ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້

- 800 - ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້
- AGL banner - ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້

ສຳນັກຂ່າວທ້ອງຖິ່ນເປີດເຜີຍວ່າ: ທ່ານ ນາງ ຈາຊິນດາ ອາເດິນ ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງກັບທ່ານ ຄລາກ ເກຍຟອດ ຄູ່ຊີວິດທີ່ຢູ່ນຳດັນມາດົນ ໃນຊ່ວງລະດູຮ້ອນຂອງຊີກໂລກໃຕ້ ເຊິ່ງຢູ່ໃນຊ່ວງເດືອນທັນວາ-ກຸມພາທີ່ຈະເຖິງນີ້. ເບື້ອງຕົ້ນຍັງບໍ່ມີການເປີດເຜີຍວັນ, ເວລາ ແລະ ສະຖານທີ່ແຕ່ຢ່າງໃດ.

ກ່ອນໜ້ານີ້, ນາງ ອາເດິນ ເຄີຍເຜີຍເຖິງຄວາມຮູ້ສຶກຊວນອົບຍິ້ມ ຂະນະທີ່ ເກຍຟອດ ຂໍນາງແຕ່ງດອງ ຂະນະຢູ່ເທິງພູເຂົາຂອງເມືອງມາເຮຍ ເມືອງແຄມຝັ່ງຂອງນິວຊີແລນ ເຊິ່ງຄວາມຮູ້ສຶກນັ້ນຄວນເປັນຊ່ວງເວລາທີ່ໂຣແມນຕິກ, ແຕ່ພັດມີເຈົ້າໜ້າທີ່ຕຳຫລວດ ແລະ ປະຊາຊົນທ້ອງຖິ່ນເຂົ້າມາຂັດຈັງຫວະ ອີກທັງມີໝາ 2 ໂຕພະຍາຍາມຈະກິນຊັອກໂກແລັດທີ່ ເກຍຟອດ ນຳມາອີກ.

ທັງສອງໝັ້ນໝາຍກັນໃນຊ່ວງວັນອິສເຕີເມື່ອ 2 ປີກ່ອນ ມີລູກສາວນຳກັນ 1 ຄົນ ໂດຍນາງ ອາເດິນ ຖືເປັນຜູ້ນຳປະເທດທີ່ມາຈາກການເລືອກຕັ້ງຄົນທີ 2 ໃນປະຫວັດສາດທີ່ເກີດລູກໃນຂະນະດຳລົງຕຳແໜ່ງ ຕໍ່ຈາກທ່ານ ນາງ ເບນາຊີ ບຸດໂຕ ນາຍົກລັດຖະມົນຕີປາກິດສະຖານ ທີ່ເກີດລູກສາວເມື່ອປີ 1990 ອີກທັງຍັງຖືເປັນນາຍົກລັດຖະມົນຕີທີ່ອາຍຸນ້ອຍທີ່ສຸດຄົນໜຶ່ງໃນປະຫວັດສາດນິວຊີແລນ ເມື່ອນາງດຳລົງຕຳແໜ່ງຜູ້ນຳປະເທດເປັນຄັ້ງທຳອິດເມື່ອປີ 2017.

ໂດຍນາງ ອາເດິນ ຜູ້ແທນຈາກພັກເລເບີຊະນະການເລືອກຕັ້ງທົ່ວໄປເມື່ອວັນທີ 17 ຕຸລາປີຜ່ານມາ ຢ່າງຫລວງຫລາຍ ໄດ້ຮັບບ່ອນນັ່ງໃນສະພາເຖິງ 54,17% ນຳຫ່າງພັກເນຊັນແນລ ພັກຄູ່ແຂ່ງທີ່ໄດ້ຮັບບ່ອນນັ່ງໃນສະພາພຽງ 27,50% ເທົ່ານັ້ນ.

ຈາກການບໍລິຫານແກ້ໄຂສະຖານະການການແຜ່ລະບາດຂອງໂຄວິດ-19 ໄດ້ຢ່າງມີປະສິດທິພາບ ຈົນໄດ້ຮັບສຽງຍ້ອງຍໍຈາກທົ່ວໂລກ ລວມທັງການສະແດງຈຸດຢືນຕໍ່ຕ້ານການກໍ່ການຮ້າຍ ແລະ ສະໜັບສະໜູນຄວາມຫລາກຫລາຍໃນສັງຄົມນິວຊີແລນ ແລະ ສັງຄົມໂລກ ເປັນເຫດຜົນສຳຄັນສ່ວນໜຶ່ງທີ່ເຮັດໃຫ້ນາງ ອາເດິນ ຍັງຮັກສາຖານຄະແນນສຽງ ແລະ ໄດ້ຮັບການສະໜັບສະໜູນໃຫ້ນັ່ງຕັ່ງຜູ້ນຳປະເທດຕໍ່ໄປອີກສະໄໝ.

- Wave100S AD to Website 2020 0 - ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້

ຫລ້າສຸດ ລັດຖະບານນິວຊີແລນສາມາດຄວບຄຸມສະຖານະການການແຜ່ລະບາດຂອງໂຄວິດ-19 ພາຍໃນປະເທດໄດ້ແລ້ວ. ປັດຈຸບັນ ມີຈຳນວນຜູ້ຕິດເຊື້ອສະສົມທັງໝົດ 2.634 ຄົນ, ເສຍຊີວິດແລ້ວ 26 ຄົນ, ປິ່ນປົວຫາຍແລ້ວ 98%, ມີຜູ້ຕິດເຊື້ອກຳລັງປິ່ນປົວພຽງ 26 ຄົນ ຖືເປັນອີກໜຶ່ງປະເທດທີ່ຜູ້ຕິດເຊື້ອເຂົ້າໃກ້ 0 ຄົນແລ້ວ.

ອ້າງອີງ:

- WhatsApp Image 2020 05 27 at 5 - ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້
- WhatsApp Image 2020 05 27 at 5 - ນາຍົກລັດຖະມົນຕີນິວຊີແລນ ກຽມເຂົ້າພິທີແຕ່ງດອງຊ່ວງລະດູຮ້ອນນີ້
error: Alert: ເນື້ອຫາຂ່າວມີລິຂະສິດ !!