ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ

-           1024x576 1 - ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ
- AGL banner - ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ

ກະຊວງວັດທະນະທຳ ແລະ ການທ່ອງທ່ຽວຂອງຈີນ ລາຍງານຍອດການເດີນທາງທ່ອງທ່ຽວພາຍໃນປະເທດຊ່ວງພັກຍາວເນື່ອງໃນວັນກຳມະກອນບັນລຸ 230 ລ້ານຄັ້ງ ເພີ່ມຂຶ້ນ 119,7 ຈາກປີກ່ອນໜ້າ.

ລາຍງານລະບຸວ່າ: ລາຍໄດ້ຈາກການທ່ອງທ່ຽວພາຍໃນປະເທດສູງເຖິງ 1,13 ແສນລ້ານຢວນ ເພີ່ມຂຶ້ນ 138,1% ຈາກປີກ່ອນໜ້າ. ຊ່ວງພັກຍາວເນື່ອງໃນວັນກຳມະກອນຂອງຈີນກົງກັບວັນທີ 1-5 ພຶດສະພາຜ່ານມາ.

ກ່ອນໜ້າຈະເກີດການແຜ່ລະບາດຂອງພະຍາດໂຄວິດ-19 ມື້ພັກຊ່ວງວັນກຳມະກອນຂອງຈີນ ຈະມີຊາວຈີນເດີນທາງທ່ອງທ່ຽວນອກປະເທດເປັນຈຳນວນຫລາຍ ເຊິ່ງຈຸດໝາຍປາຍທາງຍອດນິຍົມຄືໄທ, ຍີ່ປຸ່ນ ແລະ ສິງກະໂປ, ແຕ່ທ່າມກາງການແຜ່ລະບາດຂອງພະຍາດໂຄວິດ-19 ຊາວຈີນໄດ້ທ່ອງທ່ຽວພາຍໃນປະເທດເຊັ່ນ: ເມືອງຊານຢາ ມົນທົນໄຫ່ໜານ ເຊິ່ງເປັນເມືອງຕິດທະເລ ກາຍເປັນຈຸດໝາຍປາຍທາງແທນທະເລຂອງໄທ.

ການເດີນທາງທ່ອງທ່ຽວໃນຄັ້ງນີ້ຍັງເປັນສັນຍານຂອງຂະແໜງການທ່ອງທ່ຽວທີ່ມີທ່າອ່ຽງກັບມາຟື້ນຕົວຫລັງຈາກການແຜ່ລະບາດຂອງພະຍາດໂຄວິດ-19. ຂະນະດຽວກັນ ເສດຖະກິດຈີນໃນຊ່ວງໄຕມາດທຳອິດຂອງປີໄດ້ຟື້ນຕົວຢ່າງວ່ອງໄວ ໂດຍຕົວເລກ GDP ປັບຂຶ້ນ 18,3% ເປັນຜົນຈາກຍອດການສົ່ງອອກທີ່ເພີ່ມຂຶ້ນຫລັງຈາກໂຮງງານຕ່າງໆໃນຈີນໄດ້ເດີນໜ້າຜະລິດສິນຄ້າອີກ, ຂະນະທີ່ການບໍລິໂພກພາຍໃນປະເທດເລີ່ມກັບມາຟື້ນຕົວ.

- Wave100S AD to Website 2020 0 - ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ
- WhatsApp Image 2020 05 27 at 5 - ຈີນເຜີຍຍອດເດີນທາງທ່ອງທ່ຽວ “ພັກຍາວວັນກຳມະກອນ” ບັນລຸເຖິງ 230 ລ້ານຄັ້ງ
error: Alert: ເນື້ອຫາຂ່າວມີລິຂະສິດ !!