ສຸດຍອດ ໂທລະສັບມືຖືເຄື່ອງທໍາອິດຂອງໂລກ ທີ່ບໍ່ງໍ້ແບັດເຕີຣີ

- advert banner 728 90 728x90 - ສຸດຍອດ ໂທລະສັບມືຖືເຄື່ອງທໍາອິດຂອງໂລກ ທີ່ບໍ່ງໍ້ແບັດເຕີຣີ

ຈາກຄວາມສາມາດທີ່ເພີ່ມຂຶ້ນເລື້ອຍໆຂອງໂທລະສັບມືຖື ບໍ່ວ່າຈະເປັນການ Live ຖ່າຍທອດສົດ, ຈາກການຟັງເພງແບບສະຕຣີມ ແລະ ຟີເຈີອີກ 108 ທີ່ມີຢູ່ໃນໂທລະສັບມືຖືຂອງເຮົາ ເຮັດໃຫ້ນັບມື້ແບັດເຕີຣີຈະໝົດໄວ້ຂຶ້ນເລື້ອຍໆ ແລະ ການທີ່ໂທລະສັບມືຖືແບັດໝົດ ກໍເຮັດໃຫ້ມັນກາຍສະພາບເປັນສິ່ງຂອງທີ່ໄຮ້ປະໂຫຍດໄປໃນທັນທີ.

- new3 - ສຸດຍອດ ໂທລະສັບມືຖືເຄື່ອງທໍາອິດຂອງໂລກ ທີ່ບໍ່ງໍ້ແບັດເຕີຣີ

ແລະ ໂຊກດີທີ່ໃນຕອນນີ້ ນັກວິໄຈຈາກ University of Washington ໄດ້ຄິດຄົ້ນເຕັກໂນໂລຊີຫລ້າສຸດ ທີ່ເຮັດໃຫ້ໂທລະສັບມືຖືບໍ່ກາຍເປັນສິ່ງຂອງທີ່ໄຮ້ຄ່າເພາະແບັດໝົດອີກຕໍ່ໄປ ມັນຄືໂທລະສັບມືຖືເຄື່ອງຕົ້ນແບບທີ່ບໍ່ຕ້ອງການແບັດເຕີຣີ ແຕ່ມັນສາມາດປ່ຽນຄື່ນຄວາມຖີ່ວິທະຍຸທີ່ຢູ່ອ້ອມໂຕເຮົາໃຫ້ກາຍເປັນພະລັງງານໄຟຟ້າໄດ້ຢ່າງໜ້າອັດສະລິຍະ.

ໂດຍ Vamsi Talla ​ເຊິ່ງເປັນໜຶ່ງໃນທີມງານວິໄຈ ກ່າວວ່າ: “ເຫດຜົນທີ່ເລືອກສ້າງໂທລະສັບມືຖືແບບໄຮ້ແບັດເຕີຣີ ເພາະວ່າມືຖືເປັນອຸປະກອນທີ່ຈໍາເປັນສໍາລັບທຸກຄົນ ແລະ ເຊື່ອວ່າທຸກຄົນຕ້ອງເຄີຍພົບປະສົບການທີ່ບໍ່ດີ ເມື່ອໂທລະສັບມືຖືແບັດໝົດໃນຂະນະທີ່ເຮົາຕ້ອງການຕິດຕໍ່ຫາໃຜຄົນໜຶ່ງ”.

​ເຊິ່ງໃນຕອນນີ້ມີຄວາມເປັນໄປໄດ້ 2 ທິດທາງທີ່ຈະເຮັດໃຫ້ທຸກ​ຄົນໄດ້ໃຊ້ເຕັກໂນໂລຊີໂທລະສັບມືຖືແບບໄຮ້ແບັດເຕີຣີ ຮູບແບບທໍາອິດຄືການທີ່ເຮົາອະນຸຍາດໃຫ້ຍີ່​ຫໍ້ໂທລະສັບມືຖືຕ່າງໆນໍາ​ເອົາເຕັກໂນໂລຊີນີ້ໄປຕິດຕັ້ງເປັນສ່ວນ​ເພີ່ມໃນໂທລະສັບຂອງພວກເຂົາ ແລະ ໂທລະສັບທີ່ມີເຕັກໂນໂລຊີນີ້ ເຈົ້າຂອງເຄື່ອງຈະສາມາດໂທອອກໄດ້ເຖິງວ່າແບັດເຕີຣີໝົດ ​ເຊິ່ງອາດຈະເປັນປະໂຫຍດຫຼາຍໃນສະຖານະການຮີບ​ດ່ວນທີ່ເຮົາຕ້ອງການໂທຫາໃຜຄົນໜຶ່ງ.

ຫຼື ໃນອີກຮູບແບບໜຶ່ງ ຄືການສ້າງໂທລະສັບມືຖືທີ່ບໍ່ມີແບັດເຕີຣີຢູ່ພາຍໃນ ​ເຊິ່ງຄວາມສາມາດຂອງໂທລະສັບມືຖືປະເພດນີ້ຄືການໂທອອກ ແລະ ສົ່ງຂໍ້ຄວາມ SMS ເໝາະສໍາລັບການໃຊ້ໃນບ່ອນ​ຫ່າງ​ໄກ​ສອກຫລີກ ຫຼື ໃນບ່ອນທີ່ບໍ່ມີປັກໄຟຟ້າ​ໃຊ້.

- lattana 1 - ສຸດຍອດ ໂທລະສັບມືຖືເຄື່ອງທໍາອິດຂອງໂລກ ທີ່ບໍ່ງໍ້ແບັດເຕີຣີ

ແລະ ໃນເວລານີ້ ໂທລະສັບເຄື່ອງຕົ້ນແບບຍັງເປັນອັນໃດທີ່ລຽບງ່າຍຫຼາຍ ເປັນພຽງແຕ່ແຜງວົງຈອນສີຂຽວ ແລະ ຍັງບໍ່ມີໂຕເຄື່ອງມາຫໍ່ຫຸ້ມເອົາໄວ້ແຕ່ຢ່າງໃດ ແລະ Vamsi Talla ກ່າວວ່າ: “ເຄື່ອງເວີຊັ່ນໃນອະນາຄົດຈະມີຟັງຊັນທີ່ຫຼາຍຂຶ້ນ ໂດຍວາງເປົ້າໝາຍເຖິງການສ້າງເປັນໂທລະສັບມືຖືເຕັມຮູບແບບ ອາດຈະເລືອກໃຊ້ຈໍພາບແບບໃຊ້ພະລັງງານຕໍ່າ ໃນຮູບແບບດຽວກັບໜ້າຈໍຂອງອຸປະກອນອ່ານອີບຸກ Kindle ລວມເຖິງເຕັກໂນໂລຊີກ້ອງດິຈິຕອນທີ່ໃຊ້ພະລັງງານຕໍ່າອີກ”.

ເຕັກໂນໂລຊີໃຫມ່ຂອງໂທລະສັບມືຖືໄຮ້ແບັດເຕີຣີນີ້ ເບິ່ງແລ້ວຈະເປັນປະໂຫຍດກັບທຸກ​ຄົນ​ທີ່ສຸດ.

 

error: Content is protected !!