​ຍາດ​ຫົວ​ໃຈ​ໃນ​ໄລ​ຍະ​ເລີ່ມ​ຕົ້ນ.

  • ເມື່ອຍ​ຫອບ​ງ່າຍ​ຜິ​ດ​ປົກ​ກະ​ຕິ : ອາ​ການ​ຫອບ ເມື່ອຍ​ງ່າຍ ເວ​ລາ​ອອກ​ແຮງ ເຊັ່ນ : ຍ່າງ, ແລ່ນ, ເຮັດ​ວຽກ ມີ​ສາ​ເຫດ​ຫລວງ​ຫລາຍ ເຊັ່ນ : ເລືອດ​ຈາງ, ຕຸ້ຍ, ຄວາມ​ດັນ​ເລືອດ​ສູງ, ພະ​ຍາດ​ປອດ, ຕ່ອມ​ໄທ​ຣອຍ​ເປັນ​ພິດ, ພະ​ຍາດ​ຫົວ​ໃຈ, ອາ​ການ​ຫົວ​ໃຈ​ລົ້ມ​ເຫລວ, ແມ່ນ​ແຕ່​ຄວາມ​ເຄັ່ງ​ຄຽດ ຫລື ວິ​ຕົກ​ກັງ​ວົນ ກໍ​ເຮັດ​ໃຫ້​ເມື່ອຍ​ໄດ້​ຄື​ກັນ. ອາ​ການ​ເມື່ອຍ​ງ່າຍ​ຈາກ​ພະ​ຍາດ​ຫົວ​ໃຈ ແລະ ອາ​ການ​ຫົວ​ໃຈ​ລົ້ມ​ເຫລວນັ້ນ ຈະ​ເມື່ອຍ, ຫອບ, ຫາຍ​ໃຈ​ໄວ ໂດຍ​ຈະ​ເປັນ​ເວ​ລາ​ອອກ​ແຮງ, ແຕ່​ໃນ​ຄົນ​ທີ່​ເປັນ​ຮຸນ​ແຮງ​ຈະ​ເມື່ອຍ​ໃນ​ຂະ​ນະ​ພັກ, ບາງ​ຄົນ​ເມື່ອຍ​ຫລາຍ​ຈົນ​ນອນ​ລົງ​ກັບ​ພື້ນບໍ່​ໄດ້ (ນອນ​ແລ້ວ​ຈະ​ເມື່ອຍ-ໄອ) ຕ້ອງນອນ​ຍົກ​ຫົວ​ຂຶ້ນ​ສູງໆ ຫລື ນັ່ງ​ຫລັບ.

ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - 020103 2021 300x225 - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ

ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - Wave100S AD to Website 2020 0 - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ
  • ໃຈ​ສັ່ນ : ໃນ​ຄວາມ​ໝາຍ​ແພດ​ແມ່ນ​ການ​ທີ່​ຫົວ​ໃຈ​ເຕັ້ນ​ໄວ​ຜິດ​ປົກ​ກະ​ຕິ, ຜິດ​ຈັ​ງ​ຫວະ ຫລື ເຕັ້ນ​ບໍ່​ສະ​ໝ່ຳ​ສະ​ເໝີ, ເຕັ້ນໆ, ຢຸດໆ ອາ​ການ​ດັ່ງ​ກ່າວ​ອາດ​ພົບ​ໄດ້​ໃນ​ຄົນ​ປົກ​ກະ​ຕິ, ພະ​ຍາດ​ຫົວ​ໃຈ ແລະ ພະ​ຍາດ​ອື່ນໆ​ທີ່​ມີ​ຜົນ​ຕໍ່​ຫົວ​ໃຈ ເຊັ່ນ : ຕ່ອມ​ໄທ​ຣອຍ​ເປັນ​ພິດດ ພະ​ຍາດ​ປອດ ແພດ​ຈະ​ສອບ​ຖາມ​ປະ​ຫວັດ​ລະ​ອຽດ​ເຖິ​ງ​ລັກ​ສະ​ນະ​ຂອງ​ອາ​ການ​ໃຈ​ສັ່ນ ເພື່ອ​ໃຫ້​ໝັ້ນ​ໃຈ​ວ່າ​ເກີດ​ຈາກ​ຫົວ​ໃຈ​ເຕັ້ນ​ຜິດ​ຈັງ​ຫວະ​ຫລືບໍ່, ຫລາຍ​ເທື່ອ​ທີ່​ຄົນ​ປ່ວຍ​ຮູ້​ສຶກ​ໃຈ​ສັ່ນ​ໂດຍ​ຫົວ​ໃຈ​ເຕັ້ນ​ເປັນ​ປົກ​ກະ​ຕິ. ການກວດ​ບົ່​ງ​ມະ​ຕິ​ກຸ່​ມ​ອາ​ການ​ໃຈ​ສັ່ນ​ເປັນ​ເລື່ອງ​ທີ່​ເຮັດ​ໄດ້​ບໍ່​ງ່​າຍ​ປານ​ໃດ ເນື່ອງ​ຈາກ​ຄົນ​ປ່ວຍ​ມັກ​ມີ​ອາ​ການ​ຊົ່ວ​ຂະ​ນະ ເມື່ອ​ມາ​ພົບ​ແພດ ອາ​ການ​ດັ່ງ​ກ່າວ​ກໍ​ຫາຍ​ໄປ ແພດ​ຈຶ່ງ​ບໍ່​ສາ​ມາດ​ໃຫ້​ກາ​ນ​ບົ່ງ​ມະ​ຕິ​ໄດ້​ວ່າ​ເກີດ​ຈາກ​ຫົວ​ໃຈ​ເຕັ້ນ​ຜິດ​ຈັງ​ຫວະ​ຫລືບໍ່. ດັ່ງ​ນັ້ນ, ຄວນ​ສຶກ​ສາ​ວິ​ທີ​ຈັບ​ກຳ​ມະ​ຈອນ​ຕົນ​ເອງ​ເມື່ອ​ເກີດ​ອາ​ການ ເຖິງ​ຄວາມ​ຖີ່ ແລະ ຄວາມ​ສະ​ໝ່ຳ​ສະ​ເໝີ​ໃນ​ການ​ເຕັ້ນ​ຂອງ​ຫົວ​ໃຈ​ໃນ​ເວ​ລາ 1 ນາ​ທີ ຂໍ້​ມູນ​ເຫລົ່າ​ນີ້​ຈະ​ຊ່ວຍ​ໃນ​ການ​ບົ່ງ​ມະ​ຕິ​ໄດ້​ວ່ອງ​ໄວ​ຂຶ້ນ.
  • ຂາ​ບວມ : ເກີດ​ຈາກ​ການ​ທີ່​ຮ່າງ​ກາຍ​ມີ​ເກືອ (ໂຊ​ດຽມ) ແລະ ນ້ຳ​ສະ​ສົມ​ຢູ່​ໃນ​ຮ່າງ​ກາຍ ໂດຍ​ອາດ​ເກີດ​ຈາກ​ພະ​ຍາດ​ໝາກ​ໄຂ່​ຫລັງ (ໄລ່​ເກືອບໍ່​ໄດ້), ພະ​ຍາດ​ຫລອດ​ເລືອດ​ດຳ​ຕີບ​ຕັນ (ການ​ໄຫລ​ວຽນ​ບໍ່​ສະ​ດວກ), ຂາດ​ອາ​ຫານ, ໂປ​ຣ​ຕິນ​ໃນ​ເລືອດ​ຕ່ຳ, ພະ​ຍາດ​ຕັບ, ຢາ ແລະ ຮໍ​ໂມນ​ບາງ​ຊະ​ນິດ, ພະ​ຍາດ​ຫົວ​ໃຈ ຫລື ບາງ​ຄົນ​ບໍ່​ພົບ​ສາ​ເຫດ. ອາ​ການບ​ວມ​ໃນ​ຜູ້​ປ່ວຍ​ພະ​ຍາດ​ຫົວ​ໃຈ​ເກີດ​ຈາກ​ການ​ທີ່​ຫົວ​ໃຈ​ເບື້ອງ​ຂ​ວາ​ເຮັດ​ວຽກ​ຫລຸດ​ລົງ, ເລືອດ​ຈາກ​ຂາບໍ່​ສາ​ມາດ​ໄຫລ​ເຂົ້າ​ຫົວ​ໃຈ​ເບື້ອງ​ຂ​ວາ​ໄດ້​ໂດຍ​ສະ​ດວກ ຈຶ່ງ​ມີ​ເລືອດ​ຄ້າງ​ຢູ່​ຂາ​ຫລາຍ​ຂຶ້ນ, ອາ​ການ​ເນື້ອ​ເຍື່ອ​ຫຸ້ມ​ຫົວ​ໃຈ​ອັກ​ເສບ​ຊ້ຳ​ເຮື້ອ​ສະ​ແດງ​ອາ​ການ​ແບບນີ້​ໄດ້​ຄື​ກັນ ດັ່ງ​ນັ້ນ  ເມື່ອ​ມີ​ອາ​ການ​ຂາ​ບວມ ແພດ​ຈຳ​ເປັນ​ຕ້ອງກວດ​ຫລາຍ​ລະ​ບົບ ເພື່ອ​ຫາ​ສາ​ເຫດ ແລະ ໃຫ້​ການ​ປິ່ນ​ປົວ​ໄດ້​ຖືກ​ຕ້ອງ.
  • ເປັນ​ວິນ-ໜ້າ​ມືດ : ໃນ​ຄວາມ​ໝາຍ​ຂ​ອງ​ແພດ ຄຳ​ວ່າ ເປັນ​ວິນ​ໜ້າ​ມືດ ຈະ​ກົງ​ກັບ​ພ​າ​ສາ​ອັງ​ກິດ​ວ່າ Syncope ໝາຍ​ເຖິງ ການ​ໝົດ​ສະ​ຕິ ຫລື ເກືອບ​ໝົດ​ສະ​ຕິ​ຊົ່ວ​ຂະ​ນະ ອາດ​ຮູ້​ສຶກ​ໜ້າ​ມືດ ຈະ​ເປັນ​ວິນ, ຕາ​ລາຍ, ເບິ່ງ​ເຫັນ​ພາບບໍ່​ຈະ​ແຈ້ງ, ອາ​ການ​ເປັນ​ຢູ່​ພຽງ​ຊົ່ວ​ຂະ​ນະ ບໍ່​ລວມ​ເຖິງ​ອາ​ການ​ວິນ​ຫົວ, ພື້ນ​ໝູນ, ອອ​ກ​ຮ້ອນ​ຕາ​ມ​ຕົນ​ໂຕ, ຫາຍ​ໃຈ​ບໍ່​ອອກ ອາ​ການ​ດັ່ງ​ກ່າວ​ອາດ​ເກີດ​ຈາກ​ຄວາມ​ຜິດ​ປົກ​ກະ​ຕິ​ຂອງ​ສະ​ໝອງ ​ເຊັ່ນ : ບ້າ​ໝູ (ເຖິງ​ຈະ​ບໍ່​ຊັອກ​ໃຫ້​ເຫັນ), ເລືອດ​ອອກ​ໃນ​ສະ​ໝອງ, ຄວາມ​ຜິດ​ປົ​ກ​ກະ​ຕິ​ຂອງ​ລະ​ບົບ​ປະ​ສາດ​ອັດ​ຕະ​ໂນ​ມັດ​ທີ່​ຄວບ​ຄຸມ​ຫົວ​ໃຈ, ອາ​ການ​ເປັນ​ວິ​ນ​ໜ້າ​ມືດ​ຍັງ​ອາດ​ພົບ​ໄດ້​ໃນ​ຄົນ​ປົກ​ກະ​ຕິ​ທີ່​ຂາດ​ນ້ຳ, ເສຍ​ເລືອດ, ຖອກ​ທ້ອງ, ບໍ່​ສະ​ບາຍ​, ຂາດ​ກາ​ນ​ອອກ​ກຳ​ລັງ​ກາຍ ຫລື ກິນ​ຢາ​ຫລຸດ​ຄວາມ​ດັນ​ເລືອດ.
  • ຈາກ​ອາ​ການ​ທີ່​ສະ​ແດງ​ຂ້າງ​ເທິງ​ຈະ​ເຫັນ​ໄດ້​ວ່າ​ມີ​ສາ​ເຫດ​ຈາກ​ພະ​ຍາດ​ອື່ນໆ​ໄດ້​ອີກ​ຫລາຍ. ດັ່ງ​ນັ້ນ, ເຮົາ​ຈຶ່ງບໍ່​ຄວນ​ປະ​ໝາດ, ໝັ່ນ​ສຳ​ຫລວດ​ຄວາມ​ສ່ຽງ​ຂອງ​ຕົນ​ເອງ, ຮີບ​ໄປ​ໂຮງ​ໝໍ​ກ່ອນ​ຈະ​ຊ້າ​ເກີນ​ແກ້​ໄຂ.
ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - WhatsApp Image 2020 05 27 at 5 - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ
ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ - WhatsApp Image 2020 05 27 at 5 - ເມື່ອ​ຍ​ງ່າຍ ໃຈ​ສັ່ນ ສັນ​ຍານ​ເຕືອນ​ພະ​ຍາດ​ຫົວ​ໃຈ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!