ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ

- 083002 2021 - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ
- Untitled design - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ

ບັນ​ຫາ​ທີ່​ແມ່​ຍິງ​ສ່ວນ​ຫລາຍ​ມັກ​ພົບ​ເປັນ​ປະ​ຈຳ​ທຸກໆ​ເດືອນ​ແມ່ນ​ອາ​ການ​ເຈັບ​ທ້ອງ​ນ້ອຍ​ປວ​ດ​ປະ​ຈຳ​ເດືອນ, ມີ​ແມ່​ຍິງ​ຈຳ​ນວນ​ໜຶ່ງ​ຕ້ອງ​ລາ​ພັກ​ວຽກ ຫລື ລາ​ພັກ​ຮຽນ ເນື່ອງ​ຈາກ​ເຈັບ​ທ້ອງ​ປວດ​ປະ​ຈຳ​ເດືອນ ໂດຍ​ສະ​ເລ່ຍ​ແມ່​ຍິງ​ໃນ​ໄວ​ຈະ​ເລີ​ນ​ພັນ​ມັກ​ລາ​ປ່ວຍ 1 – 4 ມື້ ຕໍ່​ເດືອນ ເນື່ອງ​ຈາກ​ມີ​ອາ​ການ​ເຈັບ​ທ້​ອງ​ປວດ​ປະ​ຈຳ​ເດືອນ​ຫລາຍ​ຈົນ​ບໍ່​ສາ​ມາດ​ໄປ​ຮຽນ ຫລື ໄປ​ເຮັດ​ວຽກ​ໄດ້.

ອ​າ​ການ​ປວດ​ປະ​ຈຳ​ເດືອນ ແມ່ນ​ອາ​ການ​ປວດ​ປັ້ນ​ ຫລື ບີບ​ເປັນ​ໄລ​ຍະໆ​ບໍ​ລິ​ເວນ​ທ້ອງ​ນ້ອຍ, ອາດ​ລາມ​ໄປ​ເຖິງ​ບໍ​ລິ​ເວນ​ຫລັງ, ບໍ​ລິ​ເວນກົ້ນ ຫລື ບໍ​ລິ​ເວນ​ກົກ​ຂາ, ອາດ​ມີ​ອາ​ການ​ປຸ້ນ​ທ້​ອງ​ປວດ​ຮາກ, ຖອກ​ທ້ອງ, ໜ້າ​ມືດ​ເປັນ​ວິນ​ຮ່ວມ​ນຳ​ກໍ​ມີ. ການ​ປວດ​ປະ​ຈຳ​ເດືອນ​ມີ​ຢູ່ 2 ກຸ່ມ​ໃຫຍ່ໆ ຄື :

- 073002 2021 - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ

- Wave100S AD to Website 2020 0 - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ
  • ປວດ​ແບບບໍ່​ເປັນ​ພະ​ຍາດ : ຈະ​ປວດ​ 1 – 2 ມື້​ທຳ​ອິດ​ຂອງ​ການ​ເປັນ​ປະ​ຈຳ​ເດືອນເທົ່າ​ນັ້ນ ສ​າ​ມາດ​ອົດ​ທົນ​ກັບ​ຄວາມ​ເຈັບ​ປວດ​ໄດ້, ບໍ່​ຕ້ອງ​ເຖິງ​ຂັ້ນ​ກິນ​ຢາ, ບໍ່​ລົບ​ກວນ​ຊີ​ວິດ​ປະ​ຈຳ​ວັນ ຫລື ວຽກ​ງານ-ການ​ຮຽນ ຍັງ​ຄົງ​ໄປ​ໃສ​ມາ​ໃສ​ໄດ້, ລັກ​ສະ​ນະ​ແບບນີ້​ມີ​ສາ​ເຫດ​ເກີດ​ຈາກ​ການ​ຫົດ​ຮັດ​ໂຕ​ຂອງ​ກ້າມ​ຊີ້ນ​ມົດ​ລູກ ເພື່ອບໍ່​ໃຫ້​ປະ​ຈຳ​ເດືອນ​ມາ​ຫລາຍ​ຈົນ​ເຮັດ​ໃຫ້​ເກີດ​ອາ​ການ​ຕົກ​ເລືອດ.
  • ປວດ​ແບບ​ເປັນ​ພ​ະ​ຍາດ : ຈະ​ເຈັບ​ທ້ອງ​ນ້ອຍ​ປວດ​ປະ​ຈຳ​ເດືອນ​ຫລາຍ​ຈົນ​ຕ້ອງ​ກິ​ນ​ຢາ​ແກ້​ປວດ ບາງ​ຄົ​ນ​ເຈັບ​ທ້ອງ​ແຮງ​ຫລາຍມື້​ກ່ອນ​ຈະ​ເປັນ​ປະ​ຈຳ​ເດືອນ, ເຈັບ​ປວດ​ຫລາຍ​ຂຶ້ນ​ເມື່ອ​ມີ​ປະ​ຈຳ​ເດືອນ​ມາ ແລະ ອາດ​ເຈັບ​ປວດ​ຫລາຍ​ຕໍ່​ເນື່ອງ​ໄປ​ຫລັງ​ຈາກ​ປະ​ຈຳ​ເດືອນ​ຢຸດ. ສັງ​ເກດ​ໄດ້​ຈາກ​ການ​ເພີ່ມ​ປະ​ລິ​ມານ​ໃນ​ການ​ກິນ​ຢາ​ລະ​ງັບ ເຊັ່ນ : ປາ​ຣາ​ເຊ​ຕາ​ໂມນ 2 ເມັດ ຍັງ​ບໍ່​ຫລຸດ​ຄວາມ​ເຈັບ​ປວດ​ໄດ້, ບາງ​ຄົນ​ເຖິງ​ຂັ້ນ​ເພີ່ມ​ເປັນ 4 ເມັດ ຫລື ປ່ຽນ​ມາ​ກິນ​ຢາ​ທີ່​ແຮງ​ຂຶ້ນ ແລະ ອາ​ການ​ເຈັບ​ປວດ​ກໍ​ຈະ​ເພີ່ມ​ໄລ​ຍະ​ເວ​ລາ​ຂຶ້ນ ຈາກ​ທີ່​ເຄີຍ​ປວດ 2 – 3 ມື້ ກໍ​ຫຍັບ​ຂຶ້ນ​ມາ​ເປັນ​ໝົດ​ໄລ​ຍະ​ທີ່​ເປັນ​ປະ​ຈຳ​ເດືອນ ອາ​ການ​ແບບນີ້​ສາ​ມາດ​ສັນ​ນິ​ຖານ​ໄດ້​ຫລາຍ​ພະ​ຍາດ ໄດ້​ແກ່ : 1, ເນື້ອ​ເຍື່ອ​ຜົ້ງ​ມົດ​ລູກ​ຈະ​ເລີນ​ເຕີບ​ໃຫຍ່​ຜິດ​ບ່ອນ, 2. ກ້ອນ​ເບົ້າ ເຊິ່ງ​ເປັນ​ສາ​ເຫດ​ທີ່​ພົບ​ໄດ້​ຫລາຍ. 3, ຊີ້ນ​ປົ່ງ​ໃນ​ມົດ​ລູກ. 4, ເນື້ອ​ເຍື່ອ​ຜົ້ງ​ມົດ​ລູກ​ຈະ​ເລີນ​ເຕີບ​ໃຫຍ່​ຜິດ​ບ່ອນ​ໃນ​ໂຕ​ມົດ​ລູກ. 5, ຄວາມ​ຜິດ​ປົກ​ກະ​ຕິ​ແຕ່​ກຳ​ເນີດ​ຂອງ​ຊ່ອ​ງ​ຄອດ ຫລື ປາກ​ມົດ​ລູກ. 6, ອາ​ການ​ຕິດ​ເຊື້ອ​ອັກ​ເສບ​ໃນ​ມົດ​ລູກ ເປັນ​ຕົ້ນ.
  • ສຳ​ລັບ​ການ​ຈັດ​ການ​ອາ​ການ​ເຈັບ​ທ້ອງ​ນ້ອຍ​ປວດ​ປະ​ຈຳ​ເດືອນບໍ່​ຫລາ​ຍ​ປານ​ໃດ ອາດ​ເລີ່ມ​ໂດຍ​ການ​ກິນ​ຢາ​ລະ​ງັບ​ຄວາມ​ປວ​ດ​ທົ່ວ​ໄປ. ນອກ​ຈາກນີ້, ຄວນອອກ​ກຳ​ລັງ​ກາຍ​ສະ​ໝ່ຳ​ສະ​ເໝີ​ຈະ​ຊ່ວຍ​ຫລຸດ​ອາ​ການ​ປວດ​ໄດ້, ແຕ່​ຫາກ​ສົງ​ໄສວ່າ​ຕົນ​ເອງ​ມີ​ອາ​ການ​ປວດ​ແບບ​ເປັນ​ພະ​ຍາດ ຄວນ​ໄປ​ໂຮງ​ໝໍ​ເພື່ອກວດ​ຫາ​ສາ​ເຫດ ແລະ ຮັບ​ການ​ປິ່ນ​ປົວ​ຕໍ່​ໄປ. ສິ່ງ​ສຳ​ຄັນ ຢ່າ​ຢ້ານ, ຢ່າ​ອາຍ ຫລື ຖື​ເບົາ​ຕໍ່​ການ​ເຂົ້າ​ຮັບ​ການກວດ​ພາຍ​ໃນ ເພາະ​ພະ​ຍາດ​ທີ່​ເຊື່ອງ​ມາ​ກັບ​ອາ​ການ​ປວດ​ປະ​ຈຳ​ເດືອນນັ້ນ​ສາ​ມາດ​ຈັດ​ການ​ໄດ້.
- WhatsApp Image 2020 05 27 at 5 - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ
- WhatsApp Image 2020 05 27 at 5 - ປວດ​ປະ​ຈຳ​ເດືອນ​ຮຸນ​ແຮງ ສ່ຽງ​ສາ​ລະ​ພັດ​ພະ​ຍາດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!