ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ

- WEALTH UPDATE TEMPLATE CC2 2 1 - ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ
- AGL banner - ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ

ຕະຫລາດຄຣິບໂຕເຄີເຣນຊີໃນຕອນເຊົ້າວັນທີ 13 ພຶດສະພາ ຫລຸດລົງຢ່າງໜັກ ຫລັງ ອີລອນ ມັສ ນັກທຸລະກິດມະຫາເສດຖີຜູ້ສ້າງຕັ້ງ Tesla ບໍລິສັດຜູ້ຜະລິດລົດໃຫຍ່ໄຟຟ້າຊັ້ນນຳຂອງໂລກ ອອກມາໂພສຂໍ້ຄວາມວ່າ: Tesla ຂໍຢຸດການໃຊ້ບິດຄອຍໃນການຊື້ລົດໃຫຍ່ຂອງ Tesla ເອົາໄວ້ກ່ອນ ເນື່ອງຈາກບໍລິສັດມີຄວາມກັງວົນວ່າການຂຸດບິດຄອຍຈະຍິ່ງເຮັດໃຫ້ການໃຊ້ພະລັງງານເຊື້ອໄຟຟໍຊິລເລັ່ງຕົວຂຶ້ນ.

ຂໍ້ຄວາມຈາກທະວິດເຕີຂອງ ອີລອນ ມັສ ສົ່ງຜົນກະທົບຕໍ່ຕະຫລາດຄຣິບໂຕເຄີເຣນຊີທັນທີ ໂດຍສະເພາະບິດຄອຍ ເຊິ່ງເຊົ້າວັນທີ 13 ພຶດສະພາ ຫລຸດລົງຕໍ່າກວ່າລະດັບ 5 ໝື່ນໂດລາອີກ ຫລ້າສຸດຢູ່ລະດັບ 49.696 ໂດລາ ຫລຸດລົງໄປ 13,2%.

ນອກຈາກນີ້ ຫລຽນອີເທີຣຽມ ກໍຫລຸດລົງຕໍ່າກວ່າລະດັບ 4 ພັນໂດລາ ມາຢູ່ລະດັບ 3.901 ໂດລາ ຫລຸດລົງ 6,87%, ຫລຽນ XRP ຫລຸດລົງມາຢູ່ລະດັບ 1.303 ໂດລາ ຫລື ຫລຸດລົງປະມານ 15,07%. ຂະນະທີ່ Dogecoin ຫລຸດລົງມາເຄື່ອນໄຫວໃນລະດັບ 0,422 ໂດລາ ຫລຸດລົງປະມານ 14,21%.

ການປັບຕົວລົງຢ່າງຮຸນແຮງຂອງຕະຫລາດຄຣິບໂຕເຄີເຣນຊີເຫລົ່ານີ້ມີຂຶ້ນພຽງ 5 ນາທີ ຫລັງຈາກ ອີລອນ ມັສ ໄດ້ປະກາດການເຄື່ອນໄຫວດັ່ງກ່າວຂອງ Tesla ອອກມາ.

ຂໍ້ຄວາມຈາກທະວິດເຕີຂອງ ອີລອນ ມັສ ຍັງລະບຸອີກວ່າ: Tesla ຈະຍັງບໍ່ຂະຫຍາຍບິດຄອຍໃນໄລຍະນີ້, ແຕ່ຈະໃຊ້ບິດຄອຍໃນການເຮັດທຸລະກຳກໍຕໍ່ເມື່ອການຂຸດບິດຄອຍຈະປັບປ່ຽນໄປໃຊ້ພະລັງງານທີ່ມີຄວາມຍືນຍົງຫລາຍກວ່ານີ້.

- Wave100S AD to Website 2020 0 - ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ

ຂະນະດຽວກັນ ຍັງລະບຸອີກວ່າ: ກຳລັງຊອກຫາຫລຽນຄຣິບໂຕເຄີເຣນຊີສະກຸນຕ່າງໆ ທີ່ໃຊ້ພະລັງງານໃນການເຮັດທຸລະກຳທີ່ໜ້ອຍກວ່າບິດຄອຍ ເຊິ່ງສະກຸນເງິນຄຣິບໂຕເຄີເຣນຊີຖືເປັນແນວຄິດທີ່ດີ ແລະ ເປັນຄວາມຫວັງຂອງອະນາຄົດ, ແຕ່ເປັນສິ່ງທີ່ບໍ່ກຸ້ມຄ່າຖ້າຕ້ອງແລກກັບຜົນກະທົບດ້ານສິ່ງແວດລ້ອມ.

ອ້າງອີງ:

https://edition.cnn.com/…/elon-musk-tesla…/index.html

- WhatsApp Image 2020 05 27 at 5 - ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ
- WhatsApp Image 2020 05 27 at 5 - ບິດຄອຍຫລຸດລົງ 13% ຫລັງ ອີລອນ ມັສ ປະກາດເລີກໃຊ້ຊື້ເທສລາ
error: Alert: ເນື້ອຫາຂ່າວມີລິຂະສິດ !!