ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?

- 030503 2021 - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?
- AGL banner - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?

ອາ​ການ​ຂາ​ປັ້ນ ຂະ​ນະ​ຖື​ພາ ສ່ວນ​ຫລາຍ​ມັກ​ເປັນ​ໃນ​ໄລ​ຍະ​ທີ່​ຖື​ພາ​ໄດ້ 21 – 24 ອາ​ທິດ ເຊິ່ງ​ເປັນ​ເລື່ອງ​ປົກ​ກະ​ຕິ​ທີ່​ອາດ​ເກີດ​ຂຶ້ນ​ໄດ້ ເນື່ອງ​ຈາກ​ຮ່າງ​ກາຍ​ມີ​ການ​ປ່ຽນ​ແປງ​ອ່າວ​ຫລາຍ​ໃນ​ໄລ​ຍະ​ນີ້.

ຂ​າ​ປັ້ນ ເກີດ​ຈາກ​ການ​ຂາດ​ທາດ​ການ​ຊຽມ ແລະ ມີ​ຟົ​ສ​ຟໍ​ຫລາຍ​ເກີນ​ໄປ​ໃນ​ກະ​ແສ​ເລືອດ ຍ້ອນ​ວ່າ​ແມ່​ມານ​ຈະ​ມີ​ນ້ຳ​ໜັກ​ໂຕ​ເພີ່ມ​ຂຶ້ນ, ຂາ​ທັງ​ສອງ​ເບື້ອງ​ຕ້ອງ​ແບກ​ຮັບ​ນ້ຳ​ໜັກ​ໂຕ​ທີ່​ເພີ່ມ​ຂຶ້ນ ສົ່ງ​ຜົນ​ໃຫ້​ລະ​ບົບ​ໄຫລ​ວຽນ​ເລືອດ​ເຄັ່ງ​ແໜ້ນ​ເກີນ​ໄປ​ຢູ່​ບໍ​ລິ​ເວນ​ຂາ ເຮັດ​ໃຫ້​ເກີດ​ຂາ​ປັ້ນ​ຂຶ້ນ. ບໍ່​ສະ​ເພາະ​ແຕ່​ການ​ຢືນ ຫລື ຍ່າງ​ເທົ່າ​ນັ້ນ​ທີ່​ອາດ​ເກີດ​ຂາ​ປັ້ນ ແມ່ນ​ແຕ່​ໃນ​ເວ​ລາ​ນັ່ງ​ກໍ​ອາດ​ເກີດ​ຂາ​ປັ້ນ​ໄດ້​ຄື​ກັນ ຍິ່ງ​ແມ່​ມານ​ໄວ​ເຮັດ​ວຽກ​ທີ່​ແຕ່​ລະ​ມື້​ຍັງ​ຄົງ​ຕ້ອງ​ເຮັດ​ວຽກ​ຢູ່​ໂຕ​ະ​ເປັນ​ເວ​ລາ​ດົນໆ​ຈະ​ເຮັດ​ໃຫ້​ເລືອດ​ໄຫລ​ວຽນ​ບໍ່​ສະ​ດວກ ເກີດ​ຂອງ​ເສຍ​ສະ​ສົມ​ຄັ່ງ​ຄ້າງ​ຢູ່​ບໍ​ລິ​ເວນ​ບີ​ແຂ່ງ ເຮັດ​ໃຫ້​ກ້າມ​ຊີ້ນ​ຫົດ​ໂຕ ຈົນ​ເກີດ​ອາ​ການ​ຂາ​ປັ້ນ​ຂຶ້ນ​ໄດ້.

- 040503 2021 300x169 - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?

ສາ​ເຫດ​ອີກ​ປະ​ການ​ໜຶ່ງ​ທີ່​ເຮັດ​ໃຫ້​ເກີດ​ຂາ​ປັ້ນ​ໄດ້ ແມ່ນ​ການ​ທີ່​ເລືອດ​ໄຫລ​ວຽນ​ໄປ​ພາກ​ສ່ວນ​ລຸ່ມ​ບໍ່​ດີ​ພຽງ​ພໍ. ດັ່ງ​ນັ້ນ, ການ​ໃສ່​ຖົງ​ນ່ອງ​ ຫລື ໂສ້ງ​ແພ​ບາງໆ (ເລັກ​ກິ້ງ) ທີ່​ຮັດ​ຂາ​ໃນ​ຕອນ​ກາງ​ເວັນໃນ​ຂະ​ນະ​ເຮັດ​ວຽກ ຈະ​ຊ່ວຍ​ຫລຸດ​ການ​ເກີດ​ຂາ​ປັ້ນ​ໄດ້​ຫລາຍ​ຂຶ້ນ.

ການ​ປະ​ຖົມ​ພະ​ຍາ​ບານ​ເບື້ອງ​ຕົ້ນ ແມ່ນ​ໃຫ້​ຄ່ອຍໆ​ຍືດ​ກ້າມ​ຊີ້ນ​ອອກ​ໃຫ້​ຢູ່​ໃນ​ຄວາມ​ຍາວ​ທີ່​ປົກ​ກະ​ຕິ​ຂອງ​ກ້າມ​ຊີ້ນ​ນັ້ນ ແລະ ໃຫ້​ຍືດ​ກ້າມ​ຊີ້ນ​ຢູ່​ຈົນ​ກະ​ທັ້ງ​ເຊົາ​ປວດ ອາດ​ໃຊ້​ເວ​ລາ​ປະ​ມານ 1 – 2 ນາ​ທີ ແລ້ວ​ລອງ​ປ່ອຍ​ມື​ເບິ່ງວ່າ​ກ້າມ​ຊີ້ນນັ້ນ​ຍັງ​ເກັງ​ຢູ່​ຫລືບໍ່ ຖ້າ​ຍັງ​ມີ​ຢູ່​ໃຫ້​ເຮັດ​ຊ້ຳ​ອີກ​ຈົນ​ກ່​ວາ​ຈະ​ປ່ອຍ​ມື​ແລ້ວບໍ່​ມີ​ອາ​ການ​ເກັງ.

- Wave100S AD to Website 2020 0 - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?

ການ​ດື່ມ​ນົມ ແລະ ການ​ກິນ​ອາ​ຫານ​ທີ່​ມີ​ທາດ​ການ​ຊຽມ​ຫລາຍ ເຊັ່ນ : ຜັກ​ໃບ​ຂຽວ, ແກ່ນ​ໝາກ​ອຶ ລ​ວມ​ເຖິງ​ປາ​ໂຕ​ນ້ອຍ ຫລື ອາ​ຫານ​ທີ່​ອຸ​ດົມ​ໄປ​ດ້ວຍ​ທາດ​ການ​ຊຽມ ຈະ​ຊ່ວຍ​ຫລຸດ​ການ​ເກີດ​ຂາ​ປັ້ນ​ໄດ້ ຖ້າ​ແມ່​ມານ​ມີ​ອາ​ການ​ຂາ​ປັ້ນ​ໃນ​ເວ​ລາ​ນອນ​ກາງ​ຄືນ​ຕະ​ຫລອດ ກ່ອນນອນ​ຄວນ​ດື່ມ​ນົມ​ໃຫ້​ຫລາຍ​ຂຶ້ນ ແລະ ຍົກ​ຂາ​ສູງ ໃຊ້​ໝອນ​ຮອງ​ຂາ​ໃຫ້​ສູງ​ຈາກ​ຕຽງ​ປ​ະ​ມານ 10 ຊັງ​ຕີ​ແມັດ.

 

- WhatsApp Image 2020 05 27 at 5 - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?
- WhatsApp Image 2020 05 27 at 5 - ຍ້ອນ​ຫຍັງ​ແມ່​ມານ​ຈຶ່ງ​ມັກ​ມີ​ອາ​ການ​ຂາ​ປັ້ນ ?
error: Alert: ເນື້ອຫາຂ່າວມີລິຂະສິດ !!