ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ

- 4f0e104dc46827044ceee7047c4bf443 - ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ
- AGL banner - ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ

ອິນເດຍພົບການຕິດເຊື້ອລາດຳໃນຜູ້ຕິດເຊື້ອໂຄວິດ-19 ທີ່ກຳລັງປິ່ນປົວ ຫລື ຟື້ນຕົວແລ້ວ, ເຕືອນອັນຕະລາຍເຖິງຂັ້ນເຮັດໃຫ້ພິການ ຫລື ເສຍຊີວິດ.

ວັນທີ 11 ພຶດສະພາ 2021, ກະຊວງສາທາລະນະສຸກອິນເດຍ ໄດ້ອອກມາເຕືອນເຖິງກໍລະນີການພົບຜູ້ຕິດເຊື້ອໂຄວິດ-19 ທີ່ມີອາການຕິດເຊື້ອລາ “ມິວຄໍໄມໂຄຊິສ” (Mucormycosis) ຫລື ເຊື້ອລາດຳ ເຊິ່ງມັກສະແດງອາການຮຸນແຮງກັບຄົນເຈັບທີ່ມີລະບົບພູມຄຸ້ມກັນອ່ອນແອຈາກພະຍາດຕິດເຊື້ອອື່ນໆ.

ສຳລັບເຊື້ອລາມິວຄໍໄມໂຄຊິສນັ້ນເປັນເຊື້ອລາສະກຸນມິວຄໍ ເຊິ່ງເປັນເຊື້ອລາຊະນິດຫາຍາກ ສ່ວນຫລາຍຈະພົບໃນກຸ່ມຄົນເຈັບທີ່ມີພູມຕ້ານທານຕໍ່າ ແລະ ມັກພົບຮ່ວມກັບພະຍາດເບົາຫວານ ໂດຍຈະສົ່ງຜົນໃຫ້ຄົນເຈັບມີຄວາມຜິດປົກກະຕິຢູ່ດັງ, ດວງຕາ ແລະ ສະໝອງ ຫລື ກໍລະນີຮ້າຍແຮງທີ່ສຸດຄືເຖິງຂັ້ນເສຍຊີວິດ.

ຄົນເຈັບທີ່ຕິດເຊື້ອລາດັ່ງກ່າວ ມັກຈະມີອາການຕັນດັງ ແລະ ມີເລືອດອອກ, ຫາຍໃຈຖີ່, ຮາກເປັນເລືອດ, ຮູ້ສຶກປວດ ແລະ ມີອາການບວມແດງຮອບດວງຕາ, ແນມເຫັນບໍ່ແຈ້ງ ຫລື ອາດສູນເສຍການແນມເຫັນ ເຮັດໃຫ້ໃນບາງກໍລະນີ ແພດຈຳເປັນຕ້ອງຜ່າຕັດເອົາດວງຕາ ຫລື ເນື້ອເຍື່ອສ່ວນທີ່ຕິດເຊື້ອອອກ ເພື່ອບໍ່ໃຫ້ການຕິດເຊື້ອລຸກລາມໄປເຖິງສະໝອງ.

ຜູ້ຊ່ຽວຊານທາງການແພດຂອງອິນເດຍເຊື່ອວ່າ: ການຕິດເຊື້ອລາດຳນັ້ນອາດເກີດຈາກການໃຊ້ສະເຕຍຣອຍລະຫວ່າງຂະບວນການປິ່ນປົວ ເພື່ອຫລຸດການອັກເສບຂອງປອດໃນກຸ່ມຜູ້ຕິດເຊື້ອໂຄວິດ-19 ທີ່ມີອາການຮຸນແຮງ ແລະ ໜັກ ລວມທັງຄົນເຈັບທີ່ຕ້ອງປິ່ນປົວໃນຫ້ອງ ICU ເປັນເວລາດົນ ເພາະສະເຕຍຣອຍເຫລົ່ານີ້ຈະເຂົ້າໄປຫລຸດພູມຕ້ານທານຂອງຄົນເຈັບ.

- Wave100S AD to Website 2020 0 - ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ

ທັງນີ້, ກະຊວງສາທາລະນະສຸກຂອງອິນເດຍໄດ້ອອກຄຳແນະນຳກ່ຽວກັບວິທີການປິ່ນປົວພະຍາດຕິດເຊື້ອລາຊະນິດນີ້ ພ້ອມເຕືອນໃຫ້ຫລີກລ່ຽງການໃຊ້ສະເຕຍຣອຍໃນການປິ່ນປົວຄົນເຈັບຫລາຍເກີນໄປ ເພື່ອຫລຸດຄວາມສ່ຽງຕໍ່ການຕິດເຊື້ອລາດຳດັ່ງກ່າວ ເຊິ່ງຈະສົ່ງຜົນໃຫ້ຄົນເຈັບມີອາການຮ້າຍແຮງກວ່າເກົ່າ.

ອ້າງອີງ:

https://www.bbc.com/news/world-asia-india-57027829

- WhatsApp Image 2020 05 27 at 5 - ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ
- WhatsApp Image 2020 05 27 at 5 - ກະຊວງສາທາລະນະສຸກອິນເດຍເຕືອນ ພົບຜູ້ຕິດເຊື້ອໂຄວິດຕິດ “ເຊື້ອລາດຳ” ເຖິງຂັ້ນພິການ ສ່ຽງຕາຍເພີ່ມ
error: Alert: ເນື້ອຫາຂ່າວມີລິຂະສິດ !!