5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ

- 013002 2021 - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ
- AGL banner - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ

ຕໍ່​ໄປ​ນີ້​ແມ່ນ 5 ວິ​ທີ​ກາ​ນ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ​ທີ່​ທ່ານ​ສາ​ມາດ​ເຮັດ​ຕາມ​ໄດ້​ງ່າຍໆ ເພື່ອ​ຊ່ວຍ​ໃຫ້​ທ່ານ​ເຮັດ​ວຽກ​ໄດ້​ດີ ແລະ ມີ​ປະ​ສິດ​ທິ​ພາບ​ຫລາຍ​ຍິ່ງ​ຂຶ້ນ.

- 033002 2021 1 300x180 - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ

 

- Wave100S AD to Website 2020 0 - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ
  1. ຢ່າ​ລືມ​ໝັ່ນ​ຫລັບ​ຕາ​ເພື່ອ​ພັກ​ຜ່ອນ​ສາຍ​ຕາເປັນ​ໄລ​ຍະໆ : ເວ​ລາ​ນັ່ງ​ຢູ່​ໜ້າ​ຈໍ​ຄອມ​ພິວ​ເຕີ​ດົນໆ ຢ່າ​ລືມ​ຫລັບ​ຕາ​ພັກ​ຜ່ອນ ເພາະ​ການ​ຫລັບ​ຕາ​ຈະ​ຊ່ວຍ​ໃຫ້​ດວງ​ຕາ​ມີ​ນ້ຳ​ຫລໍ່​ລ້ຽງ ບໍ່​ໃຫ້​ດວງ​ຕາ​ແຫ້ງ. ຫລາຍ​ບັນ​ຫາ​ກ່ຽວ​ກັບ​ດວງ​ຕາ​ກໍ​ເກີດ​ຈາກ​ການ​ນັ່ງ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ​ດົນໆ​ໂດຍບໍ່​ມີ​ການ​ຫລັບ​ຕາຢ່າງ​ພຽງ​ພໍ. ດັ່ງ​ນັ້ນ, ຢ່າ​ລືມ​ໝັ່ນ​ຫລັບ​ຕາ ຫລື ຫລຸດ​ຜ່ອນ​ການ​ຈ້ອງ​ໜ້າ​ຈໍ​ຄອມ​ພິວ​ເຕີ​ດົນ​ເກີນ​ໄປ.
  2. ຢ່າ​ລືມ​ໝັ່ນ​ດື່ມ​ນ້ຳ : ເປັນ​ທີ່​ເຂົ້າ​ໃຈ​ກັນ​ຢູ່​ແລ້ວ​ວ່າ​ນ້ຳ​ນັ້ນ​ມີ​ຄວາມ​ສຳ​ຄັນ​ກັບ​ຮ່າງ​ກາຍ​ຂອງ​ຄົນ​ເຮົາ ຍິ່ງ​ມີ​ການ​ເຮັດ​ວຽກ​ທີ່​ຕ້ອງ​ໃຊ້​ສະ​ໝອງ ແລະ ຮ່າງ​ກາຍ​ນຳ​ແລ້ວ ນ້ຳ​ຈຶ່ງ​ມີ​ຄວາມ​ສຳ​ຄັນ​ເປັນ​ຢ່າງ​ຫລ​າຍ ເພາະ​ມັນ​ຈະ​ເຮັດ​ໜ້າ​ທີ່​ໃນ​ການ​ຫລໍ່​ລ້ຽງ​ສ່ວນ​ຕ່າງໆ​ຂອງ​ຮ່າງ​ກາຍ ເຊັ່ນ : ສະ​ໝອງ. ດັ່ງ​ນັ້ນ ເພື່ອ​ຊ່ວຍ​ເພີ່ມ​ປະ​ສິດ​ທິ​ພາບ​ໃນ​ການ​ເຮັດ​ວຽກ​ໃຫ້​ດີ​ຍິ່ງ​ຂຶ້ນ​ຢ່າ​ລືມ​ດື່ມ​ນ້ຳ​ເປັນ​ໄລ​ຍະໆ​ໃນ​ຂະ​ນະ​ນັ່ງ​ເຮັດ​ວຽກ.
  3. ຢ່າ​ລືມ​ວ່າ​ທ່ານ​ນັ່ງ​ເຮັດ​ວຽກ​ໃນ​ທ່​າ​ທີ່​ຖືກ​ຕ້ອງ​ຫລື​ຍັງ : ຫລາຍ​ເທື່ອ​ຫລັງ​ຈາກ​ການ​ເຮັດ​ວຽກ​ແລ້ວ ຫລາຍ​ຄົນ​ຮູ້​ສຶກ​ປວດ​ແອວ-ເຈັບ​ຫລັງ ປວດ​ເມື່ອຍ​ຮ່າງ​ກາຍ ໂດ​ຍ​ສະ​ເພາະ​ຫລັງ ຫລື ກ້ານ​ຄໍ ເຫດ​ຜົນ​ສ່ວນ​ໜຶ່ງ​ຄົງ​ໜີບໍ່​ພົ້​ນ​ຈາກ​ການ​ນັ່ງ​ເຮັດ​ວຽກ​ໃນ​ທ່າ​ທີ່ບໍ່​ຖືກ​ຕ້ອງ ເຊັ່ນ : ການ​ນັ່ງ​ແອນ​ຫລັງ​ຫລາຍ​ເກີນ​ໄປ ເຊິ່ງ​ເປັນ​ການ​ນັ່ງ​ບໍ່​ຖືກ​ຕ້ອງ, ການ​ນັ່ງ​ໃນ​ລັກ​ສະ​ນະ​ນີ້ນອກ​ຈາກ​ຈະ​ເຮັດ​ໃຫ້​ປວດ​ເມື່ອຍ​ຕາມ​ຮ່າງ​ກາຍ​ແລ້ວ ຍັງ​ຫລຸດ​ປະ​ສິ​ດ​ທິ​ພາບ​ໃນ​ການ​ເຮັດ​ວຽກ​ຂອງ​ເຮົາ​ນຳ, ທ່າ​ນັ່ງ​ທີ່​ຖືກ​ຕ້ອງ​ແມ່ນ​ກາ​ນ​ນັ່ງ​ໂຕ​ຊື່ ຫາກ​ນັ່ງ​ຢູ່​ໜ້າ​ຈໍ​ຄອມ​ພິວ​ເຕີ​ເພື່ອ​ພິມ​ວຽກ​ຕ່າງໆ​ຄວນ​ໃຫ້​ແປ້ນ​ພິມ ແລະ ເມົ້າ​ຢູ່​ໃນ​ລະ​ດັບ​ທີ່​ພໍ​ດີ​ກັບ​ແຂນ ແລະ ມື​ທີ່​ຍື່ນ​ອອກ​ໄປ, ບໍ່​ສູງ, ບໍ່​ຕ່ຳ ຫລື ໄກ​ຈາກ​ໂຕ​ເຮົາ​ຫລາຍ​ປານ​ໃດ ພຽງ​ເທົ່າ​ນີ້​ກໍ​ບໍ່​ໃຫ້​ປວດ​ເມື່ອຍ​ໄດ້​ພໍ​ສົມ​ຄວນ.
  4. ຢ່າ​ລືມ​ເຮັດ​ຄວາມ​ສະ​ອາດ : ຄວາມ​ສະ​ອາດ​ກໍ​ມີ​ສ່ວນ​ສຳ​ຄັນ​ທີ່ບໍ່​ຄວນ​ຖື​ເບົາ ຫາກ​ທ່ານ​ເຫັນ​ຂີ້​ຝຸ່ນ​ຕາມ​ອຸ​ປະ​ກອນ​ຄອມ​ພິວ​ເຕີ​ໃນ​ຫ້ອງ ຄວນ​ເຮັດ​ຄວາມ​ສະ​ອາດ​ໃຫ້​ໝົດ​ກ້ຽງ​ເພື່ອ​ສຸ​ຂະ​ພາບ​ທີ່​ດີ​ໃນ​ການ​ເຮັດ​ວຽກ ເພາະ​ຂີ້​ຝຸ່ນ ຫລື ຝຸ່ນ​ລະ​ອອງ​ເຫລົ່າ​ນັ້ນ​ອາ​ດ​ນຳ​ມາ​ເຊິ່ງ​ເຊື້ອ​ພະ​ຍາດ​ ຫລື ແບັກ​ທີ​ເຣຍ​ຕ່າງໆ​ທີ່​ຈະ​ສົ່ງ​ຜົນ​ໃຫ້​ທ່ານ​ເຈັບ​ໄຂ້​ໄດ້​ປ່ວຍ​ໄດ້ ແລະ ສິ່ງ​ສຳ​ຄັນ​ມັນ​ຍັງ​ຫລຸດ​ບັນ​ຍາ​ກາດ​ການ​ເຮັດ​ວຽກ​ໃນ​ຫ້ອງ​ຂອງ​ທ່ານ​ລົງ​ນຳ.
  5. ຢ່າ​ລືມ​ລຸກ​ຂຶ້ນ​ຈາກ​ຕັ່ງ​ເປັນ​ໄລ​ຍະໆ : ບໍ່​ວ່າ​ທ່ານ​ຈະ​ມີ​ເຫດ​ຜົນ​ທີ່​ຕ້ອງ​ເຮັດ​ວຽກ​ໜັກ ແລະ ຕ້ອງ​ນັ່ງ​ດົນ​ປານ​ໃດ ກໍ​ບໍ່​ຄວນ​ທີ່​ຈະ​ລືມ​ລຸກ​ຂຶ້ນ​ຈາກ​ຕັ່ງ​ແດ່, ຍ່າງ​ຜ່ອນ​ຄາຍ​ຍືດ​ເສັ້ນ​ຍືດ​ເອັນ ຫລື ສາ​ມາດ​ນັ່ງ​ເທິງ​ຕັ່ງ​ໄປ​ພ້ອ​ມ​ກັບ​ຍືດ​ເສັ້ນ​ຍືດ​ເອັນ​ໄປ​ນຳ​ກໍ​ໄດ້ ເພື່ອ​ຊ່ວຍ​ໃຫ້​ເລືອດ​ໄຫລ​ວຽນ ສົ່ງ​ຜົນ​ໃຫ້​ທ່ານ​ມີ​ຄວາມ​ສາ​ມາດ ຫລື ປະ​ສິດ​ທິ​ພາບ​ໃນ​ການ​ເຮັດ​ວຽກ​ເພີ່ມ​ຫລາຍ​ຂຶ້ນ ມັນ​ຊ່ວຍ​ໄດ້​ແທ້ໆ ທັງ​ຍັງ​ຜ່ອນ​ຄາຍ ບໍ່​ໃຫ້​ເຄັ່ງ​ຄຽດ​ຫລາຍ​ເກີນ​ໄປ​ນຳ​ອີກ.

 

- WhatsApp Image 2020 05 27 at 5 - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ
- WhatsApp Image 2020 05 27 at 5 - 5 ວິ​ທີ​ການ​ເບິ່ງ​ແຍງ​ສຸ​ຂະ​ພາບ​ໃນ​ການ​ເຮັດ​ວຽກ​ຢູ່​ໜ້າ​ຈໍ​ຄອມ​ພິວ​ເຕີ
error: Alert: ເນື້ອຫາຂ່າວມີລິຂະສິດ !!