ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

- advert banner 728 90 728x90 - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

- t3avsbsi - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

ສົມ​ໂບ​ໄພ​ກຸກ ກາຍ​ເປັນ​ສະຖານ​ທີ່​ທ່ອງ​ທ່ຽວ​ຍອດ​ນິຍົມ​ແຫ່ງ​ໃໝ່​ຂອງ​ກຳປູ​ເຈຍ​ທັນທີ, ພາຍຫລັງ​ອົງການ​ຢູ​ເນສ​ໂກ​ປະກາດ​ໃຫ້​ຜາສາດ​ບູຮານ​ແຫ່ງ​ນີ້​ເປັນ​ມໍລະດົກ​ໂລກ​ແຫ່ງ​ໃໝ່.

- oh1fnjpe - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ປະ​ເທດ​ກຳປູ​ເຈຍ ​ໃນ​ວັນ​ທີ 17 ກໍລະກົດ​ນີ້​ວ່າ: ນັກ​ທ່ອງ​ທ່ຽວ​ທັງ​ຄົນ​ທ້ອງ​ຖິ່ນ ​ແລະ ຄົນ​ຕ່າງປະ​ເທດ​ຫລັ່ງ​ໄຫລ​ເດີນທາງ​ໄປ​ແຂວງ​ກຳ​ປົງ​ທຳ ທີ່ຢູ່​ທາງ​ຕອນ​ກາງຂອງ​ກຳປູ​ເຈຍ ​ແລະ ຫ່າງ​ຈາກ​ນະຄອນຫລວງ​ພະນົມ​ເປັນ​ໄປ​ທາງ​ຕອນ​ເໜືອ​ປະມານ 206 ກິ​ໂລ​ແມັດ ນັບ​ແຕ່​ທ້າຍ​ອາທິດ​ຜ່ານ​ມາ ​ເພື່ອ​ຊົມ​ຄວາມ​ງົດ​ງາມ ​ແລະ ສຶກສາ​ປະຫວັດສາດ​ຂອງ​ຜາສາດ​ບູຮານ​ສົມ​ໂບ​ໄພ​ກຸກ ທີ່​ເປັນ​ສາຂາ​ທ້ອງ​ຖິ່ນ​ໝາຍ​ຄວາມ​ວ່າ: “ປ່າ​ຜາສາດ”, ພາຍຫລັງ​ບູຮານ​ສະຖານ​ແຫ່ງ​ນີ້​ໄດ້​ຮັບ​ການ​ຂຶ້ນທະບຽນ​ຈາກ​ອົງການ​ການ​ສຶກສາ, ວິທະຍາສາດ ​ແລະ ວັດທະນະທຳ​ແຫ່ງ​ສະຫະ​ປະຊາ​ຊາດ (ຢູ​ເນສ​ໂກ) ​ໃຫ້​ເປັນ​ມໍລະດົກ​ໂລກ​ທາງ​ວັດທະນະທຳ​​ແຫ່ງ​ໃໝ່.

- ffujj9yz - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

ທັງ​ນີ້ ສົມ​ໂບ​ໄພ​ກຸກ ຖື​ເປັນ​ມໍລະດົກ​ໂລກ​ແຫ່ງ​ທີ 3 ຂອງ​ກຳປູ​ເຈຍ ຕໍ່​ຈາກ​ຜາສາດ​ນະຄອນ​ວັດ ​ແລະ ຜາສາດ​ພະ​ວິຫານ ທີ່​ໄດ້​ຮັບ​ການ​ຂຶ້ນທະບຽນ​ຈາກ​ຢູ​ເນສ​ໂກ ​ໃນ​ປີ 2004 ​ແລະ 2008 ຕາມ​ລຳດັບ ​ໂດຍ​ລາຍ​ງານ​ຂອງ​ຢູ​ເນສ​ໂກ​ລະບຸ​ວ່າ: ພື້ນທີ່​ຕັ້ງຂອງ​ສົມ​ໂບ​ໄພ​ກຸກ ​ເຊິ່ງຄວບ​ຄຸມ​ເນື້ອທີ່​ປະມານ 25 ຕາ​ກິ​ໂລ​ແມັດ ​ເປັນ​ອານາ​ເຂດ​ຂອງ​ເມືອງ​ອິສານ​ປຸຣະ ​ເຊິ່ງ​ເປັນ​ເມືອງ​ຫລວງ​ຂອງ​ອານາຈັກ​ເຈນ ​ແລະ ອານາຈັກ​ຂອມ ທີ່​ມີ​ຄວາມ​ຮຸ່ງ​ເຮືອງ​ດ້ານ​ອາ​ລິ​ຍະ​ທຳ​ໃນ​ໄລຍະ​ທ້າຍ​ສະຕະວັດ​ທີ 6 ​ເຖິງ​ສະຕະວັດ​ທີ 7 ກ່ອນ​ອານາຈັກ​ຂະ​ເໝນ.

- 1 1 - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ
- Tiger Head 728x90 - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

- 474ijzcn - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

ລາຍ​ງານ​ຂອງ​ລັດຖະບານ​ກຳປູ​ເຈຍ​ລະບຸ​ວ່າ: ຈຳນວນ​ນັກ​ທ່ອງ​ທ່ຽວ​ຈາກ​ຕ່າງປະ​ເທດ​ເພີ່ມ​ຂຶ້ນ 5% ​ເປັນ 5 ລ້ານ​ຄົນ​ໃນ​ປີຜ່ານມາ ​ແລະ ມີ​ການ​ຕີ​ລາຄາ​ວ່າ​ຈະ​ເພີ່ມ​ຂຶ້ນ​ເປັນ​ຢ່າງ​ໜ້ອຍ 5,5 ລ້ານ​ຄົນ​ໃນ​ປີ​ນີ້.

- 9db5m63u - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

- 0o105v1k - ນັກທ່ອງທ່ຽວແຫ່ຊົມມໍລະດົກໂລກ ແຫ່ງໃໝ່ຂອງກຳປູເຈຍ

error: Content is protected !!