ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ

- FB IMG 1620692143011 - ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ
- AGL banner - ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ

ອີງຕາມຂ່າວທ້ອງຖິ່ນລາຍງານວັນທີ​ 10​ ພຶດສະພາ​ 2021​ນີ້​ໃຫ້ຮູ້ວ່າ: ພະແນກອຸດສາຫະກໍາ ແລະ ການຄ້າແຂວງບໍ່ແກ້ວ ກໍໄດ້ອອກແຈ້ງການຄວບຄຸມລາຄາສິນຄ້າ ເພື່ອບໍ່ໃຫ້ຊາວຄ້າຂາຍສວຍໂອກາດຂຶ້ນລາຄາສິນຄ້າ ໝວດສະບຽງອາຫານປະເພດ ເຂົ້າ, ຊີ້ນສັດ, ປາ, ໄຂ່ ແລະ ສິນຄ້າອຸປະໂພກ- ບໍລິໂພກປະເພດອື່ນໆ ສູງເກີນກວ່າລາຄາທີ່ຈຳໜ່າຍໃນໄລຍະປົກກະຕິ ເພື່ອຮັບປະກັນຕໍ່ການສະໜອງສິນຄ້າພາຍໃນແຂວງ ໃຫ້ພຽງພໍກັບຄວາມຕ້ອງການບໍລິໂພກຊົມໃຊ້ ໂດຍສະເພາະແມ່ນການສະໜອງໃນໄລຍະທິ່ມີການແຜ່ລະບາດ ຂອງພະຍາດໂຄວິດ-19 ເຊັ່ນ: ໄຂ່ໄກ່ ລາຄາຂາຍສຸງສຸດບໍ່ໃຫ້ເກີນ 38.000 ກີບ/ແຕະ, ເຂົ້າສານ ບໍ່ໃຫ້ເກີນ 12.000 ກີບ/ກິໂລ, ຊີ້ນໝູບໍ່ໃຫ້ເກີນ 55.000 ກີບ/ກິໂລ, ຊີ້ນງົວ-ຄວາຍ ບໍ່ໃຫ້ເກີນ/75.000 ກີບ/ ກິໂລ, ປານິນ ບໍ່ໃຫ້ເກີນ 28.000 ກີບ/ກິໂລ, ປາດຸກ ບໍ່ໃຫ້ເກີນ 26.000 ກີບ/ກິໂລ.
ແຕ່ມາຮອດປັດຈຸບັນ ຕາມຫາງສຽງຂອງປະຊາຊົນສ່ວນໃຫຍ່ພາຍໃນເມືອງຕົ້ນເຜິ້ງ ໃຫ້ຮູ້ວ່າ: ຍັງມີບັນດາຊາວຄ້າຂາຍຈໍານວນໜຶ່ງ ໄດ້ສວຍໂອກາດຂຶ້ນລາຄາສິນຄ້າສູງເກີນກວ່າລາຄາປົກກະຕິ ຫລື ລາຄາທີ່ພະແນກອຸດສາຫະກຳ-ການຄ້າແຂວງກຳນົດ ຊາວຄ້າຂາຍບາງຄົນກໍອ້າງເຫດຜົນວ່າ ສິນຄ້າທີ່ຊື້ມາຈາກຜູ້ປະກອບການຂາຍສົ່ງ ໃນໄລຍະທີ່ມີການລະ ບາດຂອງພະຍາດໂຄວິດ-19 ແມ່ນແພງກວ່າປົກກະຕິ ດັ່ງນັ້ນ ຈຶ່ງຈຳເປັນຕ້ອງຂາຍແພງຕາມລາຄາຕົ້ນທຶນທີ່ຊື້ມາ ເຊິ່ງໃນຄວາມເປັນຈິງແລ້ວ ລາຄາຂອງຜູ້ຂາຍສົ່ງກໍຍັງເປັນລາຄາປົກກະຕິ ບໍ່ໄດ້ຂຶ້ນລາຄາແຕ່ຢ່າງໃດ. ນອກຈາກນັ້ນ, ກໍຍັງມີຊາວຄ້າຂາຍຈໍານວນໜຶ່ງ ໄດ້ສວຍໂອກາດລັກລອບນຳເຂົ້າສິນຄ້າຈາກປະເທດເພື່ອນບ້ານມາກັກຕູນໄວ້ ເພື່ອນໍາມາຂາຍໃນລາຄາທີ່ແພງໃນໄລຍະນີ້.
ຕໍ່ບັນຫາດັ່ງກ່າວ ຈຶ່ງຂໍຮຽກຮ້ອງມາຍັງຊາວຄ້າຂາຍພາຍໃນເມືອງ ໃຫ້ເຫັນໃຈກັນໃນຍາມທີ່ບ້ານເມືອງ ໄດ້ປະສົບກັບຄວາມຫຍຍຸ້ງຍາກທາງດ້ານເສດຖະກິດ ແລະ ດ້ານອື່ນໆ ອັນເກີດຈາກການລະບາດຂອງພະຍາດໂຄວິດ-19 ເພາະບັນຫາໃນດ້ານຕ່າງໆທີ່ພວກເຮົາ ປະຊາຊົນສ່ວນໃຫຍ່ຈະປະສົບຢູ່ໃນປັດຈຸບັນ ກໍຍັງຫຍຸ້ງຍາກຢູ່ແລ້ວ, ຍັງຈະມາປະສົບກັບບັນຫາປາກທ້ອງ ກໍຄື ບັນຫາລາຄາສິນຄ້າທີ່ມີຄວາມຈໍາເປັນໃນການດຳລົງຊີວິດປະຈໍາວັນທີ່ສູງເກີນໄປອີກ.
ທີ່ມາ: ຈາກໜັງສືພິມບໍ່ແກ້ວ

- Wave100S AD to Website 2020 0 - ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ
- WhatsApp Image 2020 05 27 at 5 - ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ
- WhatsApp Image 2020 05 27 at 5 - ພົບການສວຍໂອກາດຂຶ້ນລາຄາສິນຄ້າຢູ່ເມືອງຕົ້ນເຜິ້ງ ແຂວງບໍ່ແກ້ວ
error: Alert: ເນື້ອຫາຂ່າວມີລິຂະສິດ !!