ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ

-                 2 - ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ
- AGL banner - ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ

ປະທານາທິບໍດີ ວະລາດິເມຍ ປູຕິນ ຜູ້ນຳຣັດເຊຍ ເປັນປະທານໃນພິທີເດີນສວນສະໜາມກອງທັບ ທີ່ຈະຕຸລັດແດງ ໃນນະຄອນຫລວງມອສໂກ ເນື່ອງໃນວັນແຫ່ງໄຊຊະນະ ຫລື Victory Day 9 ພຶດສະພາ ເຊິ່ງປີນີ້ຄົບຮອບ 76 ປີ ທີ່ກອງທັບສະຫະພາບໂຊວຽດ ເອົາຊະນະກອງທັບນາຊີເຢຍລະມັນ ໃນສົງຄາມໂລກຄັ້ງທີ 2 ໄດ້ສຳເລັດ.

ພິທີລະນຶກວັນແຫ່ງໄຊຊະນະຂອງຣັດເຊຍໃນປີນີ້ ຍັງມີຂຶ້ນທ່າມກາງຄວາມເຄັ່ງຕຶງຢ່າງໜັກ ລະຫວ່າງຣັດເຊຍກັບກຸ່ມປະເທດມະຫາອຳນາດຕາເວັນຕົກນຳອີກ.

ຂະນະທີ່ ປະທານາທິບໍດີ ປູຕິນ ໄດ້ກ່າວສູນທອນພົດໃນພິທີ ມີໃຈຄວາມຕອນໜຶ່ງວ່າ: ມະຫາອຳນາດບາງປະເທດ ພະຍາຍາມຈະຂຽນປະຫວັດສາດໃໝ່ ເພື່ອສ້າງຄວາມຍຸຕິທຳໃຫ້ຜູ້ທໍລະຍົດ ແລະ ອາຊະຍາກອນ ເຊິ່ງມືເປື້ອນເລືອດຂອງປະຊາຊົນຜູ້ຮັກສັນຕິຫລາຍແສນຄົນ ແລະ ໜ້າເສຍດາຍທີ່ຍັງມີຄວາມພະຍາຍາມ ນຳເອົາລັດທິອຸດົມການຫລົງຜິດຂອງລະບອບນາຊີມາໃຊ້ໃນປັດຈຸບັນ. ເຖິງຢ່າງໃດກໍຕາມ, ຜູ້ນຳຣັດເຊຍ ບໍ່ໄດ້ລະບຸຈະແຈ້ງວ່າ: ທ່ານກ່າວເຖິງໃຜ.

ທັງນີ້, ການເດີນສວນສະໜາມຂອງກອງທັບຣັດເຊຍນປີນີ້ ໄດ້ຫລຸດຂະໜາດລົງເລັກໜ້ອຍ ເນື່ອງຈາກການລະບາດຂອງໂຄວິດ-19 ໂດຍມີທະຫານຈາກທຸກເຫລົ່າທັບເຂົ້າຮ່ວມກວ່າ 12.000 ຄົນ. ນອກຈາກນັ້ນ ຍັງມີການສະແດງອາວຸດຍຸດໂທປະກອນລຸ້ນໃໝ່ກວ່າ 190 ລາຍການ ລວມທັງລະບົບຍິງລູກສອນໄຟຂ້າມທະວີບຢາສ ແລະ ມີເຮືອບິນກອງທັບເກືອບ 80 ລຳ ບິນຢູ່ເທິງທ້ອງຟ້າໃນພິທີ ໂດຍຫລັງຈາກຂະບວນແຫ່ຈົບລົງແລ້ວ, ປະທານາທິບໍດີ ປູຕິນ ພ້ອມປະທານາທິບໍດີທາຈິກິດສະຖານ ເຊິ່ງເປັນໜຶ່ງໃນແຂກທີ່ເຂົ້າຮ່ວມພິທີ ໄດ້ຮ່ວມກັນວາງພວງມາລາບໍລິເວນສຸສານທະຫານນິລະນາມນຳອີກ. ທັງນີ້ ໃນສົງຄາມໂລກຄັ້ງທີ 2 ນັ້ນ ມີທະຫານ ແລະ ພົນລະເຮືອນໂຊວຽດ ເສຍຊີວິດລວມກັນປະມານ 27 ລ້ານຄົນ.

- Wave100S AD to Website 2020 0 - ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ

ລາຍງານລະບຸອີກວ່າ: ນອກຈາກພິທີຢູ່ນະຄອນຫລວງມອສໂກແລ້ວ, ກອງທັບຣັດເຊຍຍັງຈັດພິທີເດີນສວນສະໜາມໃນອີກຫລາຍເມືອງໃຫຍ່ທົ່ວປະເທດ ລວມທັງຢູ່ຄາບສະໝຸດໄຄຣເມຍ ເຂດແດນຂອງຢູເຄຣນ ແລະ ຢູ່ຖານທັບເມມິມໃນຊີເຣຍ ທີ່ຣັດເຊຍສົ່ງທະຫານໄປປະຈຳການ ເພື່ອສູ້ຮົບຊ່ວຍກອງທັບຂອງປະທານາທິບໍດີບາຊາ ອັລ-ອັສຊາ ນຳອີກ.

- WhatsApp Image 2020 05 27 at 5 - ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ
- WhatsApp Image 2020 05 27 at 5 - ຣັດເຊຍເດີນສວນສະໜາມຄັ້ງໃຫຍ່ ສະຫລອງວັນແຫ່ງໄຊຊະນະ ຄົບຮອບ 76 ປີ
error: Alert: ເນື້ອຫາຂ່າວມີລິຂະສິດ !!