ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ

- biden announces us restaurant businesses remedy - ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ
- AGL banner - ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ

ວັນທີ 5 ພຶດສະພາ 2021, ປະທານາທິບໍດີ ໂຈ ໄບເດັນ ຂອງອາເມລິກາ ປະກາດໂຄງການ “ກອງທຶນຟື້ນຟູຮ້ານອາຫານ” ທີ່ລັດຖະບານທຸ້ມງົບປະມານສະໜັບສະໜູນເຖິງ 2,86 ໝື່ນລ້ານໂດລາສະຫະລັດ ເພື່ອຊ່ວຍເຫລືອທາງກົງຕໍ່ຜູ້ເຮັດທຸລະກິດຮ້ານອາຫານ, ເທັກ ແລະ ເຄື່ອງດື່ມ ທີ່ໄດ້ຮັບຜົນກະທົບຢ່າງໜັກຈາກວິກິດໂຄວິດ-19.

ໂຄງການຊ່ວຍເຫລືອດັ່ງກ່າວເປີດຕົວຄັ້ງທຳອິດໃນວັນທີ 3 ພຶດສະພາຜ່ານມາ ເຊິ່ງທຳນຽບຂາວເປີດເຜີຍຂໍ້ມູນວ່າ: ມີຜູ້ເຮັດທຸລະກິດຮ້ານອາຫານ, ເທັກ ແລະ ທຸລະກິດອື່ນໆ ທີ່ກ່ຽວຂ້ອງຫລາຍກວ່າ 186.200 ແຫ່ງ ຈາກ 50 ລັດທົ່ວປະເທດ ທີ່ສົນໃຈສະໝັກຮ່ວມໂຄງການ. ຂະນະທີ່ ໄບເດັນ ຢືນຢັນວ່າໂຄງການຊ່ວຍເຫລືອຮ້ານອາຫານນີ້ມີຄວາມຈຳເປັນຫລາຍສຳລັບການຟື້ນຟູເສດຖະກິດ.

ການແຜ່ລະບາດຢ່າງຮຸນແຮງຂອງພະຍາດໂຄວິດ-19 ໃນອາເມລິກາ ສົ່ງຜົນໃຫ້ແຮງງານໃນອຸດສາຫະກຳອາຫານທົ່ວປະເທດເກືອບເຄິ່ງໜຶ່ງຕ້ອງສູນເສຍວຽກພາຍໃນໄລຍະເວລາພຽງ 2-3 ເດືອນທຳອິດທີ່ເກີດການລະບາດ. ຂະນະທີ່ລັດຖະບານວໍຊິງຕັນພະຍາຍາມຟື້ນຟູເສດຖະກິດຂອງປະເທດຢ່າງຕໍ່ເນື່ອງ, ແຕ່ອຸດສາຫະກຳອາຫານໃນປະເທດຍັງຊຸດໂຊມ ແລະ ມີອັດຕາຈ້າງງານຫລຸດລົງເຖິງ 1,8 ລ້ານຕຳແໜ່ງ ນັບແຕ່ເດືອນກຸມພາປີຜ່ານມາ.

ຜູ້ນຳອາເມລິກາ ຍັງຂັດແຂ່ງສຽງວິພາກວິຈານທີ່ເບິ່ງວ່າແຜນກະຕຸ້ນເສດຖະກິດ American Rescue Plan ນັ້ນບໍ່ມີຄວາມຈຳເປັນ ໂດຍຊີ້ວ່າ: ຮ້ານອາຫານຈຳນວນຫລາຍທີ່ສະໝັກເຂົ້າຮ່ວມໂຄງການນັ້ນ ສະທ້ອນໃຫ້ເຫັນວ່າແຜນກະຕຸ້ນເສດຖະກິດນັ້ນຈຳເປັນຢ່າງຍິ່ງ.

ທັງນີ້ ໃນໄລຍະ 21 ວັນທຳອິດຂອງໂຄງການຈະໃຫ້ຄວາມສຳຄັນໃສ່ການຊ່ວຍເຫລືອທຸລະກິດຮ້ານອາຫານ ແລະ ເທັກຂະໜາດນ້ອຍ ໂດຍໃຫ້ຄວາມສຳຄັນຕໍ່ຮ້ານທີ່ເຈົ້າຂອງເປັນຜູ້ຍິງ, ທະຫານ ແລະ ຜູ້ດ້ອຍໂອກາດທາງສັງຄົມ ຫລື ເສດຖະກິດເປັນລຳດັບທຳອິດ.

- Wave100S AD to Website 2020 0 - ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ

ເຊິ່ງລັດຖະບານວໍຊິງຕັນຈັດສັນງົບປະມານສຳລັບການຊ່ວຍເຫລືອຮ້ານອາຫານ ແລະ ເທັກຂະໜາດນ້ອຍ ຈຳນວນ 9,5 ພັນລ້ານໂດລາ ແບ່ງເປັນ 4 ພັນລ້ານໂດລາ ສຳລັບທຸລະກິດຮ້ານອາຫານ ແລະ ເທັກທີ່ມີລາຍໄດ້ລະຫວ່າງ 5 ແສນ ເຖິງ 1,5 ລ້ານໂດລາ ໃນປີ 2019 ແລະ 5 ພັນລ້ານໂດລາ ສຳລັບທຸລະກິດທີ່ລາຍຮັບບໍ່ເກີນ 5 ແສນໂດລາ ໃນປີ 2019 ແລະ ອີກ 500 ລ້ານໂດລາ ສຳລັບທຸລະກິດທີ່ມີລາຍໄດ້ບໍ່ເກີນ 50.000 ໂດລາ ໃນປີ 2019.

ອ້າງອີງ:

https://www.independent.co.uk/news/world/americas/us-politics/biden-restaurant-relief-coronavirus-closures-b1842774.html

- WhatsApp Image 2020 05 27 at 5 - ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ
- WhatsApp Image 2020 05 27 at 5 - ໄບເດັນ ປະກາດແຜນຊ່ວຍເຫລືອທຸລະກິດຮ້ານອາຫານໃນອາເມລິກາ ທຸ້ມງົບ 2,86 ໝື່ນລ້ານໂດລາ ຊ່ວຍເຫລືອທາງກົງ
error: Alert: ເນື້ອຫາຂ່າວມີລິຂະສິດ !!