ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ

- im 336111 - ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ
- AGL banner - ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ

ວັນທີ 9 ພຶດສະພາ 2021, ສຳນັກຂ່າວຕ່າງປະເທດລາຍງານວ່າ: ຊາວສະເປນຈຳນວນຫລາຍຕ່າງອອກມາລວມຕົວກັນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ປະກາດໃຊ້ມາດົນກວ່າ 6 ເດືອນ ນັບແຕ່ເດືອນຕຸລາປີຜ່ານມາ ຫລັງສະຖານະການຂອງການແຜ່ລະບາດພາຍໃນປະເທດດີຂຶ້ນ ແລະ ຄາດວ່າຢູ່ພາຍໃຕ້ການຄວບຄຸມແລ້ວ.

ການຍົກເລີກປະກາດດັ່ງກ່າວສົ່ງຜົນໃຫ້ແຕ່ລະແຄວ້ນທົ່ວປະເທດເລີ່ມທະຍອຍຜ່ອນຄາຍມາດຕະການລັອກດາວ ລວມທັງຊ່ວງເວລາເຄີຟິວ ແລະ ມາດຕະການຕ່າງໆທີ່ໃຊ້ຮັບມືໂຄວິດ-19 ໂດຍສະເພາະການຫ້າມການເດີນທາງຂ້າມແຄວ້ນໂດຍບໍ່ຈຳເປັນ ແລະ ການຫ້າມການລວມຕົວກັນເກີນ 6 ຄົນ. ປັດຈຸບັນມີພຽງແຄວ້ນນາບາຣາ, ແຄວ້ນບາເລນເຊຍ, ໝູ່ເກາະບາລີອາເຣສ ແລະ ໝູ່ເກາະການາເຣຍ ທີ່ຍັງປະກາດໃຊ້ເຄີຟິວຢູ່ ແລະ ທາງການແຕ່ລະແຄວ້ນຍັງສາມາດຈຳກັດຊ່ວງເວລາເປີດປິດການໃຫ້ບໍລິການ ແລະ ຈຳນວນຄົນຕໍ່ໂຕະຂອງເທັກ ແລະ ຮ້ານອາຫານໄດ້.

ທ່ານ ໂຊເຊ ລູອິສ ມາຕິເນດ-ອັລເມດາ ເຈົ້າຄອງນະຄອນຫລວງມາດຣິດ ຮຽກຮ້ອງໃຫ້ປະຊາຊົນປະຕິບັດຕາມຂໍ້ບັງຄັບ ໂດຍການຈັດປາຕີ້ດື່ມເຄື່ອງດື່ມແອນກໍຮໍຕາມຖະໜົນເປັນສິ່ງທີ່ບໍ່ໄດ້ຮັບອະນຸຍາດໃນເມືອງແຫ່ງນີ້ ເນັ້ນມາດຕະການເວັ້ນໄລຍະຫ່າງ ແລະ ການໃສ່ຜ້າປິດປາກ-ດັງຍັງເປັນສິ່ງຈຳເປັນ.

ຕະຫລອດໄລຍະເວລາກວ່າ 1 ປີ 4 ເດືອນທີ່ໂຄວິດ-19 ແຜ່ລະບາດ, ສະເປນຖືເປັນໜຶ່ງໃນປະເທດທີ່ພົບການລະບາດຮຸນແຮງທີ່ສຸດ ມີຜູ້ຕິດເຊື້ອສະສົມຫລາຍທີ່ສຸດເປັນອັນດັບ 9 ຂອງໂລກ ຕິດເຊື້ອແລ້ວ 3,56 ລ້ານກວ່າຄົນ, ເສຍຊີວິດແລ້ວ 78.792 ຄົນ, ປິ່ນປົວຫາຍດີ 91%, ທາງການສັກວັກຊີນໃຫ້ພົນລະເມືອງແລ້ວ 19,05 ລ້ານໂດສ (6 ພຶດສະພາ), ພົນລະເມືອງ 13,27 ລ້ານຄົນ ເຂົ້າຮັບວັກຊີນຕ້ານໂຄວິດ-19 ແລ້ວຢ່າງໜ້ອຍ 1 ໂດສ. ຂະນະທີ່ພົນລະເມືອງ 12,7% ຈາກທັງໝົດ 46,75 ລ້ານຄົນເຂົ້າຮັບວັກຊີນຄົບໂດສແລ້ວ.

ອ້າງອີງ:

- Wave100S AD to Website 2020 0 - ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ

https://www.theguardian.com/…/madrid-mayor-decries…

https://www.dw.com/…/spain-celebrates-end-of…/a-57474940

https://abcnews.go.com/…/street-parties-celebrate-end…

- WhatsApp Image 2020 05 27 at 5 - ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ
- WhatsApp Image 2020 05 27 at 5 - ຊາວສະເປນສະຫລອງໃຫຍ່ ຫລັງທາງການຍົກເລີກປະກາດສະຖານະການສຸກເສີນຮັບມືໂຄວິດ-19 ທີ່ໃຊ້ມາດົນກວ່າ 6 ເດືອນ
error: Alert: ເນື້ອຫາຂ່າວມີລິຂະສິດ !!