ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ

- 040703 2021 - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ
- AGL banner - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ

ອາ​ການ​ອ່ອນ​ເພຍ​ຊ້ຳ​ເຮື້ອ ຫລື ອາ​ການ​ປວດ​ກ້າມ​ຊີ້ນ​ເຫດ​ຈາກ​ສະ​ໝອງ ແລະ ໄຂ​ສັນ​ຫລັງ​ອັກ​ເສບ ທີ່​ເອີ້​ນ​ຫຍໍ້ໆ​ວ່າ CFS / ME ຫລື ອາ​ການ​ອ່ອນ​ເພຍ​ຫລັງ​ຕິດ​ເຊື້ອ​ໄວ​ຣັ​ສ (Post-viral fatigue syndrome : PVFS) ​ເປັນ​ສະ​ພາບ​ທີ່​ເຮັດ​ໃຫ້​ເກີດ​ອາ​ການ​ອິດ​ເມື່ອຍ​ອ່ອນ​ເພຍ​ທີ່​ຕໍ່​ເນື່ອງ​ຮຸນ​ແຮງ ຈົນ​ລົບ​ກວນ​ຊີ​ວິ​ດ​ປະ​ຈຳ​ວັນ ເພາະ​ອາ​ການ​ສົ່ງ​ຜົນ​ກະ​ທົບ​ຕໍ່​ທັງ​ທາ​ງ​ຮ່າງ​ກາຍ ແລະ ຈິດ​ໃຈ​ຂອງ​ຜູ້​ປ່ວຍ ເຊິ່ງ​ອາ​ການ​ອາດ​ເກີດ​ພາຍ​ຫລັງ​ຈາກ​ການ​ຕິດ​ເຊື້ອ ຫລື ພາຍ​ຫລັງ​ຮ່າງ​ກາຍ​ໄດ້​ຮັບ​ບາດ​ເຈັບ ເຊັ່ນ : ໄດ້​ຮັບ​ອຸ​ປະ​ຕິ​ເຫດ ຫລື ເຂົ້າ​ຮັບ​ການ​ຜ່າ​ຕັດ ໂດຍ​ອາ​ການ​ອິດ​ເມື່ອຍ​ອ່ອນ​ເພຍນີ້​ຈະ​ບໍ່​ດີ​ຂຶ້ນ​ເຖິງວ່າ​ຈະ​ພັກ​ຜ່ອນ​ແລ້ວ. ສ່ວນ​ຫລາຍ​ຂອງ​ຜູ້​ປ່ວຍ​ຈະ​ເປັນ​ແມ່​ຍິງ​ຫລາຍ​ກ່​ວາ​ຜູ້​ຊາ ແລະ ພົບ​ຫລາຍ​ຂຶ້ນ​ເມື່ອ​ອາ​ຍຸ​ຫລາຍ​ຂຶ້ນ ໂດຍ​ອາດ​ພົບ​ໄດ້​ແດ່​ໃນ​ເດັກ​ອາ​ຍຸ 13 ເຖິງ 15 ປີ ເຊິ່ງ​ແຕ່​ລະ​ຄົນ​ອາດ​ມີ​ລະ​ດັບ​ຄວາມ​ຮຸນ​ແຮງ​ຂອງ​ອາ​ການ​ແຕກ​ຕ່າງ​ກັນ​ໄປ.

     + ອາການຂອງພະຍາດອ່ອນເພຍຊ້ຳເຮື້ອ : CFS / ME ເຮັດ​ໃຫ້​ເກີດ​ຄວາມ​ອິດ​ເມື່ອຍ​ອ່ອນ​ເພຍ​ຫລາຍ​ອັນ​ແຕກ​ຕ່າງ​ຈາກ​ຄວາມ​ເມື່ອຍ​ຕາມ​ປົກ​ກະ​ຕິ​ທົ່ວ​ໄປ. ອາ​ການ​ທີ່​ພົບ​ໄດ້​ຫລາຍ​ໄດ້​ແກ່ :

- 030703 2021 300x200 - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ

  • ຄວາມ​ອິ​ດ​ເມື່ອຍ​ອ່ອນ​ເພຍ​ທີ່​ກິນ​ເວ​ລາ​ຫລາຍ​ກ່​ວາ 24 ຊົ່ວ​ໂມງ ຢ່າງບໍ່​ເຄີຍ​ເປັນ​ມາ​ກ່ອນ.
  • ປວດ​ກ້າມ​ຊີ້ນ ແລະ ປວດ​ຂໍ້.
  • ເຈັບ​ຕ່ອມ​ນ້ຳ​ເຫລືອງ​ບໍ​ລິ​ເວນ​ລຳ​ຄໍ ຫລື ຂີ້​ແຮ້.
  • ເຈັບ​ຄໍ​ ແລະ ເຈັບ​ຫົວ.
  • ອາ​ກາ​ນ​ຄ້າຍ​ຄື​ເປັນ​ໄຂ້​ຫວັດ​ໃຫຍ່.
  • ມີ​ບັ​ນ​ຫາ​ໃນ​ການນອນ​ຫລັບ, ຕື່ນ​ຂຶ້ນ​ມາ​ຍັງ​ຮູ້​ສຶກ​ເມື່ອຍ​ຄື​ກັບ​ບໍ່​ໄດ້​ພັກ​ຜ່ອນ​ເລີຍ.
  • ຫລົງ​ລືມ, ສັບ​ສົນ, ບໍ່​ມີ​ສະ​ມາ​ທິ.
  • ວິນ​ຫົວ, ມີ​ບັ​ນ​ຫາ​ໃນ​ການ​ຊົງ​ໂຕ.
  • ໃຈ​ສັ່ນ.
  • ເຫື່​ອ​ອອກ.
  • ອາ​ການ​ລຳ​ໄສ້​ປັ່ນ​ປ່ວນ ເຊັ່ນ : ຖ່າຍ​ຍາກ, ຖອກ​ທ້ອງ ແລະ ຍື່​ງ​ທ້ອງ.

ສ່ວນ​ຫລາຍ​ຂອງ​ຜູ້​ປ່ວຍ​ຈະ​ມີ​ອາ​ການ​ເປັນໆ​ເຊົາໆ ແລະ ມັກ​ຈະ​ເກີດ​ອາ​ການ​ເມື່ອ​ຮ່າງ​ກາຍ​ໄດ້​ຮັບ​ຄວາມ​ເຄັ່ງ​ຄຽດ ຫລື ເຈັບ​ປ່ວຍ ໂດຍ​ອາ​ການ​ອາດ​ເກີດ​ພາຍ​ຫລັງ​ການ​ເຈັບ​ປ່ວຍທັນ​ທີ ຫລື ອາດ​ຄ່ອຍໆ​ເກີດ​ອາ​ການ​ໃນ​ພາຍ​ຫລັງ​ເປັນ​ເດືອນ ຫລື ເປັ​ນ​ປີ​ກໍ​ມີ.

+ ສາ​ເຫດ​ຂອງ​ການ​ເກີດ​ອາ​ການ​ອ່ອນ​ເພຍ​ຊ້ຳ​ເຮື້ອ : ສາ​ເຫດ​ຂອງ CFS / ME ຍັງ​ບໍ່​ຮູ້​ຈະ​ແຈ້ງ, ແຕ່​ກໍ​ມີ​ຫລາຍ​ທິດ​ສະ​ດີ​ທີ່​ພະ​ຍາ​ຍາມ​ຈະ​ອະ​ທິ​ບາຍ​ເຖິງ​ສາ​ເຫດ ເຊັ່ນ : ອາດ​ຈະ​ກ່ຽວ​ຂ້ອງ​ກັບ​ຄວາມ​ຜິດ​ປົກ​ກະ​ຕິ​ຂອງ​ລະ​ບົບ​ພູມ​ຕ້ານ​ທານ​ພະ​ຍາດ​ຂອງ​ຮ່າງ​ກາຍ ຫລື ອາດ​ກ່ຽວ​ຂ້ອງ​ກັບ​ລະ​ບົບ​ຮໍ​ໂມນ​ໃນ​ຮ່າງ​ກາຍ.

+ ການກວດ​ບົ່ງ​ມະ​ຕິ​ອາ​ການ​ອ່ອນ​ເພຍ​ຊ້ຳ​ເຮື້ອ : ເນື່ອງ​ຈາກບໍ່​ມີ​ການກວດ​ສະ​ເພາະ​ເຈາະ​ຈົງ​ສຳ​ລັບ CFS / ME ແພດ​ຈຶ່ງ​ຈະ​ສົ່ງ​ກວດ​ນ້ຳ​ຍ່ຽວ ແລະ ເລືອດ​ເພື່ອ​ຫາ​ສາ​ເຫດ​ຕ່າງໆ​ທີ່​ອາດ​ເປັນ​ໄປ​ໄດ້. ດັ່ງ​ນັ້ນ, ແພດ​ຈະ​ໃຫ້​ການ​ບົ່ງ​ມະ​ຕິ​ອາ​ການ​ອ່ອນ​ເພ​ຍ​ຊ້ຳ​ເຮື້ອ ເມື່ອ​ທ່ານ​ມີ​ອາ​ການ​ເປັນ​ເວ​ລາ​ຢ່າງ​ໜ້ອຍ 4 ເດືອນ​ໂດຍ​ທີ່​ຫາ​ສາ​ເຫດ​ອື່ນໆ​ບໍ່​ພົບ.

- Wave100S AD to Website 2020 0 - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ

+ ການ​ປິ່ນ​ປົວ​ອາ​ການ​ອ່ອນ​ເພຍ​ຊ້ຳ​ເຮື້ອ : ການ​ປິ່ນ​ປົວ CFS / ME ມີ​ຫລາກ​ຫລາຍ​ວິ​ທີ​ທີ່​ລ້ວນ​ມຸ້ງ​ໝາຍ​ໃນ​ການ​ດູ​ແລ​ຈັດ​ການ​ກັບ​ອາ​ການ​ທີ່​ແຕກ​ຕ່າງ​ກັນ​ໄປ​ຂອງ​ແຕ່​ລະ​ຄົນ.

+ ການ​ດູ​ແລ​ຕົນ​ເອງ : ການ​ມີ​ບັນ​ຫາ​ໃນ​ກາ​ນນອນ​ຫລັບ​ຈະ​ເປັນ​ຜົນ​ເສຍ​ຕໍ່​ການ​ຟື້ນ​ຟູ​ຮ່າງ​ກາຍ​ຈາກ​ອາ​ການ CFS / ME ດັ່ງ​ນັ້ນ ທ່ານ​ຈຶ່ງ​ຄວນ​ປະ​ຕິ​ບັດ​ໂຕ​ໃຫ້​ເປັນ​ສຸ​ຂະ​ນິ​ໄສ​ໃນ​ການ​ເຂົ້າ​ນອນ​ກົງ​ເວ​ລາ​ທຸກ​ຄືນ, ຈັດ​ການ ແລະ ລຳ​ດັບ​ກິດ​ຈະ​ກຳ​ຕົນ​ເອງ​ດ້ວຍ​ຄວາມ​ເໝາະ​ສົມ​ກັບ​ສະ​ພາບ​ຮ່າງ​ກາຍ ແລະ ຄວາມ​ເພິງ​ພໍ​ໃຈ ເພື່ອ​ໃຫ້​ໝັ້ນ​ໃຈ​ວ່າ​ຈະ​ຍັງ​ມີ​ໄລ​ຍະ​ເວ​ລາ​ທີ່​ພັກ​ຜ່ອນ​ພຽງ​ພໍ ລະ​ວັງ​ການ​ຮີ​ບ​ຮ້ອນ​ເພີ່ມ​ຄວາມ​ໜັກ​ຂອງ​ກິດ​ຈະ​ກຳ​ໄວ​ເກີນ​ໄປ​ຈະ​ເຮັດ​ໃຫ້​ອາ​ການ CFS / ME ກັບ​ຄືນ​ມາ​ອີກ.

+ ອີກ​ໜຶ່ງ​ເຕັກ​ນິກ​ທີ່​ຈະ​ຊ່ວຍ​ໃຫ້​ທ່ານ​ສາ​ມາດ​ໃຊ້​ພະ​ລັງ​ງານ​ທີ່​ມີ​ຢູ່​ຂອງ​ທ່ານ​ໄດ້​ຢ່າງ​ມີ​ປະ​ສິດ​ທິ​ພາບ​ກໍ​ຄື ການ​ກຳ​ໜົດ​ໄລ​ຍະ​ກິດ​ຈະ​ກຳ​ທີ່​ເໝາະ​ສົມ ເຊິ່ງ​ເປັນ​ການ​ຈັດ​ເວ​ລາ​ການ​ເຮັດ​ກິດ​ຈະ​ກຳ​ໃນ​ແຕ່​ລະ​ມື້​ຂອງ​ທ່ານ​ໃຫ້​ເປັນ​ລະ​ບຽບ ໂດຍ​ມີ​ໄລ​ຍະ​ເວ​ລາ​ການ​ເຮັດ​ກິດ​ຈະ​ກຳ​ສະ​ຫລັບ​ກັບ​ໄລ​ຍະ​ເວ​ລາ​ພັກ​ຜ່ອນ ເມື່ອ​ທ່ານ​ວາງ​ແຜນ​ຢ່າງ​ມີ​ເປົ້າ​ໝາຍ​ໂດຍ​ການ​ເຮັດ​ຄວາມ​ເຂົ້າ​ໃຈ​ໃນ​ລຳ​ດັບ​ຂອ​ງ​ຕົນ​ເອງ​ທີ່​ເໝາະ​ສົມ​ກັ​ບ​ຊະ​ນິດ​ຂອງ​ກິດ​ຈະ​ກຳ​ທີ່​ເຮັດ ລວມ​ເຖິງ​ການ​ເວັ້ນ​ໄລ​ຍະ​ເພື່ອ​ພັກ​ຜ່ອນ ທ່ານ​ກໍ​ສາ​ມາດ​ຄວບ​ຄຸມ​ການ​ເຮັດ​ກິດ​ຈະ​ກຳ​ຂອງ​ຕົນ​ເອງ​ໄດ້​ໂດຍບໍ່​ເຮັດ​ໃຫ້​ເກີດ​ບັນ​ຫາ​ຕາມ​ມາ. ການ​ກຳ​ໜົດ​ໄລ​ຍະ​ກິດ​ຈະ​ກຳ​ທີ່​ເໝາະ​ສົມ​ໄດ້​ສະ​ແດງ​ໃຫ້​ເຫັນ​ແລ້ວ​ວ່າ​ສາ​ມາດ​ຊ່ວຍ​ໃນ​ການ​ຈັດ​ການ​ກັບ​ອາ​ການ​ອ່ອນ​ເພຍ​ຊ້ຳ​ເຮື້ອ​ໄດ້ ບາງ​ຄົນ​ພົບ​ວ່າ​ການນວດ ແລະ ການ​ຍືດ​ເສັ້ນ​ຍືດ​ເອັນ​ຈ​ະ​ຊ່ວຍ​ຫລຸດ​ອາ​ການ​ປວດ​ກ້າມ​ຊີ້ນ​ໄດ້.

- WhatsApp Image 2020 05 27 at 5 - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ
- WhatsApp Image 2020 05 27 at 5 - ສິ່ງ​ທີ່​ທ່ານ​ຄວນ​ຮູ້​ກ່ຽວ​ກັບອາ​ການ​ອ່ອນ​ເພຍ​ຊ້ຳ​ເຮື້ອ
error: Alert: ເນື້ອຫາຂ່າວມີລິຂະສິດ !!