ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?

- 060503 2021 - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?
- AGL banner - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?

ສຳ​ລັບ​ຊີ​ວິດ​ຄູ່​ແລ້ວ ການ​ແຕ່ງດອງ​ເປັນ​ເປົ້າ​ໝາຍ​ທີ່​ສູງ​ສຸດ, ແຕ່​ການ​ມີ​ຄອບ​ຄົວ​ທີ່​ສົມ​ບູນ​ແບບ​ໄດ້​ຖື​ເປັນ​ຄວາມ​ຮັບ​ຜິດ​ຊອບ​ຮ່ວມ​ກັນ ເພື່ອ​ປ້ອງ​ກັນ​ພະ​ຍາດ​ທາງ​ກຳ​ມະ​ພັນ ຄວນກວດ​ຄວາມ​ພ້ອມ ຄວາມ​ສົມ​ບູນ​ທາງ​ຮ່າງ​ກາຍ​ເຊິ່ງ​ກັນ ແລະ ກັນ​ກ່ອນ​ການ​ໃຫ້ກຳ​ເນີດ.

  • ກວດ​ສຸ​ຂະ​ພາບ​ກ່ອນ​ແຕ່ງດອງ​ຕ້ອງກວດ​ຫຍັງ​ແດ່ ?
  1. ກວດ​ສຸ​ຂະ​ພາບ​ທົ່ວ​ໄປ​ໂດຍ​ແພດ ເຊັ່ນ : ວັດ​ແທກ​ນ້ຳ​ໜັກ​, ຄວາມ​ສູງ, ວັດ​ແທກ​ຄວາມ​ດັນ​ເລືອດ, ກວດ​ການ​ເຮັດ​ວຽກ​ຂອງ​ລະ​ບົບ​ຫາຍ​ໃຈ, ອັດ​ຕາ​ການ​ເຕັ້ນ​ຂອງ​ຫົວ​ໃຈ, ກວດ​ໝວດ​ເລືອດ.
  2. ກວດ​ຫາ​ເຊື້ອ​ໄວ​ຣັ​ສ​ຕັບ​ອັກ​ເສບ​ຊະ​ນິດ B (HBs AG) ເປັນ​ເຊື້ອ​ໄວ​ຣັ​ສ​ທີ່​ຈະ​ເຂົ້າ​ໄປ​ທຳ​ລາຍ​ແຊນ​ຕັບ ຫາກບໍ່​ປິ່ນ​ປົວ​ຈະ​ເກີດ​ຜັງ​ຜືດ​ຕັບ​ແຂງ ແລະ ມະ​ເຮັງ​ຕັບ​ໄດ້. ໄວ​ຣັ​ສ​ຊະ​ນິດນີ້​ຕິດ​ຕໍ່​ກັນ​ທາງ​ເລືອດ, ນ້ຳ​ອະ​ສຸ​ຈິ, ນ້ຳ​ຫລໍ່​ລື້ນ, ສານ​ເມືອກ​ຕ່າງໆ​ຂອງ​ຮ່າງ​ກາຍ ລວມ​ໄປ​ເຖິງ​ຈາກ​ແມ່​ສູ່​ລູກ.
  3. ກວດ​ເຊື້ອ​ໄວ​ຣັ​ສ HIV ເປັນ​ທີ່​ຮູ້​ຈັກ​ກັນ​ດີ​ຢູ່​ແລ້ວ​ວ່າ​ແມ່ນ​ເຊື້ອ​ໄວ​ຣັ​ສ​ທີ່​ທຳ​ລາຍ​ລະ​ບົບ​ພູມ​ຕ້ານ​ທານ​ໃຫ້​ເຮົາ​ບໍ່​ສາ​ມາດ​ສູ້​ກັບ​ພະ​ຍາດ​ທັງ​ຫລາຍ​ທີ່​ເຂົ້າ​ສູ່​ຮ່າງ​ກາຍ​ໄດ້. ການກວດ​ຫາ​ເຊື້ອ HIV ເປັນ​ອັນ​ດັບ​ຕົ້ນໆ​ທີ່​ທຸກ​ຄົນ​ຄວນກວດ ເພາະ​ການ​ຕິດ​ເຊື້ອ​ຫລັກໆ​ແມ່ນ​ການ​ມີ​ເພດ​ສຳ​ພັນ, ການ​ຕິດ​ຕໍ່​ທາງ​ເລືອດ, ການ​ຕິດ​ຕໍ່​ຜ່ານ​ແມ່​ສູ່​ລູກ.
  4. ກວດ​ພະ​ຍາດ​ທາງ​ກຳ​ມະ​ພັນ​ຂອງ​ພໍ່ ແລະ ແມ່, ພະ​ຍາດ​ທາ​ຣັ​ສ​ຊີ​ເມຍ ເປັນ​ພະ​ຍາດ​ທີ່​ມີ​ຄວາມ​ຜິດ​ປົກ​ກະ​ຕິ​ຂອງ​ເມັດ​ເລືອດ, ເມັດ​ເລືອດ​ຈາງ ຫລື ອາດ​ເກີດ​ອາ​ການ​ແຊກ​ຊ້ອນ ເຊັ່ນ : ຖື​ພາ​ເປັນ​ພິດ, ເດັກ​ໂຕ​ເຫລືອງ​, ຕັບ, ມ້າມ​ໃຫຍ່, ໃບ​ໜ້າ​ຜິດ​ປົກ​ກະ​ຕິ. ຫາກ​ທ່ານ​ຢາກວາງ​ແຜນ​ມີ​ລູກ​ກໍ​ຄວນ​ໄດ້​ຮັບ​ການກວດ​ສຸ​ຂະ​ພາບ​ເພື່ອ​ປະ​ເມີນ​ຄວາມ​ສ່ຽງ ເພາະ​ລູກ​ອາດ​ເສຍ​ຊີ​ວິດ​ຕັ້ງ​ແຕ່​ຢູ່​ໃນ​ທ້ອງ.
  5. ກວດ​ເອັນ​ໄຊ G-6-PD ຄວາມ​ຜິດ​ປົກ​ກະ​ຕິ​ຂອງ​ເອັນ​ໄຊ​ເຮັດ​ໃຫ້​ເມັດ​ເລືອດ​ແດງ​ແຕກ, ເກີດ​ການ​ໂຕ​ຈືດ​ເຫລືອງ ເປັນ​ພະ​ຍາດ​ທີ່​ສົ່ງ​ຜ່ານ​ທາງ​ກຳ​ມ​ະ​ພັນ ເຖິ​ງວ່າ​ພໍ່​ແມ່​ຈະ​ບໍ່​ໄດ້​ເປັນ, ແຕ່​ລູກ​ທີ່​ເກີດ​ມາ​ແລ້ວ​ອາດ​ເກີດ​ອາ​ການ​ໂຕ​ເຫລືອງ​ໄດ້ ພະ​ຍາດນີ້ບໍ່​ໄດ້​ເປັນ​ຄວາມ​ຜິດ​ປົກ​ກະ​ຕິ​ທາງ​ຮ່າງ​ກາຍ ຫລື ເປັນ​ພະ​ຍາດ​ທີ່​ຮ້າຍ​ແຮງ, ແຕ່​ພໍ່​ແມ່​ຄວນ​ໃຫ້​ຄວາມ​ສຳ​ຄັນ ແລະ ຫລີກ​ເວັ້ນ​ອາ​ຫານ ຫລື ຢາ​ທີ່​ເຮັດ​ໃຫ້​ເກີດ​ອາ​ການ​ເມັດ​ເລືອດ​ແດງ​ແຕກ​ກະ​ທັນ​ຫັນ ເຊິ່ງກໍ່​ໃຫ້​ເກີດ​ອາ​ການ​ໄຕວາຍ.
  6. ກວ​ດ​ຫາ​ພູມ​ຕ້ານ​ທານ​ເຊື້ອ​ໄຂ້​ຫັດ German measles) ເປັນ​ພະ​ຍາດ​ທີ່​ເກີດ​ຈາກ​ເຊື້ອ​ໄວ​ຣັ​ສ ຜູ້​ປ່ວຍ​ຈະ​ມີ​ໄຂ້​, ຂໍ້​ອັກ​ເສບ, ຕ່ອມ​ນ້ຳ​ເຫລືອງ​ໃຫຍ່, ເປັນ​ຜື່ນ​ຕາມ​ໂຕ, ເປັນ​ພະ​ຍາດ​ທີ່​ສາ​ມາດ​ຕິດ​ຕໍ່​ໄປ​ຍັງ​ລູກ ແລະ ຄູ່​ສົມ​ລົດ ສ່ວນ​ຫລາຍ​ມັກ​ເຊົາ​ໄປ​ເອງ​ໂດຍບໍ່​ມີ​ອາ​ການ​ແຊກ​ຊ້ອນ, ແຕ່​ຫາກ​ເກີດ​ໃນ​ແມ່​ມານ ລູກ​ອາດ​ເກີດ​ມາ​ພິ​ການ ຖ້າ​ຮຸນ​ແຮງ​ອາດ​ເສຍ​ຊີ​ວິດ​ຕັ້ງ​ແຕ່​ຢູ່​ໃນ​ທ້ອງ ຫາກ​ແມ່​ວາງ​ແຜນ​ທີ່​ຈະ​ໃຫ້​ກຳ​ເນີດ​ລູກ ຄວນ​ໄປ​ສັກ​ວັກ​ຊີນ​ປ້ອງ​ກັນ​ພະ​ຍາດ​ໄຂ້​ຫັດ​ເຢຍ​ລະ​ມັນ.
  7. ຊີ​ຟີ​ລິ​ສ ເປັນ​ພະ​ຍາດ​ທີ່​ຕິດ​ຕໍ່​ທາງ​ເພດ​ສຳ​ພັນ ສ່ວນ​ຫລາຍ​ພົບ​ໃນ​ຜູ້​ຊາຍ ແຕ່​ຫາກ​ເກີດ​ໃນ​ເພດ​ຍິ​ງ​ຈະ​ມີ​ໂອ​ກາດ​ຖ່າຍ​ທອດ​ສູ່​ລູກ ໂດຍ​ລູກ​ທີ່​ເກີດ​ຂຶ້ນ​ຫລັງ​ເກີດ​ໄດ້ 3 – 8 ອາ​ທິດ ອາດ​ມີ​ອາ​ການ​ໃຫ້​ເຫັນ​ຢູ່​ແດ່​ພຽງ​ເລັກ​ນ້ອຍ ຖ້າບໍ່​ກວດ​ຈົນ​ປ່ອຍ​ຜ່ານ​ເຂົ້າ​ສູ່​ຂັ້ນ​ທີ 4 ອາດ​ມີ​ອາ​ການ​ພິ​ການ​ອອກ​ມາ​ໃຫ້​ເຫັນ​ໄດ້.

- 070503 2021 300x168 - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?

ນອກ​ເໜືອ​ຈາກ​ການກວດ​ສຸ​ຂະ​ພາບ​ທົ່ວ​ໄປ​ແລ້ວ ເພື່ອ​ກຽມ​ຄວາມ​ພ້ອມ ທ່ານ​ຍິງ ແລະ ທ່ານ​ຊາຍ ຄວນກວດ​ເຈາະ​ເລິກ​ຕື່ມ ເພື່ອ​ຄວາມ​ປອດ​ໄພ ແລະ ຫລຸດ​ຄວາມ​ສ່ຽງ​ຂອງ​ພະ​ຍາດ​ໃນ​ອະ​ນາ​ຄົດ.

- Wave100S AD to Website 2020 0 - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?
  • ການກວດ​ບັນ​ຫາ​ສຸ​ຂະ​ພາບ​ເຈາະ​ເລິກ​ສຳ​ລັບ​ທ່ານ​ຍິງ :
  1. ກວດ​ພາຍ​ໃນ : ຄວນກວດ​ຄວາມ​ປົກ​ກະ​ຕິ​ຂອງ​ມົດ​ລູກ ແລະ ຮັງ​ໄຂ່, ກວດ​ຜົ້ງ​ມົດ​ລູກ​ທີ່​ມີ​ຜົນ​ໂດຍ​ກົງ​ຕໍ່​ການ​ຖື​ພາ ແລະ ການ​ເກີດ ລວມ​ທັງ​ກວ​ດ​ຫາ​ຊີ້​ປົ່ງ​ນອກ​ມົດ​ລູກ, ກ້ອນ​ເບົ້າ, ມະ​ເຮັງ​ປາກ​ມົດ​ລູກ​ຮ່ວມ​ນຳ.
  2. ກວດ​ມະ​ເຮັງ​ເຕົ້າ​ນົມ : ເນື່ອງ​ຈາກ​ແມ່​ທີ່ບໍ່​ເຄີຍ​ຖື​ພາ ຫລື ແມ່​ທີ່​ມີ​ລູກ​ເປັນ​ຄົນ​ທຳ​ອິດ​ຕັ້ງ​ແຕ່​ອາ​ຍຸ 30 ປີ​ຂຶ້ນ​ໄປ ຈະ​ມີ​ຄວາມ​ສ່ຽງ​ເປັນ​ມະ​ເຮັງ​ເຕົ້າ​ນົມ​ຫລາຍ​ຂຶ້ນ.
  • ການກວດ​ບັນ​ຫາ​ສຸ​ຂະ​ພາບ​ເຈາະ​ເລິກ​ສຳ​ລັບ​ທ່ານ​ຊາຍ :
  1. ກວດ​ຄວາມ​ສົມ​ບູນ​ໃນ​ເຊື້ອ​ອະ​ສຸ​ຈິ : ເປັນ​ບັນ​ຫາ​ທີ່​ພົບ​ກັນ​ຫລາຍ ເຊັ່ນ : ຈຳ​ນວນ​ຂອງອ​ະ​ສຸ​ຈິ​ໜ້ອຍ​ເກີນ​ໄປ, ອະ​ສຸ​ຈິບໍ່​ແຂງ​ແຮງ, ການ​ເສື່ອມ​ຂອງ​ນ້ຳ​ອະ​ສຸ​ຈິ ເຮັດ​ໃຫ້​ບໍ່​ສາ​ມາດ​ເຂົ້າ​ໄປ​ປະ​ຕິ​ສົນ​ທິ​ກັບ​ໄຂ່​ໄດ້.
  2. ມະ​ເຮັງ​ຕ່ອມ​ລູກ​ໝາກ : ຫາກ​ມີ​ຄວາມ​ຜິ​ດ​ປົກ​ກະ​ຕິ​ຈະ​ສົ່ງ​ຜົນ​ໃຫ້​ຮໍ​ໂມນ​ເພ​ດ​ຊາຍ​ຕ່ຳ.
  3. ອາ​ການ​ຢ່ອນ​ສະ​ມັດ​ຕະ​ພາບ​ທາງ​ເພດ : ສາ​ມາດ​ພົບ​ໄດ້​ທຸກ​ໄວ ແຕ່​ສ່ວນ​ຫລາຍ​ພົບ​ໃນ​ຜູ້​ເຖົ້າ ສາ​ເຫດ​ຈາກ​ສະ​ພາບ​ທາງ​ດ້ານ​ຈິດ​ໃຈ, ການ​ສູບ​ຢາ​ເປັນ​ເວ​ລາ​ດົນ, ຄວາມ​ອ່ອນ​ເພຍ, ອາ​ຍຸ​ທີ່​ຫລາຍ​ຂຶ້ນ.
  • ການກວດ​ສຸ​ຂະ​ພາບ​ກ່ອນ​ແຕ່ງດອງ ບໍ່​ແມ່ນ​ຄວ​າມບໍ່​ເຊື່ອ​ໃຈ​ໃນ​ຄວາມ​ສຳ​ພັນ, ແຕ່​ການກວດ​ສຸ​ຂະ​ພາບ​ກ່ອນ​ແຕ່ງດອງນັ້ນ​ບໍ່​ຕ່າງ​ຫຍັງ​ກັບ​ກວດ​ສຸ​ຂະ​ພາບ​ປະ​ຈຳ​ປີ​ເລີຍ ເປັນ​ການ​ກຽມ​ຄວາມ​ພ້ອມ​ທີ່​ຈະ​ມີ​ຄອບ​ຄົວ​ທີ່​ສົມ​ບູນ​ແບບ.
- WhatsApp Image 2020 05 27 at 5 - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?
- WhatsApp Image 2020 05 27 at 5 - ຍ້ອນ​ຫຍັງ​ຈຶ່ງ​ຕ້ອງກວດ​ສຸ​ຂະ​​ພາບ​ກ່ອນ​ແຕ່ງດອງ ?
error: Alert: ເນື້ອຫາຂ່າວມີລິຂະສິດ !!