ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ

- INE3ML2GOVISJEIFOFK2OU4RHY scaled - ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ
- AGL banner - ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ

ກະຊວງປ້ອງກັນປະເທດອິນເດຍເປີດເຜີຍໃນວັນທີ 9 ພຶດສະພາວ່າ: ລັດຖະບານຈະຈ້າງອະດີດເຈົ້າໜ້າທີ່ແພດທະຫານຫລາຍຮ້ອຍຄົນ ເພື່ອຊ່ວຍເຫລືອ ແລະ ສະໜັບສະໜູນລະບົບສາທາລະນະສຸກໃນການຮັບມືສະຖານະການການແຜ່ລະບາດຂອງພະຍາດໂຄວິດ-19 ຮອບ 2 ທີ່ທະວີຄວາມຮຸນແຮງຕໍ່ເນື່ອງ ໂດຍຜູ້ຕິດເຊື້ອໃໝ່ຊ່ວງອາທິດຜ່ານມາເພີ່ມສູງເຖິງຫລັກ 400.000 ຄົນ ສ່ວນຜູ້ເສຍຊີວິດເພີ່ມຫລາຍກວ່າວັນລະ 4.000 ຄົນ ຕໍ່ເນື່ອງເປັນວັນທີ 2 ແລ້ວ.

ອະດີດເຈົ້າໜ້າທີ່ແພດທະຫານ 400 ຄົນ ຄາດວ່າຈະຮ່ວມປະຕິບັດພາລະກິດຕໍ່ສູ້ໂຄວິດ-19 ພາຍໃຕ້ສັນຍາຈ້າງສູງສຸດ 11 ເດືອນ. ນອກຈາກນີ້ ຍັງມີອີກຫລາຍຄົນທີ່ທາງການເຮັດສັນຍາຈ້າງເພື່ອໃຫ້ຄຳປຶກສາຕໍ່ຜູ້ປ່ວຍຜ່ານທາງອອນລາຍ.

ສຳລັບວິກິດແຜ່ລະບາດຂອງໂຄວິດ-19 ຮອບ 2 ທີ່ຮຸນແຮງຈົນກໍ່ໃຫ້ເກີດສະພາບຂາດເຂີນຕຽງນອນຄົນເຈັບ, ອົກຊີ, ຢາ ແລະ ເຄື່ອງມືແພດໃນການປິ່ນປົວ ຈົນເຖິງເມມເຜົາສົບຈົນເຜົາບໍ່ທັນ ເຮັດໃຫ້ຫລາຍລັດຕ້ອງປະກາດບັງຄັບໃຊ້ມາດຕະການລັອກດາວຢ່າງເຂັ້ມງວດໃນຊ່ວງເດືອນຜ່ານມາ. ຂະນະທີ່ເກີດກະແສກົດດັນໃຫ້ນາຍົກລັດຖະມົນຕີ ນາເຣນທຣາ ໂມດີ ປະກາດລັອກດາວທົ່ວປະເທດ ເຊັ່ນດຽວກັບທີ່ເຮັດໃນການລະບາດຮອບທຳອິດເມື່ອປີຜ່ານມາ.

ໂດຍສະມາຄົມແພດອິນເດຍ (Indian Medical Association: IMA) ອອກຖະແຫລງການໃນວັນທີ 8 ພຶດສະພາ ຮຽກຮ້ອງລັດຖະບານໃຫ້ປະກາດມາດຕະການລັອກດາວເຕັມຮູບແບບ ຫລາຍກວ່າໃຊ້ມາດຕະການເຄີຟິວ ແລະ ມາດຕະການປ້ອງກັນຊົ່ວຄາວທີ່ລັດຕ່າງໆບັງຄັບໃຊ້ພຽງບໍ່ເທົ່າໃດວັນ.

ສຳລັບຍອດຜູ້ຕິດເຊື້ອສະສົມໃນອິນເດຍຫລ້າສຸດຫລາຍກວ່າ 22,6 ລ້ານຄົນ ແລະ ເສຍຊີວິດຫລາຍກວ່າ 246.000 ຄົນ ເຊິ່ງຜູ້ຊ່ຽວຊານຫລາຍຄົນເຕືອນວ່າ: ຕົວເລກແທ້ຂອງຜູ້ຕິດເຊື້ອ ແລະ ຜູ້ເສຍຊີວິດອາດສູງກວ່າທີ່ມີລາຍງານ.

- Wave100S AD to Website 2020 0 - ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ

ຂະນະທີ່ອິນເດຍໃນຖານະປະເທດຜູ້ຜະລິດວັກຊີນລາຍໃຫຍ່ຂອງໂລກ ປັດຈຸບັນມີການສັກວັກຊີນໂຄວິດ-19 ໃຫ້ປະຊາຊົນພຽງ 34,3 ລ້ານຄົນ ຫລື ປະມານ 2,5% ຂອງຈຳນວນປະຊາກອນທັງໝົດ 1,35 ພັນລ້ານກວ່າຄົນ (ຂໍ້ມູນຫລ້າສຸດຈາກທາງການອິນເດຍໃນວັນທີ 9 ພຶດສະພາ).

ອ້າງອີງ:

- WhatsApp Image 2020 05 27 at 5 - ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ
- WhatsApp Image 2020 05 27 at 5 - ອິນເດຍກຽມຈ້າງອະດີດແພດທະຫານຫລາຍຮ້ອຍຄົນຊ່ວຍຮັບມືໂຄວິດ-19 ຫລັງວິກິດທະວີຄວາມຮຸນແຮງ ເສຍຊີວິດເພີ່ມວັນລະ 4 ພັນກວ່າຄົນ
error: Alert: ເນື້ອຫາຂ່າວມີລິຂະສິດ !!