ອິນເດຍ ດັດແປງເອົາໂຮງທຳ ເປັນໂຮງໝໍ 

- 410 - ອິນເດຍ ດັດແປງເອົາໂຮງທຳ ເປັນໂຮງໝໍ 
- AGL banner - ອິນເດຍ ດັດແປງເອົາໂຮງທຳ ເປັນໂຮງໝໍ 

ສຳນັກຂ່າວຕ່າງປະເທດ ເມື່ອວັນທີ 8 ພຶດສະພານີ້ ໃຫ້ຮູ້ວ່າ: ອິນເດຍ ໄດ້ຫັນເອົາໂຮງທຳໃນນະຄອນ Ahmedabad ດັດແປງເປັນໂຮງໝໍ ປິ່ນປົວຜູ້ຕິດເຊື້ອໂຄວິດ-19 ລວມມີ 50 ຕຽງ.

ທ່ານ Dinesh Singh Kushvaha ຄະນະຮັບຜິດຊອບໂຮງໝໍພາກສະໜາມກ່າວວ່າ: “ອ້າຍຂອງຂ້ອຍ ຊື່ Mahesh Singh Kushvaha ເປັນຜູ້ດູແລຄວບຄຸມບັນຫາທັງໝົດຢູ່ໃນທີ່ນີ້. ພວກເຮົາໄດ້ສ້າງໂຮງໝໍພາກສະໜາມຂຶ້ນ ຊຶ່ງລວມມີ 50 ຕຽງ, ໃນນັ້ນ 20 ຕຽງເປັນຕຽງທຳມະດາ ແລະ ຍັງອີກ 30 ຕຽງ ແມ່ນຕິດຕັ້ງບັ້ງອົກຊີໃສ່. ພວກເຮົາໃຫ້ຄົນເຈັບກິນມື້ໜຶ່ງ 3 ຄາບ ແລະ ກິນໂດຍບໍ່ໄດ້ເສຍຄ່າ”.

ພະນັກງານອາສາຄົນໜຶ່ງກ່າວວ່າ: “ຢູ່ທີ່ນີ້ ມີພະນັກງານແພດໝໍເວນຍາມຕະຫຼອດເວັນ-ຄືນ, ພວກເຮົາມີທ່ານໝໍໃຫ່ຍທັງໝົດ 6 ຄົນ ແລະ ພວກເຮົາໄດ້ຈັດແຈງບ່ອນນອນໃຫ້ທິມງານແພດໝໍ ນອນ, ຢູ່, ກິນກັບທີ່ນີ້”.

ການລະບາດຂອງໂຄວິດ-19 ຮອບສອງນີ້  ໄດ້ກາຍເປັນສິ່ງທ້າຍທາຍຕໍ່ກັບລະບົບການປິ່ນປົວຂອງທ່ານໝໍອິນເດຍ. ຕົວເລກຫຼ້າສຸດໃນຕອນເຊົ້າຂອງວັນທີ 10 ພຶດສະພານີ້ ໃຫ້ຮູ້ວ່າ ໃນຮອບ 24 ຊົ່ວໂມງທີ່ຜ່ານມາ ອິນເດຍພົບຜູ້ຕິດເຊື້ອໃໝ່ເພີ່ມເຕີມ 366.500 ກໍລະນີ ແລະ ມີຜູ້ເສຍຊີວິດເພີ່ມເຕີມ 3.750 ຄົນ. ຈົນມາເຖິງຂະນະນີ້, ອິນເດຍມີຜູ້ຕິດເຊື້ອສະສົມທັງໝົດ 22,6 ລ້ານຄົນ ແລະ ເສຍຊີວິດຫຼາຍກວ່າ 246,100 ຄົນ.

- Wave100S AD to Website 2020 0 - ອິນເດຍ ດັດແປງເອົາໂຮງທຳ ເປັນໂຮງໝໍ 

 

- WhatsApp Image 2020 05 27 at 5 - ອິນເດຍ ດັດແປງເອົາໂຮງທຳ ເປັນໂຮງໝໍ 
- WhatsApp Image 2020 05 27 at 5 - ອິນເດຍ ດັດແປງເອົາໂຮງທຳ ເປັນໂຮງໝໍ 
error: Alert: ເນື້ອຫາຂ່າວມີລິຂະສິດ !!