ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ

-           2 - ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ
- AGL banner - ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ

ສະຖາບັນດ້ານສາທາລະນະສຸກຂອງອາເມລິກາ ຕີລາຄາຈຳນວນຜູ້ເສຍຊີວິດທີ່ແທ້ຈິງຈາກໂຄວິດ-19 ທົ່ວໂລກສູງເກືອບ 6,9 ລ້ານຄົນ ສູງກວ່າຕົວເລກຢືນຢັນ 1 ເທົ່າ, ເນັ້ນຄວາມສຳຄັນຂອງການກວດພະຍາດທາງບຸກ ເພື່ອບໍ່ໃຫ້ມີຜູ້ເສຍຊີວິດຕົກຫລົ່ນ.

ວັນທີ 7 ພຶດສະພາ 2021, ເວັບໄຊ AI Jazeera ລາຍງານອ້າງການວິເຄາະຂອງສະຖາບັນຊີ້ວັດ ແລະ ຕີລາຄາດ້ານສຸຂະພາບ ມະຫາວິທະຍາໄລວໍຊິງຕັນ ອາເມລິກາ (IHME) ທີ່ຕີລາຄາວ່າ: ຈຳນວນຜູ້ເສຍຊີວິດຈາກພະຍາດໂຄວິດ-19 ທົ່ວໂລກທີ່ແທ້ຈິງ ອາດສູງເຖິງເກືອບ 6,9 ລ້ານຄົນ ສູງກວ່າຕົວເລກຢ່າງເປັນທາງການທີ່ມີການຮວບຮວມໃນປັດຈຸບັນ ເຊິ່ງມີຢ່າງໜ້ອຍ 3,25 ລ້ານຄົນ ເຖິງວ່າ 1 ເທົ່າ.

ສະຖາບັນ IHME ຢືນຢັນວ່າ: ຕົວເລກຈາກການຕີລາຄານີ້ ຄິດໄລ່ສະເພາະຜູ້ເສຍຊີວິດໂດຍກົງຈາກພະຍາດໂຄວິດ-19 ເທົ່ານັ້ນ ຍັງບໍ່ລວມຜູ້ເສຍຊີວິດທາງອ້ອມເຊັ່ນ: ເສຍຊີວິດຈາກຜົນກະທົບຂອງການລະບາດ ລວມທັງການເສຍຊີວິດຈາກລະບົບສາທາລະນະສຸກ.

ການຕີລາຄາຫລ້າສຸດຊີ້ວ່າ: ຈຳນວນຜູ້ເສຍຊີວິດອາດສູງກວ່າທີ່ເປັນຢູ່ ເນື່ອງຈາກມີຫລາຍປະເທດທີ່ນັບສະເພາະຜູ້ເສຍຊີວິດຈາກພະຍາດໂຄວິດ-19 ລະຫວ່າງປິ່ນປົວຢູ່ໂຮງໝໍ ຫລື ນັບສະເພາະຜູ້ເສຍຊີວິດທີ່ມີການກວດເຊື້ອຢືນຢັນວ່າຕິດເຊື້ອໂຄວິດ-19.

ສຳລັບຫລັກການວິເຄາະໃນຄັ້ງນີ້ ອາໄສຂໍ້ມູນການເສຍຊີວິດຈາກທຸກສາເຫດ ໃນຊ່ວງກ່ອນການລະບາດຂອງພະຍາດໂຄວິດ-19 ປຽບທຽບກັບຈຳນວນຜູ້ເສຍຊີວິດໃນຊ່ວງທີ່ມີການລະບາດແລ້ວ ໂດຍພົບວ່າສະເພາະອາເມລິກາປະເທດດຽວ ອາດຈະມີຜູ້ເສຍຊີວິດຈາກພະຍາດໂຄວິດ-19 ຫລາຍກວ່າ 905.000 ຄົນ ສູງກວ່າສະຖິຕິຢ່າງເປັນທາງການ ທີ່ມີຜູ້ເສຍຊີວິດຈົນເຖິງຕອນນີ້ 575.000 ກວ່າຄົນ.

- Wave100S AD to Website 2020 0 - ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ

ທ່ານ ຄຣິສໂຕເຟີ ເມີເຣ ຜູ້ອຳນວຍການສູນ IHME ກ່າວລະຫວ່າງການຖະແຫລງວ່າ: ຢືນຢັນເຖິງຄວາມສຳຄັນທີ່ປະເທດຕ່າງໆຕ້ອງເລັ່ງກວດເຊື້ອທາງບຸກໃຫ້ໄດ້ຫລາຍທີ່ສຸດ ເພາະຖ້າບໍ່ມີການກວດເຊື້ອໂຄວິດ-19 ຈຳນວນຫລາຍ ອາດຍິ່ງເຮັດໃຫ້ຈຳນວນຜູ້ເສຍຊີວິດຈາກພະຍາດໂຄວິດ-19 ຕົກຫລົ່ນຍິ່ງກວ່ານີ້.

ຜ່ານມາມີຫລາຍຝ່າຍສະແດງຄວາມກັງວົນມາກ່ອນແລ້ວວ່າ: ຈຳນວນຜູ້ເສຍຊີວິດທີ່ແທ້ຈິງຈາກພະຍາດໂຄວິດ-19 ອາດສູງກວ່າຕົວເລກທີ່ມີການປະກາດໄວ້ ໂດຍສະເພາະຫລັງເກີດການລະບາດຢ່າງຮຸນແຮງຮອບຫລ້າສຸດໃນປະເທດອິນເດຍ ທີ່ມີບຸກຄະລາກອນທາງການແພດຢືນຢັນວ່າ: ຈຳນວນຜູ້ເສຍຊີວິດທີ່ແທ້ຈິງໃນອິນເດຍອາດສູງກວ່າຕົວເລກທີ່ລັດຖະບານລະບຸຫລາຍເທົ່າ.

ອ້າງອີງ:

https://www.aljazeera.com/…/global-covid-19-death-toll…

- WhatsApp Image 2020 05 27 at 5 - ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ
- WhatsApp Image 2020 05 27 at 5 - ຜູ້ເສຍຊີວິດຈາກໂຄວິດ-19 ທົ່ວໂລກອາດສູງເຖິງເກືອບ 6,9 ລ້ານຄົນ ຫລາຍກວ່າຕົວເລກຢືນຢັນ 1 ເທົ່າ
error: Alert: ເນື້ອຫາຂ່າວມີລິຂະສິດ !!