ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ

- US AstraZeneca CNNPH - ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ
- AGL banner - ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ

ໃນສະຖານະການໂຄວິດ-19 ລະບາດ ແລະ ຂົ່ມຂູ່ໄປຫຼາຍກວ່າ 200 ປະເທດ ແລະ ເຂດແຄວ້ນໃນໂລກ, ຈຶ່ງເຮັດໃຫ້ໂລກຮ່ວມແຮງຮ່ວມໃຈກັນ ເພື່ອປະຕິບັດໂຄງການ ໂຄແວັກລວມ ເພື່ອຮັບປະກັນໃຫ້ບັນດາປະເທດ ຈະເປັນປະເທດຮັ່ງມີ ຫຼື ທຸກຍາກ ກໍລ້ວນແຕ່ເຂົ້າເຖິງວັກຊີນ ຢ່າງທົ່ວເຖິງ ແລະ ເທົ່າທຽມກັນ, ແຕ່ໃນທຸກມື້ນີ້ ການແບ່ງປັນວັກຊີນໃນໂລກ ຍັງບໍ່ມີຄວາມຍຸຕິທຳເທົ່າທີ່ຄວນ.

ສຳນັກຂ່າວ ບີບີຊີ ໃຫ້ຮູ້ວ່າ: ມາເຖິງປັດຈຸບັນມີວັກຊີນຫຼາຍກວ່າ 49 ລ້ານໂດສເທົ່ານັ້ນ ໄດ້ຮັບການຕອບສະໜອງໂຄຍຜ່ານໂຄງການໂຄແວັກ, ແຕ່ຜູ້ອຳນວຍການໃຫ່ຍ ອົງການອະນາໄມໂລກ(WHO) ທ່ານ Tedros Adhanom Ghebreyesus ຊີ້ໃຫ້ເຫັນວ່າ ໂຄງການໂຄແວັກ ຍັງມີຄວາມຕ້ອງການຕື່ມອີກ 35-45 ຕື້ໂດລາ ຈຶ່ງຈະຮັບປະກັນໃຫ້ຜູ້ໃຫ່ຍໄດ້ສັກວັກຊີນຢ່າງທົ່ວເຖິງ.

ໂຄງການໂຄແວັກ ກຳເນີດເກີດຂຶ້ນເມື່ອປີ 2020 ທີ່ຜ່ານມາ ໂດຍພາຍໃຕ້ການຂັບເຄື່ອນຂອງອົງການອະນາໄມໂລກ ພ້ອມດ້ວຍ ສຳມະພັນວັກຊີນໂລກ(GAVI), ສະຫະພັນປ່ຽນແປງໃໝ່ ເພື່ອຕໍ່ສູ້ກັບໂຄວິດ(Cepi) ແລະ ກອງທຶນເຍົາວະຊົນຂອງສະຫະປະຊາຊາດ(Unicef) ຊຶ່ງເປັນຕົວແທນຈັດຕັ້ງປະຕິບັດຕົ້ນຕໍ.

ຍ້ອນຫຍັງຈຶ່ງແບ່ງປັນວັກຊີນ? ເພາະໂຄວິດໄດ້ປ່ຽນແປງແບບແຜນການດຳລົງຊີວິດຂອງຜູ້ຄົນ ແລະ ເອົາຊີວິດຂອງຄົນໃນໂລກໄປຫຼາຍກວ່າ 3 ລ້ານຄົນແລ້ວ. ຜູ້ຊ່ຽວຊານທາງດ້ານສາທາລະນະສຸກ ໃນນັ້ນລວມທັງຜູ້ຊ່ຽວຊານໃນວົງການຂອງອົງການອະນາໄມໂລກລວມຢູ່ດ້ວຍ ລ້ວນແຕ່ຢືນຢັນວ່າ ການຕ້ານໂຄວິດ-19 ມັນແມ່ນຂອງທົ່ວທັງໂລກ ແລະ ປະເທດທີ່ຮັ່ງມີກວ່າ ຄວນມີການເຄື່ອນໄຫວທີ່ແຂງແຮງ ເພື່ອຊ່ວຍເຫຼືອປະເທດອື່ນໃນການຄວບຄຸມການລະບາດຂອງພະຍາດນີ້.

ໂຄງການໂຄແວັກ ເກີດຂຶ້ນໄດ້ ກໍຍ້ອນຄວາມພະຍາຍາມຂອງທົ່ວທັງໂລກ ແລະ ເພື່ອຮັບປະກັນໃຫ້ມີການແຈກຢາຍວັກຊີນມີຄວາມສະເໝີພາບຕາມກົນໄກທີ່ວ່າ  ປະເທດທີ່ຮັ່ງມີກວ່າ ຕ້ອງອອກເງິນຫຼາຍກວ່າ ເພື່ອປະເທດທີ່ຍັງທຸກຍາກ.

ເຖິງຂະນະນີ້ ມີວັກຊີນຫຼາຍກວ່າສິບສິບລ້ານໂດສ ຖືກແຈກຢາຍໄປທົ່ວທັງ 6 ທະວີບໃນໂລກແລ້ວ ແລະ ຜູ້ຊ່ຽວຊານຄາດວ່າ ຈະມີວັກຊີນປະມານ 2 ຕື້ໂດສ ອີກຈະຖືກແຈກຢາຍຢູ່ໃນທ້າຍປີນີ້.

- Wave100S AD to Website 2020 0 - ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ

ຜູ້ອຳນວຍການໃຫ່ຍ ອົງການອະນາໄມໂລກ ຕຳນິຕິຕຽນບັນດາປະເທດຮັ່ງມີ ຂັດຂວາງການແຈກຢາຍວັກຊີນ ແລະ ຈອງຊື້ ວັກຊີນຫຼາຍກວ່າຄວາມຈຳເປັນ, ທ່ານກ່າວວ່າ ມີພຽງ 0,3% ຂອງວັກຊີນທັງໝົດ ທີ່ໄປເຖິງປະເທດທີ່ມີລາຍຮັບຕໍ່າ.

ປັດຈຸບັນ ໂຄແວັກ, ມີຄວາມຕ້ອງການ 20 ລ້ານໂດສຕື່ມອີກໃນທ້າຍເດືອນມີຖຸນາຈະມາເຖິງ ເພື່ອທົດແທນໃຫ້ແກ່ການລະບາດທີ່ຮ້າຍແຮງຢູ່ໃນອິນເດຍ. ຫວ່າງມໍ່ໆ ມານີ້ ສະວິດເຊີແລນ ປະກາດຈະປະກອບສ່ວນ 1 ລ້ານໂດສ ແອສຕຣາເຊເນກາ ໃຫ້ແກ່ໂຄງການໂຄແວັກ ໃນຕົ້ນເດືອນນີ້.

ໂຄງການໂຄແວັກນຳໃຊ້ວັກຊີນໃດແດ່? ອົງການອະນາໄມໂລກອະນຸຍາດໃຫ້ນຳໃຊ້ໄດ້ພຽງ 5 ຊະນິດເທົ່ານັ້ນ ຊຶ່ງຫຼ້າສຸດແມ່ນ ໂມເດິນນາ ຂອງສະຫະລັດ ແຕ່ໃນຂະນະນີ້ ອົງການອະນາໄມໂລກຫາກໍອະນຸຍາດໃຫ້ນຳໃຊ້ໄດ້ພຽງແຕ່ Pfizer ແລະ Oxford Astra-Zeneca ເທົ່ານັ້ນ.

- WhatsApp Image 2020 05 27 at 5 - ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ
- WhatsApp Image 2020 05 27 at 5 - ວັກຊີນຕ້ານໂຄວິດ-19 ຖືກແບ່ງປັນແນວໃດຢູ່ໃນໂລກ
error: Alert: ເນື້ອຫາຂ່າວມີລິຂະສິດ !!