ສຶກສາຄວາມເປັນໄປໄດ້ໂຄງການຊົນລະປະທານກຸດຟ້າແມບຢູ່ເມືອງທ່າພະບາດ

- advert banner 728 90 728x90 - ສຶກສາຄວາມເປັນໄປໄດ້ໂຄງການຊົນລະປະທານກຸດຟ້າແມບຢູ່ເມືອງທ່າພະບາດ

ພິທີລົງນາມບົດບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄດ້ໂຄງການຊົນລະປະທານກຸດຟ້າແມບ, ເມືອງທ່າພະບາດ, ແຂວງບໍລິຄໍາໄຊ ລະຫວ່າງທ່ານ ໄມກອງ ພອນພົມມະວົງ ຫົວໜ້າກົມຊົນລະປະທານກະຊວງກະສິກໍາ-ປ່າໄມ້ ແລະ ທ່ານ ຍີ ເວີຍ ຮອງປະທານກຸ່ມບໍລິສັດ ໄຮນານ ວິສະວະກໍາ ກໍ່ສ້າງ ຈໍາກັດ, ໄດ້ມີຂຶ້ນໃນທ້າຍອາທິດຜ່ານມາທີ່ກົມຊົນລະປະທານ, ໂດຍມີທ່ານຮອງລັດຖະມົນຕີກະຊວງກະສິກໍາ-ປ່າໄມ້ ທອງພັດ ວົງມະນີ, ທ່ານຮອງເຈົ້າແຂວງບໍລິຄໍາໄຊ ບຸນເສັງ ປະທໍາມະວົງ, ທ່ານ ວູເຢຍຈຽນ ຜູ້ຈັດການທົ່ວໄປບໍລິສັດ ໄຮນານ ວິສະວະກໍາກໍ່ສ້າງ ຈໍາກັດ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

- new3 - ສຶກສາຄວາມເປັນໄປໄດ້ໂຄງການຊົນລະປະທານກຸດຟ້າແມບຢູ່ເມືອງທ່າພະບາດ

ຫົວໜ້າກົມຊົນລະປະທານ ໃຫ້ຮູ້ວ່າ: ໂຄງການພັດທະນາຊົນລະປະທານກຸດຟ້າແມບ ເປັນບູລິມະສິດສໍາຄັນຂອງລັດຖະບານ ກໍຄືແຂວງບໍລິຄໍາໄຊ ໂດຍນໍາໃຊ້ນໍ້າລຸ່ມເຂື່ອນໄຟຟ້ານໍ້າມັງ 1 ເພື່ອສະໜອງໃຫ້ເນື້ອທີ່ຜະລິດກະສິກໍາຂອງປະຊາຊົນຫລາຍບ້ານໃນເຂດເມືອງທ່າພະບາດຫລາຍກວ່າ 6 ພັນເຮັກຕາ, ໂດຍສະເພາະການສະໜອງນໍ້າໃຫ້ແກ່ການຜະລິດນາປີ, ນາແຊງ ແລະ ພືດຜົນຕ່າງໆສະດວກດີ ແນໃສ່ຮັບປະກັນຄວາມໝັ້ນຄົງທາງດ້ານສະບຽງອາຫານ ແລະ ການຜະລິດເປັນສີນຄ້າໃຫ້ຫລາຍ ເພື່ອຫລຸດຜ່ອນຄວາມທຸກຍາກຂອງປະຊາຊົນໃນເຂດດັ່ງກ່າວເທື່ອລະກ້າວ. ແນວໃດກໍຕາມ​, ເພື່ອຮັບປະກັນໃຫ້ການພັດທະນາໂຄງການດັ່ງກ່າວມີປະສິດທິຜົນສູງ, ຈຶ່ງມີຄວາມຈໍາເປັນຕ້ອງໄດ້ສຶກສາລະອຽດ, ທັງເປັນບາດກ້າວ ແລະ ຂັ້ນຕອນສໍາຄັນໃນການກ້າວໄປສູ່ການຈັດຕັ້ງປະຕິບັດໂຄງການຕໍ່ໄປໃນອານາຄົດ, ເຊິ່ງແມ່ນບໍລິສັດ ໄຮນານ ວິສະວະກໍາ ກໍ່ສ້າງຈໍາກັດ ເປັນຜູ້ດໍາເນີນການສຶກສາຄວາມເປັນໄປໄດ້ຂອງໂຄງການດັ່ງກ່າວໂດຍຈະໃຊ້ເວລາທັງໝົດ 18 ເດືອນ.

- lattana 1 - ສຶກສາຄວາມເປັນໄປໄດ້ໂຄງການຊົນລະປະທານກຸດຟ້າແມບຢູ່ເມືອງທ່າພະບາດ
error: Content is protected !!