ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19

- COVER WEB 15 1 - ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19
- AGL banner - ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19

ວັນທີ 5 ພຶດສະພາ 2021, ທາງການອິນເດຍລາຍງານການກວດພົບໂຕສິງອາຊີຢູ່ສວນສັດແຫ່ງໜຶ່ງໃນເມືອງໄຮເດິຣາບັດທາງຕອນໃຕ້ຂອງປະເທດ ມີຜົນກວດພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19) ເປັນບວກ ຈຳນວນ 8 ໂຕ.

ລາຍງານລະບຸວ່າ: ໂຕສິງທີ່ຕິດເຊື້ອມີການຟື້ນໂຕໄດ້ດີ ແລະ ຜົນວິເຄາະຕົວຢ່າງພົບວ່າ ບໍ່ແມ່ນເຊື້ອໄວຣັສຊະນິດກາຍພັນ ໂດຍໂຕສິງທີ່ຕິດເຊື້ອທັງໝົດຖືກກັກຕົວແຍກກັນ ໄດ້ຮັບການເບິ່ງແຍງຢ່າງເໝາະສົມ ລວມທັງໄດ້ຮັບການປິ່ນປົວທີ່ຈຳເປັນແລ້ວ.

ກະຊວງສິ່ງແວດລ້ອມ, ປ່າໄມ້ ແລະ ການປ່ຽນແປງສະພາບອາກາດຂອງອິນເດຍ ລະບຸວ່າ: ໂຕສິງທັງ 8 ໂຕຕອບສະໜອງຕໍ່ການປິ່ນປົວ ແລະ ການຟື້ນຕົວ ພວກມັນມີພຶດຕິກຳປົກກະຕິ ແລະ ກິນອາຫານໄດ້ດີ, ສ່ວນເຈົ້າໜ້າທີ່ສວນສັດທຸກຄົນປະຕິບັດຕາມມາດຕະການປ້ອງກັນຢ່າງເຂັ້ມງວດ ແລະ ສວນສັດໄດ້ປິດໃຫ້ບໍລິການເພື່ອຫລີກລ່ຽງການສຳຜັດກັບພາຍນອກໃຫ້ໜ້ອຍທີ່ສຸດ.

ກະຊວງດັ່ງກ່າວຍັງລະບຸອີກວ່າ: ບໍ່ມີຫລັກຖານວ່າສັດສາມາດແຜ່ກະຈາຍພະຍາດສູ່ມະນຸດໄດ້.

- Wave100S AD to Website 2020 0 - ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19

ທັງນີ້, ໃນວັນທີ 5 ພຶດສະພາ 2021 ກະຊວງສາທາລະນະສຸກກາງຂອງອິນເດຍລາຍງານການກວດພົບຜູ້ຕິດເຊື້ອໂຄວິດ-19 ເພີ່ມ 382.315 ຄົນ ແລະ ຜູ້ເສຍຊີວິດເພີ່ມ 3.780 ຄົນ ໃນໄລຍະ 24 ຊົ່ວໂມງ.

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19
- WhatsApp Image 2020 05 27 at 5 - ສວນສັດອິນເດຍພົບ “ສິງອາຊີ” 8 ໂຕ ຕິດໂຄວິດ-19
error: Alert: ເນື້ອຫາຂ່າວມີລິຂະສິດ !!