ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ

- El Al - ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ
- AGL banner - ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ

ວັນທີ 10 ພຶດສະພາ 2021, ກະຊວງການເງິນອິສຣາເອລ ລະບຸວ່າ: ລັດຖະບານອິສຣາເອລອະນຸມັດແຜນຊ່ວຍເຫລືອອຸດສາຫະກຳການບິນ ເຊິ່ງໄດ້ຮັບຜົນກະທົບຈາກການແຜ່ລະບາດຂອງພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19).

ລັດຖະບານອິສຣາເອລອະນຸມັດຂໍ້ຕົກລົງທີ່ເຮັດຮ່ວມກັນລະຫວ່າງກະຊວງການເງິນ ແລະ ສອງສາຍການບິນໃຫຍ່ທີ່ສຸດຂອງປະເທດ ໄດ້ແກ່ ສາຍການບິນແອລ ອັລ (El Al) ແລະ ສາຍການບິນອິສແອຣ (Israir) ໂດຍການຊ່ວຍເຫລືອທັງສອງສາຍການບິນຈະເຮັດໃນຮູບແບບຂອງການຈ່າຍຄ່າປີ້ໂດຍສານຂອງເຈົ້າໜ້າທີ່ຮັກສາຄວາມປອດໄພຂອງລັດຖະບານລ່ວງໜ້າເປັນເວລາ 20 ປີ.

ຂໍ້ຕົກລົງລະບຸວ່າ: ສາຍການບິນແອລ ອັລ ຈະໄດ້ຮັບເງິນສະໜັບສະໜູນ 685 ລ້ານເຊເກລ, ສ່ວນສາຍການບິນອິສແອຣໄດ້ຮັບເປັນຈຳນວນເງິນ 52 ລ້ານເຊເກລ ສຳລັບໄລຍະເວລາ 20 ປີ ໂດຍກະຊວງການເງິນໄດ້ກຳນົດເງື່ອນໄຂການຈ່າຍເງິນເພື່ອໃຫ້ຜູ້ຖືຫຸ້ນມີສ່ວນຊ່ວຍຮັກສາສະຖຽນລະພາບທາງການເງິນຂອງບໍລິສັດ. ແຜນຊ່ວຍເຫລືອດັ່ງກ່າວຖືກນຳມາໃຊ້ແທນແຜນຮ່າງທີ່ສະເໜີນີ້ກັບສາຍການບິນແອລ ອັລ ໄປກ່ອນໜ້ານີ້ວ່າ: ລັດຖະບານຈະຄໍ້າປະກັນເງິນກູ້ຈາກທະນາຄານໃຫ້.

ອິສຣາເອລ ແຄດ ລັດຖະມົນຕີກະຊວງການເງິນອິສຣາເອລ ກ່າວວ່າ: ລັດຖະບານອະນຸມັດການສະໜັບສະໜູນຄັ້ງນີ້ ເນື່ອງຈາກອຸດສາຫະກຳການບິນຂອງປະເທດກຳລັງຜະເຊີນສະຖານການບໍ່ດີ ແລະ ບໍ່ປົກກະຕິ ແລະ ເພື່ອເຮັດໃຫ້ໝັ້ນໃຈວ່າຂະແໜງການບິນພົນລະເຮືອນຂອງອິສຣາເອລຈະສາມາດຟື້ນຕົວໄດ້.

- Wave100S AD to Website 2020 0 - ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ

ອ້າງອີງ: ສຳນັກຂ່າວຊິນຮົວ

- WhatsApp Image 2020 05 27 at 5 - ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ
- WhatsApp Image 2020 05 27 at 5 - ອິສຣາເອລຈະຈ່າຍຄ່າປີ້ຂອງເຈົ້າໜ້າທີ່ຮັກສາຄວາມປອດໄພລັດຖະບານລ່ວງໜ້າ 20 ປີ ເພື່ອຮັກສາຖານະສອງສາຍການບິນໃຫຍ່ຂອງປະເທດ
error: Alert: ເນື້ອຫາຂ່າວມີລິຂະສິດ !!