ເດັກນ້ອຍຫລິ້ນເກມມື້ລະໜ້ອຍເສີມພັດທະນາການສຸຂະພາບຈິດ

- advert banner 728 90 728x90 - ເດັກນ້ອຍຫລິ້ນເກມມື້ລະໜ້ອຍເສີມພັດທະນາການສຸຂະພາບຈິດ

ຜົນການວິໄຈຫລ້າສຸດຈາກມະຫາວິທະຍາໄລອ໊ອກຟອດ ປະເທດອັງກິດ ເຊິ່ງຖືກຕີພິມລົງໃນວາລະສານແມ່ ແລະ ເດັກຂອງ ອັງກິດ ຫລັງການເກັບກຳຂໍ້ມູນປະຊາກອນໂຕຢ່າງ 5.000 ຄົນ ເຊິ່ງເປັນເດັກນ້ອຍທີ່ມີອາຍຸລະຫ່ວາງ 10 – 15 ປີ ທົ່ວປະເທດ ພົບວ່າ : ເດັກນ້ອຍທີ່ຫລິ້ນວີດີໂອເກມ ຫລື ເກມກົດມື້ລະບໍ່ເກີນ 1 ຊົ່ວໂມງຈະມີພັດທະນາການທາງດ້ານສັງຄົມ ແລະ ສຸຂະພາບຈິດທີ່ດີກ່ວາເດັກນ້ອຍທີ່ຫລິ້ນເກມກົດຫລາຍກ່ວາ 3 ຊົ່ວໂມງຕໍ່ມື້.

- new3 - ເດັກນ້ອຍຫລິ້ນເກມມື້ລະໜ້ອຍເສີມພັດທະນາການສຸຂະພາບຈິດ

ຈາກຂໍ້ມູນຂ້າງເທິງ 75% ຂອງເດັກນ້ອຍທົ່ວອັງກິດຫລິ້ນເກມເປັນປະຈຳທຸກມື້, ແຕ່ເມື່ອຖາມເດັກນ້ອຍເຫລົ່ານັ້ນວ່າໃນແຕ່ ລະມື້ຫລິ້ນເປັນເວລາດົນປານໃດ, ຫລິ້ນວີດີໂອເກມ ຫລືວ່າເກມຄອມພິວເຕີ ແລະ ຮູ້ສຶກແນວໃດ. ຜູ້ວິໄຈພົບວ່່າ : ເດັກນ້ອຍສ່ວນຫລາຍຫລິ້ນວີດີໂອເກມບໍ່ເກີນ 1 ຊົ່ວໂມງຕໍ່ມື້ ແລະ ມີຄວາມຮູ້ສຶກວ່າການໃຊ້ເວລາຫລິ້ນເກມພຽງເທົ່ານີ້ບໍ່ໄດ້ສົ່ງຜົນກະທົບຫຍັງຕໍ່ຊີວິດ ທັງສະແດງໃຫ້ເຫັນວ່າພວກເຂົາມີປະຕິສຳພັນທາງສັງຄົມກັບຜູ້ອື່ນໃນລະດັບດີຫລາຍ. ແນວໃດກໍຕາມ, ວຽກງານວິໄຈນີ້ພົບວ່າເດັກນ້ອຍທີ່ມີບັນຫາທາງອາລົມ ຫລື ສະມາທິສັ້ນຈາກການຫລິ້ນເກມມີຈຳນວນໜ້ອຍ ໂດຍທ້າຍທີ່ສຸດແລ້ວເດັກນ້ອຍທີ່ໃຊ້ເວລາຫລິ້ນເກມຫລາຍກ່ວາ 3 ຊົ່ວໂມງມີພັດທະນາການທາງອາລົມຕໍ່າ, ແຕ່ບໍ່ເຖິງຂັ້ນຮຸນແຮງ.

ດຣ. ແອນດຣູ ຊິບຽດສະກີ ນັກຈິດຕະວິທະຍາຜູ້ເຮັດການວິໄຈ ຊຸດນີ້ກ່າວວ່າ : ວຽກງານວິໄຈຊຸດນີ້ສຶກສາທັງດ້ານດີ ແລະ ດ້ານບໍ່ດີຂອງການຫລິ້ນເກມຄຽງຄູ່ກັນໄປ, ແຕ່ຜົນປະກົດຈະແຈ້ງວ່າເກມຊ່ວຍສ້າງເສີມພັດທະນາການຂອງເດັກໄດ້ດີ ແຕ່ຕ້ອງຫລິ້ນໃນໄລຍະເວລາບໍ່ເກີນ 1 ຊົ່ວໂມງ, ແຕ່ໂດຍປົກກະຕິແລ້ວ ວີດີໂອເກມສ່ວນຫລາຍຈະມີຄຳເຕືອນໃນການຈຳກັດໄລຍະເວລາໃນການຫລິ້ນຈະແຈ້ງຢູ່ແລ້ວ. ແນວໃດກໍຕາມ, ວຽກງານວິໄຈຊຸດນີ້ເນັ້ນການໃຊ້ສະຖິຕິເພື່ອການວິເຄາະຂໍ້ມູນເປັນຫລັກ, ແຕ່ປັດໄຈອື່ນໆ ເຊັ່ນ : ຄອບຄົວກໍມີບົດບາດບໍ່ໜ້ອຍຕໍ່ວິຖີການຫລິ້ນຂອງເດັກນ້ອຍເຫລົ່ານັ້ນນຳ.

- lattana 1 - ເດັກນ້ອຍຫລິ້ນເກມມື້ລະໜ້ອຍເສີມພັດທະນາການສຸຂະພາບຈິດ
error: Content is protected !!