ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່

- 030203 2021 - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່
- AGL banner - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່

ຈາກ​ການ​ສຶ​ກ​ສາ​ພົບ​ວ່າ ໃນ​ຊີ້ນ​ໝາກ​ລິ້ນ​ຈີ່ນອກ​ຈາກ​ຈະ​ອຸ​ດົມ​ໄປ​ດ້ວຍ​ວິ​ຕາ​ມິນ ແລະ ແຮ່​ທາດ​ທີ່​ສຳ​ຄັນ​ຕໍ່​ຮ່າງ​ກາຍ​ແລ້ວ ຍັງ​ມີ​ກົດ​ໄຂ​ມັນ​ທີ່​ສຳ​ຄັນ​ຕໍ່​ຮ່າງ​ກາຍ​ນຳ​ອີກ​ ເຊັ່ນ : ກົດ​ປ​ລາ​ມິ​ຕິກ (Plamitic Acid) 12%, ກົດ​ໄລ​ໂນ​ເລອິກ (Lino​leic Acid) 11%, ກົດ​ໂອ​ເລ​ອິກ (Oleic Acid) 27% ເຊິ່ງ​ມີ​ລິດ​ໃນ​ການ​ຕໍ່​ຕ້ານ​ອະ​ນຸ​ມູນ​ອິດ​ສ​ະ​ລະ.

ໃນ​ຊີ້ນ​ໝາກ​ລິ້ນ​ຈີ່​ຈະ​ມີ​ສ​ານ​ປະ​ກອບ​ຊະ​ນິດ​ໜຶ່ງ​ທີ່​ເປັນ​ສາ​ເຫດ​ເຮັດ​ໃຫ້​ເກີດ​ອາ​ການ​ຮ້ອນ​ໃນ​ໄດ້. ດັ່ງ​ນັ້ນ, ການ​ກິນ​ໝາກ​ລິ້ນ​ຈີ່​ໃນ​ປະ​ລິ​ມານ​ທີ່​ຫລ​າຍ​ຈົນ​ເກີນ​ໄປ​ອາດ​ຈະ​ເຮັດ​ໃຫ້​ເກີດ​ອາ​ການ​ຮ້ອນ​ໃນ​ໄດ້ ທ່ານ​ຄວນ​ເລືອກ​ກິນ​ຜັກ​-ໝາກ​ໄມ້​ໃຫ້​ຫລາກ​ຫລາຍ​ຊະ​ນິດ​ເພື່ອ​ໃຫ້​ເກີດ​ຄວາມ​ດຸ່ນ​ດ່ຽງ​ຂ​ອງ​ຮ່າງ​ກາຍ ແລະ ປ້ອງ​ກັນ​ການ​ເກີດ​ອາ​ການ​ດັ່ງ​ກ່າວ.

  • ສັບ​ພະ​ຄຸນ​ຂອງ​ໝາກ​ລິ້ນ​ຈີ່ :
  1. ໝາກ​ລິ້​ນ​ຈີ່​ເປັນ​ຢາ​ບຳ​ລຸງ​ຮ່າງ​ກາຍ.
  2. ຊ່ວຍ​ໃຫ້​ພະ​ລັງ​ຊີ່​ຂັບ​ເຄື່ອນ (ແກ່ນ).
  3. ມີ​ລິດ​ໃນ​ການ​ຕໍ່​ຕ້າ​ນ​ອະ​ນຸ​ມູນ​ອິດ​ສະ​ລະ​ຢ່າງ​ສູງ (ສານ​ສະ​ກັດ​ຈາກ​ເປືອກ).
  4. ລິ້ນ​ຈີ່​ຕ້ານ​ມະ​ເຮັງ ຊ່ວຍ​ຂັດ​ຂວາງ​ກາ​ນ​ຈະ​ເລີນ​ເຕີບ​ໃຫຍ່​ຂອງ​ແຊນ​ມະ​ເຮັງ​ເຕົ້າ​ນົມ (ສານ​ສະ​ກັດ​ເພີ​ຣິ​ກາບ​ຂອງ​ລິ້ນ​ຈີ່).
  5. ຊ່ວຍ​ເສີມ​ສ້າງ​ລະ​ບົບ​ພູມ​ຕ້ານ​ທານ​ຂອງ​ຮ່າງ​ກາຍ (ຮາກ, ເປືອກ​ລຳ​ຕົ້ນ).
  6. ລີ້ນ​ຈີ່​ມີ​ສັບ​ພະ​ຄຸນ​ຊ່ວຍ​ແກ້​ອາ​ການ​ໄອ​ຊ້ຳ​ເຮື້ອ.
  7. ເປືອກ​ຂອງ​ໝາກ​ລິ້ນ​ຈີ່​ເຮັດ​ເປັນ​ຊາ​ຊົງ​ດື່ມ​ແກ້​ອາ​ການ​ໄຂ້​ຫວັດ (ຊາ​ຈາກ​ເປືອກ).
  8. ຊ່ວຍ​ແກ້​ອາ​ການ​ຕັນ​ດັງ.
  9. ຊ່ວຍ​ປ້ອງ​ກັນ​ການ​ເກີດ ແລະ ຊ່ວຍ​ປິ່​ນ​ປົວ​ອາ​ການ​ເລືອດ​ອອກ​ຕາມ​ເຟັນ​ແຂ້ວ.
  10. ຊ່ວຍ​ແກ້​ການ​ຕິດ​ເຊື້ອ​ໃນ​ຮູ​ຄໍ (ຊາ​ຈາກ​ເປືອກ).
  11. ຊ່ວຍ​ບຳ​ລຸງ​ລະ​ບົບ​ການ​ຍ່ອຍ​ອາ​ຫານ.
  12. ຊ່ວຍ​ຫລຸດ​ກົດ​ໃນ​ກະ​ເພາະ​ອາ​ຫານ.
  13. ຊ່ວຍ​ຫລຸດ​ຜ່ອນ​ອາ​ການບໍ່​ປົກ​ກະ​ຕິ​ຂອງ​ລະ​ບົບ​ທາງ​ເດີນ​ອາ​ຫານ.
  14. ຊ່ວຍ​ປິ່ນ​ປົວ​ອາ​ການ​ຖ່າຍ​ແຫລວ.
  15. ຊ່ວຍ​ແກ້​ອາ​ການ​ຖອກ​ທ້ອງ​ຊະ​ນິດບໍ່​ຮຸນ​ແຮງ (ຊາ​ຈາກ​ເປືອກ).
  16. ຊ່ວຍ​ປົກ​ປ້ອງ ແລະ ປິ່ນ​ປົວ​ຕັບ (ສານ​ສະ​ກັດ​ຂອງ​ໝາກ​ລິ້ນ​ຈີ່).
  17. ມີ​ສ່ວນ​ຊ່ວຍ​ຫລຸດ​ຂະ​ໜາດ​ຊີ້ນ​ປົ່ງ (ວຽກ​ງານ​ວິ​ໄຈ​ໃນ​ປະ​ເທດ​ຈີນ ແຕ່ບໍ່​ໄດ້​ລະ​ບຸ​ໄວ້​ຈະ​ແຈ້ງວ່າ​ໃຊ້​ພາກ​ສ່ວນ​ໃດ​ຂອງ​ໝາກ​ລິ້ນ​ຈີ່).
  18. ຊ່ວຍ​ປິ່ນ​ປົວ​ພະ​ຍາດ​ຈາກ​ການ​ຕິດ​ເຊື້ອ​ໄວ​ຣັ​ສ (ຊາ​ຈາກ​ເປືອກ).
  19. ຊ່ວຍ​ປິ່ນ​ປົວ​ອາ​ການ​ເຈັບ​ທ້ອງ (ແກ່ນ).
  20. ຊ່ວຍ​ປິ່ນ​ປົວ​ອາ​ການ​ໄສ້​ເລື່ອນ( ແກ່ນ).
  21. ຊ່ວຍ​ປິ່ນ​ປົວ​ອາ​ການບວ​ມ​ຂອງ​ອັນ​ທະ (ແກ່ນ).
  22. ຊ່ວຍ​ປິ່ນ​ປົວ​ພະ​ຍາດ​ໄສ້​ເລື່ອນ, ອັນ​ທະ​ຢ່ອນ​ຍານ ໂດຍ​ການ​ເອົາ​ແກ່ນ​ໄປ​ຕາກ​ແດດ ແລ້ວ​ເອົາ​ໄປ​ຂົ້ວ​ໃຊ້​ໄຟ​ອ່ອນໆຈົນ​ສຸກ ແລ້ວ​ເອົາ​ມາ​ບົດ​ເປັນ​ຝຸ່ນ, ເອົາ​ຝຸ່ນ​ທີ່​ໄດ້​ປະ​ມານ 1 – 2 ບ່ວງ​ແກງ​ຕົ້ມ​ໃສ່​ກັບ​ນ້ຳ ຫລື ໃຊ້ 1 ບ່ວງ​ແກງ​ມາ​ຊົງ​ໃສ່​ນ້ຳ​ຮ້ອນ​ດື່ມມື້​ລະ 3 – 4 ເທື່ອ ຕິດ​ຕໍ່​ກັນ​ປະ​ມານ 20 ມື້ (ແກ່ນ).
  23. ລິ້ນ​ຈີ່​ມີ​ປະ​ໂຫຍດ​ໃນ​ການ​ຊ່ວຍ​ປ້ອງ​ກັນ​ອາ​ການ​ຈັງ-ຊາ, ມຶນ​ຊາ (ມີ​ວິ​ຕາ​ມິນ B1).
  24. ຮາກ​ລິ້ນ​ຈີ່ ຫລື ເປືອກ​ຂອງ​ລຳ​ຕົ້ນ ໃຊ້​ແກ້​ອາ​ການ​ຕິດ​ເຊື້ອ​ໄວ​ຣັ​ສ ແລະ ອີ​ສຸກ​ອີ​ໄສ​ໄດ້ (ຮາກ, ເປືອກ​ລຳ​ຕົ້ນ).
  25. ຊ່ວຍ​ຫລຸ​ດ​ອາ​ການ​ປວດ​ຕ່າງໆ (ແກ່ນ).

- 040203 2021 300x257 - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່

- Wave100S AD to Website 2020 0 - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່
  • ປະ​ໂຫຍດ​ຂອງ​ໝາກ​ລິ້ນ​ຈີ່ :
  1. ເອົາ​ມາ​ເຮັດ​ເປັນ​ນ້ຳ​ໝາກ​ໄມ້​ດື່ມ​ຊ່ວຍ​ແກ້​ກະ​ຫາຍ ໃຫ້​ລົດ​ຊາດ​ຫວານ​ຊື່ນ​ໃຈ.
  2. ລິ້ນ​ຈີ່​ເປັນ​ໝາກ​ໄມ້​ເສດ​ຖະ​ກິດ​ທີ່​ສຳ​ຄັນ ໂດຍ​ມີ​ການ​ເອົາ​ໄປ​ແປ​ຮູບ​ເປັນ​ໝາກ​ໄມ້​ກະ​ປ໋ອງ ແລະ ອົບ​ແຫ້ງ​ເພື່​ອ​ຂາຍ​ສົ່ງ​ອອກ​ໄດ້.
  • ຄຸນ​ຄ່າ​ທາງ​ໂພ​ຊະ​ນາ​ການ​ຂອງ​ໝາກ​ລິ້ນ​ຈີ່ (ບໍ່​ມີ​ເປືອກ) ຕໍ່ 100 ກ​ຣາມ : ພະ​ລັງ​ງານ 66 ກິ​ໂລ​ກາ​ລໍ​ຣີ, ຄາ​ໂບ​ໄຮ​ເດ​ຣດ 16,53 ກ​ຣາມ, ນ້ຳ​ຕານ 15,23 ກ​ຣາມ, ເສັ້ນ​ໄຍ 1,3 ກ​ຣາມ, ໄຂ​ມັນ 0,44 ກ​ຣາມ, ໂປ​ຣ​ຕິນ 0,83 ກ​ຣາມ, ວິ​ຕາ​ມິນ B1 ມີ 0,011 ມິນ​ລີກ​ຣາມ 1%, ວິ​ຕາ​ມິນ B2 ມີ 0,065 ມິນ​ລີກ​ຣາມ 5%, ວິ​ຕາ​ມິນ B3 ມີ 0,603 ມິນ​ລີກ​ຣາມ 4%, ວິ​ຕາ​ມິນ B6 ມີ 0,1 ມິນ​ລີກ​ຣາມ 8%, ວິ​ຕາ​ມິນ B9 ມີ 14 ໄມ​ໂຄ​ຣກ​ຣາມ 4%, ວິ​ຕາ​ມິນ C ມີ 71,5 ມິນ​ລີກ​ຣາມ 86%, ທາດ​ການ​ຊຽມ 5 ມິນ​ລີກ​ຣາມ 1%, ທາດ​ເຫລັກ 0,13 ມິນ​ລີກ​ຣາມ 1%, ທາດ​ແມັກ​ນີ​ຊຽມ 10 ມິນ​ລີກ​ຣາມ 3%, ທາດ​ມັງ​ການ 0,055 ມິນ​ລີກ​ຣາມ 3%, ທາດ​ຟົ​ສ​ຟໍ 31 ມິນ​ລີກ​ຣາມ 4%, ທາດ​ໂປ​ຕັ​ສ​ຊຽມ 151 ມິນ​ລີກ​ຣາມ 4%, ທາດ​ໂຊ​ດຽມ 1 ມິນ​ລີກ​ຣາມ 0% ແລະ ທາດ​ສັງ​ກະ​ສີ 0,07 ມິນ​ລີກ​ຣາມ 1%.
- WhatsApp Image 2020 05 27 at 5 - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່
- WhatsApp Image 2020 05 27 at 5 - ຫລາຍ​ສັບ​ພະ​ຄຸນ ແລະ ປະ​ໂຫຍດ​ດີໆ​ຈາກ​ໝາກ​ລິ້ນ​ຈີ່
error: Alert: ເນື້ອຫາຂ່າວມີລິຂະສິດ !!