ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ

-                 - ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ
- Untitled design - ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ

ວັນທີ 4 ພຶດສະພາ 2021, ປະທານາທິບໍດີ ໂຈ ໄບເດັນ ຂອງອາເມລິກາ ປະກາດເປົ້າໝາຍໃໝ່ ຕັ້ງເປົ້າສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດນີ້ ຖືເປັນຄວາມພະຍາຍາມໃນການຊຸກຍູ້ມາດຕະການສັກວັກຊີນຕ້ານໂຄວິດ-19 ຄັ້ງໃໝ່ໃນອາເມລິກາ ຫລັງລັດຖະບານ ໄບເດັນ ປະສົບຜົນສຳເລັດເກີນເປົ້າໝາຍ ສັກວັກຊີນຕ້ານໂຄວິດ-19 ໃຫ້ພົນລະເມືອງອາເມລິກາເກີນ 200 ລ້ານໂດສໄດ້ກ່ອນ 1 ອາທິດ ທີ່ຈະເຖິງກຳນົດເຂົ້າຮັບຕຳແໜ່ງຜູ້ນຳອາເມລິກາຄົບ 100 ວັນທຳອິດ.

ໄບເດັນ ຕັ້ງເປົ້າໃຫ້ພົນລະເມືອງອາເມລິກາໄວຜູ້ໃຫຍ່ປະມານ 70% ເຂົ້າຮັບວັກຊີນຕ້ານໂຄວິດ-19 ຢ່າງໜ້ອຍ 1 ໂດສ ກ່ອນວັນຊາດອາເມລິກາ ກ່ອນຈະກຽມເພີ່ມເປົ້າໝາຍໃຫ້ພົນລະເມືອງອາເມລິກາເຂົ້າຮັບວັກຊີນຄົບໂດສຢ່າງໜ້ອຍ 160 ລ້ານຄົນທົ່ວປະເທດໃນລຳດັບຕໍ່ໄປ ໂດຍການຊຸກຍູ້ມາດຕະການສັກວັກຊີນໄລຍະໃໝ່ຂອງອາເມລິກາຈະເນັ້ນໃສ່ 3 ບັນຫາຫລັກຄື: ເດັກ (Children), ຄວາມສະດວກ (Convenience) ແລະ ຄວາມລັງເລໃຈ (Hesitancy).

ໂດຍລັດຖະບານ ໄບເດັນ ຄາດວ່າ: ອົງການອາຫານ ແລະ ຢາອາເມລິກາ (FDA) ຈະອະນຸຍາດການໃຊ້ວັກຊີນຕ້ານໂຄວິດ-19 ຂອງ Pfizer-BioNTech ທີ່ໃຊ້ຄວບຄຸມຊ່ວງອາຍຸ 12-15 ປີ ໃນຕົ້ນອາທິດໜ້າ ລວມທັງລັດຖະບານ ໄບເດັນ ໄດ້ເລີ່ມໃຊ້ vaccines.gov ເພື່ອອຳນວຍຄວາມສະດວກໃນການເຂົ້າຮັບວັກຊີນຕ້ານໂຄວິດ-19 ໃນສະຖານທີ່ໃຫ້ບໍລິການໃກ້ທີ່ສຸດ ຫລື ພຽງພິມລະຫັດໄປສະນີຂອງທີ່ພັກອາໄສ ສົ່ງໄປໝາຍເລກ 438829 ຈະມີຂໍ້ຄວາມຕອບກັບລະບຸ ສະຖານທີ່ໃຫ້ບໍລິການສັກວັກຊີນຕ້ານໂຄວິດ-19 ໃກ້ທີ່ສຸດໃຫ້ພົນລະເມືອງນຳອີກ.

ນອກຈາກນີ້ ລັດຖະບານອາເມລິກາຍັງກຽມຈະເຈລະຈາກັບສູນການຄ້າ ຫລື ສະໜາມກິລາຂະໜາດໃຫຍ່ ຈັດໂປຣໂມຊັນພິເສດ ຫລື ຫລຸດລາຄາໃຫ້ບຸກຄົນທີ່ເຂົ້າຮັບການສັກວັກຊີນຮຽບຮ້ອຍແລ້ວ ເພື່ອກະຕຸ້ນ ແລະ ສ້າງແຮງຈູງໃຈໃນການເຂົ້າຮັບການສັກວັກຊີນເພີ່ມຂຶ້ນ.

- Wave100S AD to Website 2020 0 - ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ

ຫລ້າສຸດ ອາເມລິກາເປັນປະເທດທີ່ສັກວັກຊີນໃຫ້ພົນລະເມືອງຫລາຍທີ່ສຸດໃນທາງປະລິມານ ເປັນອັນດັບ 2 ຮອງຈາກຈີນ ສັກໄປແລ້ວ 24,7 ລ້ານໂດສ ພົນລະເມືອງປະມານ 147,8 ລ້ານຄົນ ຫລື 44,5% ຂອງປະຊາກອນທົ່ວປະເທດ ເຂົ້າຮັບວັກຊີນຕ້ານໂຄວິດ-19 ແລ້ວຢ່າງໜ້ອຍ 1 ໂດສ ໂດຍມີ 32% ຂອງປະຊາກອນເຂົ້າຮັບວັກຊີນຄົບໂດສແລ້ວ, ຄາດວ່າການສັກວັກຊີນຈະຄວບຄຸມປະຊາກອນເພີ່ມຂຶ້ນ ຫລັງ ອັນເບິດ ເບີລາ CEO ຂອງຜູ້ຜະລິດ ແລະ ພັດທະນາວັກຊີນຕ້ານໂຄວິດ-19 ທີ່ຈັບມືກັບພັນທະມິດຜະລິດວັກຊີນ Pfizer-BioNTech ກຽມຍື່ນເລື່ອງຂໍອະນຸຍາດໃຊ້ວັກຊີນ ຄວບຄຸມເດັກອາຍຸ 2-11 ປີ ເປັນກໍລະນີສຸກເສີນ (EUA) ຕໍ່ ອຢ ອາເມລິກາ ໃນເດືອນກັນຍາປີນີ້.

ອ້າງອີງ:

- WhatsApp Image 2020 05 27 at 5 - ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ
- WhatsApp Image 2020 05 27 at 5 - ໄບເດັນ ຕັ້ງເປົ້າໃໝ່ ສັກວັກຊີນຕ້ານໂຄວິດ-19 ໃຫ້ເຖິງ 70% ຂອງພົນລະເມືອງອາເມລິກາໄວຜູ້ໃຫຍ່ ກ່ອນວັນຊາດອາເມລິກາ 4 ກໍລະກົດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!