ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ

- 21 05 07 06 43 54 693 deco - ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ
- AGL banner - ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ

ໂດຍ: ລູກເມືອງພວນ
ການແພ່ລະບາດຂອງພະຍາດໂຄວິດ-19 ຢູ່ລາວ ໃນຂະນະນີ້ຖືວ່າຮຸນແຮງທີ່ສຸດ ພຽງເດືອນເມສາຜູ້ຕິດເຊື້ອໄດ້ເພີ່ມທະວີ ສູງຂຶ້ນເກືອບ 1.000 ກໍລະນີ, ຖືວ່າເປັນວິ ກິດການໜັກໜ່ວງຂອງປະະທດເຮົາ.
ຕໍ່ໜ້າສະພາບດັ່ງກ່າວຂອງປະເທດເພື່ອນມິດສະຫາຍ-ອ້າຍນ້ອງເຮົາຄື: ສປ ຈີນ ແລະ ສສ ຫວຽດນາມ, ຕ່າງກໍໄດ້ຖະຍອຍກັນມາໃຫ້ການຊ່ວຍເຫຼືອເປັນຈຳນວຍບໍ່ຫນ້ອຍ ນັບທັງອຸປະກອນການແພດ, ເຄື່ອງໄມ້ເຄື່ອງມືທາງການແພດຫຼາຍລາຍການ ລວມມູນຄ່າຫຼາຍຕື້ກີບ ພ້ອມກັບຄະນະຜູ້ຊ່ຽວຊານ ໃຫ້ຄຳປຶກສາຫາລື ເພື່ອຊ່ວຍເຫຼືອລາວຕ້ານໂຄວິດ-19 ໄດ້ຢ່າງທັນການທີ່ສຸດ. ນີ້ ມັນສະແດງໃຫ້ເຫັນຄວາມສາມັກຄີ ມິດຕະພາບທີ່ຍິ່ງໃຫ່ຍລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຈີນ-ລາວ ແລະ ລາວ-ຫວຽດນາມ-ນາມລາວ ຊຶ່ງຄວາມສາມັກຄີພິເສດ ແລະ ມິດຕະພາບທີ່ຍິ່ງໃຫ່ຍນັ້ນ ມັນໄດ້ຮັບການເພີ່ມພູນຄູນສ້າງມາແຕ່ດຶກດຳບັນ ແລະ ໄດ້ຮັບການຖະນຸບຳລຸງໃຫ້ສູງຂຶ້ນເປັນກ້າວໆ ຕະຫຼອດມາ.
ໃນປະຫວັດສາດຂອງສອງຊາດລາວ-ຈີນ ແລະ ລາວ-ຫວຽດນາມ ເຄີຍໃຫ້ການອູ້ມຊູຊ່ວຍເຫຼືອ ຊຶ່ງກັນ ແລະ ກັນ ຍາມຕົກທຸກໄດ້ຍາກຕະຫຼອດມາ ບໍ່ວ່າແຕ່ຍາມເສິກສົງຄາມ ກໍຄືເກີດໄພພິບັດທາງທຳມະຊາດ ຫຼື ຄວາມຫຍຸ້ງຍາກທາງດ້ານເສດຖະກິດ-ສັງຄົມ ກໍລ້ວນແຕ່ຢູ່ຄຽງຂ້າງກັນຕະຫຼອດມາ. ການຊ່ວຍເຫຼືອ ແລະ ຄວາມຮັກແພງນັ້ນ ມັນທັງເປັນເລື່ອງພາຍໃນຂອງສອງປະເທດ ທັງເປັນພັນທະສາກົນ ທີ່ມີຕໍ່ກັນອີກດ້ວຍ.
ອຸປະກອນການແພດ ພ້ອມກັບທິມງານນັກຊ່ຽວຊານ ທີ່ເພືອນມາຊ່ວຍເຫຼືອລາວໃນຄັ້ງນີ້, ນັບວ່າເປັນເຫດການທີ່ຍິ່ງໃຫ່ຍອີກເຫດການໜຶ່ງ ໃນການພົວພັນຮ່ວມມືຮອບດ້ານລະຫວ່າງສອງຊາດລາວ-ຈີນ ແລະ ລາວ-ຫວຽດນາມ. ລັດຖະບານລາວຕີລາຄາສູງຕໍ່ການຊ່ວຍເຫຼືອບັນດາປະເທດ້າຍນ້ອງໃນຄັ້ງນີ້ ແລະ ໄດ້ໃຫ້ຄຳໝັ້ນສັນຍາວ່າ: ຈະນໍາໃຊ້ເຄື່ອງຊ່ວຍເຫຼືອນີ້ເຂົ້າໃນການຕໍ່ສູ້ກັບພະຍາດໂຄວິດ-19 ໃຫ້ມີປະສິດທິຜົນສູງສຸດ ພ້ອມທັງສະແດງຄວາມຮູ້ບຸນຄຸນທີ່ເລິກເຊີ່ງມາຍັງພັກ-ລັດຖະບານ ແລະ ປະຊາຊົນອ້າຍ-ນ້ອງ ຈີນ ແລະ ຫວຽດນາມ ນະໂອກາດນີ້ດ້ວຍ.
ພວກເຮົາ ປະຊາຊົນລາວ ຕ່າງກໍມີຄວາມຮູ້ສຶກປິຕິຊົມຊື່ນປິຕິຍິນດີເປັນຢ່າງຍິ່ງຕໍ່ການຊ່ວຍເຫຼືອດັ່ງກ່າວ. ພວກເຮົາຂໍອວຍພອນໃຫ້ສາຍພົວພັນມິດຕະພາບ, ຄວາມສາມັກຄີພິເສດ ຈົ່ງໝັ້ນຄົງຂະນົງແກ່ນ ຕະຫຼອດກາລະນານ.

- Wave100S AD to Website 2020 0 - ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ
- WhatsApp Image 2020 05 27 at 5 - ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ
- WhatsApp Image 2020 05 27 at 5 - ຄວາມສາມັກຄີ ມິດຕະພາບທີ່ຍິ່ງໃຫຍ່ ຫຼັ່ງໄຫຼເຂົ້າສູ່ປະເທດລາວ
error: Alert: ເນື້ອຫາຂ່າວມີລິຂະສິດ !!