ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ

- 030603 2021 - ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ
- AGL banner - ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ
  1. ທ່ານ​ຕ້ອງ​ອອກ​ກຳ​ລັງ​ກາຍ​ເພື່ອ​ລະ​ບາຍ​ຮໍ​ໂມນ​ແຫ່ງ​ຄວາມ​ເຄັ່ງ​ຄຽດ​ອອກ​ໄປ​ໃຫ້​ໝົດ ຈະ​ເປັນ​ການ​ອອກ​ກຳ​ລັງ​ກາຍ​ໃນ​ລະ​ຫ່​ວາງ​ການ​ເຮັດ​ວຽກ ເຊັ່ນ : ການ​ຍ່າງ​ຂຶ້ນ-ລົງ​ຂັ້ນ​ໄດ ຫລື ຈະ​ເປັນ​ການ​ຫລິ້ນ​ກິ​ລາ ຫລື ເຮັດ​ວຽກ​ເຮືອນ​ໃນ​ຕອນ​ແລງ​ຫລັງ​ເລີກວຽກ ຫລື ໃນ​ມື້​ພັກ​ກໍ​ໄດ້ ເຊິ່ງ​ການ​ອອກ​ກຳ​ລັງ​ກາຍ​ຈົນ​ໄດ້​ເຫື່ອ​ຈະ​ກະ​ຕຸ້ນ​ໃຫ້​ຮ່າງ​ກາຍ​ຫລັ່ງ​ຮໍ​ໂມນ​ແຫ່ງ​ຄວາມ​ສຸກ​ອອກ​ມາ ຊ່ວຍ​ໃຫ້​ຮ່າງ​ກາຍ ແລະ ຈິດ​ໃຈສົດ​ຊື່ນ​ຫ້າວ​ຫັນ.
  2. ຕ້ອງ​ພັກ​ຜ່ອນ​ໃຫ້​ພຽງ​ພໍ ຫາກບໍ່​ຈຳ​ເປັນ​ຢ່າ​ເອົາ​ວຽກ​ກັບ​ເມືອ​ເຮັດ​ຢູ່​ເຮືອນ, ຕ້ອງ​ຮູ້​ຈັກ​ບໍ​ລິ​ຫານ​ເວ​ລາ ເພື່ອ​ຈະ​ໄດ້​ມີ​ເວ​ລາ​ພັກ​ຜ່ອນ​ສ່ວນ​ຕົວ ແລະ ມີ​ເວ​ລາ​ໃຫ້​ຄອບ​ຄົວ​ນຳ. ຢ່າ​ລືມ​ວ່າ​ເຄື່ອງ​ຈັກ​ຍັງ​ຕ້ອງ​ມີ​ເວ​ລາ​ຢຸດ​ພັກ ແລະ ບຳ​ລຸງ​ຮັກ​ສາ ທ່ານ​ເອງ​ກໍ​ເຊັ່ນ​ດຽວ​ກັນ​ຕ້ອງ​ມີ​ເວ​ລາ​ພັກ​ຜ່ອນ​ແດ່​ເພື່ອ​ຈະ​ໄດ້​ມີ​ພະ​ລັງ​ສຳ​ລັບ​ການ​ເຮັດ​ວຽກ​ໃນ​ມື້​ຕໍ່​ໄປ.
  3. ການ​ໂອ້​ລົມ​ປຶກ​ສາ​ບັນ​ຫາ​ທີ່​ທ່ານ​ໜັກ​ໃຈ​ກັບ​ຄົນ​ໃກ້​ຊິດ ເຖິງວ່າ​ບາງ​ເທື່ອ​ເຂົາ​ອາດ​ຊ່ວຍ​ທ່ານ​ແກ້​ໄຂ​ບັນ​ຫາບໍ່​ໄດ້, ແຕ່​ການ​ໄດ້​ລົມ​ກັບ​ເຖິງ​ສິ່ງ​ທີ່​ອຶດ​ອັດ​ໃນ​ໃຈ​ອອກ​ໄປ ແລະ ໄດ້​ຄຳ​ປອບ​ໃຈ​ກັບ​ມາ ທ່ານ​ຈະ​ຮູ້​ສຶກ​ດີ​ຂຶ້ນ, ສະ​ບາຍ​ໃຈ​ຂຶ້ນ ແລະ ເມື່ອ​ໃຈ​ສະ​ບາຍ ສະ​ໝອງ​ປອດ​ໂປ່ງ ກໍ​ອາດ​ຄິດ​ແກ້​ໄຂ​ບັນ​ຫາ​ໄດ້​ໃນ​ເວ​ລາ​ຕໍ່​ມາ.
  4. ແມ່ນ​ການ​ຮູ້​ຈັກ​ປັບ​ປ່ຽນ​ຄວາມ​ຄິດ, ຢ່າ​ເມົາ​ແຕ່​ວິ​ຕົກ​ກັງ​ວົນ​ຫລາຍ​ຈົນ​ເກີນ​ໄປ, ລອງ​ຄິດ​ໃນ​ຫລ​າຍໆ​ແງ່​ມຸມ, ຄິດ​ໃນ​ສິ່ງ​ດີໆ, ຄິດ​ຢ່າງ​ມີ​ຄວາມ​ຫວັງ​ແດ່ ແລະ ຢ່າ​ຄິດ​ໝົກ​ໝຸ້ນ​ແຕ່​ບັນ​ຫາ​ຂອງ​ຕົນ​ເອງ, ຄິດ​ເຖິງ​ຄົນ​ອື່ນ​ແດ່ ຍັງ​ມີ​ຄົນ​ລຳ​ບາກ​ກ່​ວາ​ທ່ານ​ອີກ​ຫລາຍ ຈະ​ໄດ້​ມີ​ກຳ​ລັງ​ໃຈ​ຕໍ່​ສູ້​ກັບ​ບັນ​ຫາ​ຕໍ່​ໄປ.
  5. ການ​ຝຶກ​ເຕັກ​ນິກ​ຄາຍ​ຄຽດ ເຊັ່ນ : ການ​ຫາຍ​ໃຈ​ເຂົ້າ​ເລິກໆໃຫ້​ທ້ອງ​ໃຄ່​ຂຶ້ນ ແລະ ຫາຍ​ໃຈ​ອອກ​ຊ້າໆ​ໃຫ້​ທ້​ອງ​ແວບ​ລົງ ຈະ​ຊ່ວຍ​ຫລຸດ​ຄວາມ​ໃຈ​ຮ້າຍ, ຄາຍ​ຄວາມ​ກັງ​ວົນ, ຫລຸດ​ຄວ​າມ​ຢ້ານ ແລະ ຄວາມ​ຕື່ນ​ເຕັ້ນ​ລົງ​ໄດ້. ນອກ​ຈາກນີ້, ຄວນ​ຝຶກ​ສະ​ມາ​ທິ​ເພື່ອ​ສະ​ຫງົບ​ຈິດ​ໃຈ ໂດຍ​ມີ​ສະ​ຕິ​ຢູ່​ກັບ​ລົມ​ຫາຍ​ໃຈ​ເຂົ້າ-ອອກ ຈະ​ຊ່ວຍ​ຄາຍ​ຄຽດ​ໄດ້​ເປັນ​ຢ່າງ​ດີ.
- WhatsApp Image 2020 05 27 at 5 - ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ
- WhatsApp Image 2020 05 27 at 5 - ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ
- Wave100S AD to Website 2020 0 - ວິ​ທີ​ຫລຸດ​ຄວາມ​ເຄັ່ງ​ຄຽດ​ໃນ​ການ​ເຮັດ​ວຽກ
error: Alert: ເນື້ອຫາຂ່າວມີລິຂະສິດ !!