ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ

-                 - ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ
- AGL banner - ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ

ໜຶ່ງໃນສິນຄ້າຂາຍດີລະດັບທ໊ອບຂອງປີ 2021 ຈະເປັນຫຍັງໄປບໍ່ໄດ້ ນອກຈາກ “ວັກຊີນຕ້ານໂຄວິດ-19” ທີ່ກຳລັງເປັນທີ່ຕ້ອງການຂອງທຸກປະເທດທົ່ວໂລກ.

ຫລັງຈົບໄຕມາດ 1/2021 ຜ່ານມາ, ບໍລິສັດຜະລິດວັກຊີນຕ້ານໂຄວິດ-19 ຊື່ດັງລ້ວນເປີດເຜີຍຜົນປະກອບການ ໂດຍສະເພາະຍອດຂາຍວັກຊີນໂຄວິດ-19 ທີ່ທຸກຄົນລ້ວນຢາກຮູ້.

ເລີ່ມຈາກບໍລິສັດຢາເກົ່າແກ່ລະດັບໂລກຄື “ໄຟເຊີ” (Pfizer) ທີ່ເປີດເຜີຍວ່າໃນໄຕມາດ 1/2021 ບໍລິສັດມີຍອດຂາຍວັກຊີນ 3.500 ລ້ານກວ່າໂດລາສະຫະລັດ ພ້ອມຄາດຄະເນວ່າຫລັງຈົບປີ 2021 ມີຍອດຂາຍວັກຊີນສູງເຖິງ 2,6 ໝື່ນລ້ານໂດລາ.

ສ່ວນ “ໂມເດິນາ” (Moderna) ສະຕາອັບດ້ານສຸຂະພາບຜູ້ຜະລິດວັກຊີນໂຄວິດ-19 ອີກບໍລິສັດໜຶ່ງເປີດເຜີຍວ່າ: ມີຍອດຂາຍວັກຊີນໃນໄຕມາດຜ່ານມາຫລາຍກວ່າ 1.700 ລ້ານໂດລາສະຫະລັດ ພ້ອມຄາດວ່າໃນປີນີ້ ບໍລິສັດຈະມີຍອດຂາຍວັກຊີນໂຄວິດ-19 ສູງເຖິງ 1,8 ໝື່ນລ້ານໂດລາ.

- Wave100S AD to Website 2020 0 - ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ

ສ່ວນ “ແອສຕຣາເຊນເນກາ” (AstraZeneca) ນັ້ນມີລາຍໄດ້ຈາກຍອດຂາຍວັກຊີນລວມໃນໄຕມາດຜ່ານມາ 275 ລ້ານໂດລາສະຫະລັດ ເຮັດໃຫ້ບໍລິສັດມີຜົນປະກອບການສູງກວ່າຜ່ານມາ ເຖິງວ່າຈະຢືນຢັນວ່າບໍລິສັດບໍ່ໄດ້ມີເປົ້າໝາຍຈະສ້າງກຳໄລຈາກແພນດາມິກ.

ເຊັ່ນດຽວກັນກັບ “ຈອນສັນແອນຈອນສັນ” (Johnson & Johnson) ທີ່ເປີດເຜີຍວ່າ: ບໍລິສັດບໍ່ຄາດຫວັງຈະສ້າງກຳໄລຈາກວັກຊີນຕ້ານໂຄວິດ-19 ຈົນກວ່າສະຖານະການລະບາດທົ່ວໂລກຈະສິ້ນສຸດ ໂດຍບໍລິສັດສ້າງຍອດຂາຍຈາກວັກຊີນໂຄວິດ-19 ໃນໄຕມາດທຳອິດ 100 ລ້ານໂດລາສະຫະລັດ.

- WhatsApp Image 2020 05 27 at 5 - ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ
- WhatsApp Image 2020 05 27 at 5 - ຍອດຂາຍໄຕມາດ 1/2021 ຂອງບໍລິສັດຜະລິດວັກຊີນໂຄວິດຊື່ດັງ
error: Alert: ເນື້ອຫາຂ່າວມີລິຂະສິດ !!