ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ

- 04 01 2021 11 27 45 2365273 - ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ
- AGL banner - ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ

ວັນທີ 12 ພຶດສະພາ 2021, ທາງການສະວິດກຽມບໍລິຈາກວັກຊີນຕ້ານໂຄວິດ-19 ຈາກ AstraZeneca ຈຳນວນ 3 ຈາກ 5,4 ລ້ານໂດສທີ່ສັ່ງຈອງໄວ້ ຊ່ວຍເຫລືອໂຄງການ COVAX ຂອງອົງການອະນາໄມໂລກ (WHO) ແລະ ພັນທະມິດ ເພື່ອສົ່ງເສີມໃຫ້ທຸກປະເທດສາມາດເຂົ້າເຖິງວັກຊີນໄດ້ຢ່າງເທົ່າທຽມກັນ ຫລັງສັ່ງຈອງວັກຊີນພຽງພໍກັບຈຳນວນປະຊາກອນທັງໝົດປະມານ 8,65 ລ້ານຄົນແລ້ວ.

ທ່ານ ອາເລນ ເບີເຊດ ລັດຖະມົນຕີສາທາລະນະສຸກຂອງສະວິດ ເປີດເຜີຍວ່າ: ທາງການສັ່ງຈອງວັກຊີນຕ້ານໂຄວິດ-19 ໄປແລ້ວ 40 ລ້ານກວ່າໂດສ ສ່ວນຫລາຍເປັນວັກຊີນປະສິດທິພາບສູງຊະນິດ mRNA ຈາກ Moderna 20,5 ລ້ານໂດສ ແບ່ງເປັນ 13,5 ລ້ານໂດສພາຍໃນປີ 2021, ອີກ 7 ລ້ານໂດສພາຍໃນປີ 2022 ແລະ ວັກຊີນຈາກ Pfizer 6 ລ້ານໂດສ. ນອກຈາກນີ້ ຍັງມີວັກຊີນສັນຊາດເຢຍລະມັນ CureVac ອີກ 5 ລ້ານໂດສ ແລະ ວັກຊີນ Novavax ຂອງອາເມລິກາ ອີກ 5 ລ້ານໂດສ.

ຫລ້າສຸດ ທາງການສະວິດອະນຸມັດການໃຊ້ວັກຊີນຕ້ານໂຄວິດ-19 ເປັນກໍລະນີສຸກເສີນແລ້ວພຽງ 2 ຊະນິດ ໄດ້ແກ່ ວັກຊີນຈາກ Moderna ແລະ Pfizer-BioNTech ໂດຍວັກຊີນ AstraZeneca ຍັງຢູ່ໃນຊ່ວງພິຈາລະນາການອະນຸມັດ ເນື່ອງຈາກຍັງຕ້ອງການຂໍ້ມູນເພີ່ມຕື່ມ ແລະ ພົບກໍລະນີມີການກ່ຽວຂ້ອງກັບການເກີດຫລອດເລືອດຕັນ.

Our World In Data ລະບຸ ທາງການສະວິດເດີນໜ້າສັກວັກຊີນໃຫ້ປະຊາຊົນແລ້ວ 3,23 ລ້ານໂດສ (9 ພຶດສະພາ) ຊາວສະວິດປະມານ 2,16 ລ້ານຄົນເຂົ້າຮັບວັກຊີນຕ້ານໂຄວິດ-19 ແລ້ວຢ່າງໜ້ອຍ 1 ໂດສ ມີພຽງ 12,4% ຈາກປະຊາກອນທັງໝົດເຂົ້າຮັບວັກຊີນຄົບໂດສແລ້ວ ໂດຍລັດຖະບານຕັ້ງເປົ້າຜ່ອນຄາຍມາດຕະການຮັບມືໂຄວິດ-19 ແລະ ກັບມາຂັບເຄື່ອນເສດຖະກິດອີກນັບແຕ່ວັນທີ 31 ພຶດສະພານີ້ ໂດຍຈະມີການປະເມີນສະຖານະການຄັ້ງສຸດທ້າຍໃນວັນທີ 26 ພຶດສະພາ.

- Wave100S AD to Website 2020 0 - ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ

ອ້າງອີງ:

- WhatsApp Image 2020 05 27 at 5 - ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ
- WhatsApp Image 2020 05 27 at 5 - ສະວິດກຽມບໍລິຈາກວັກຊີນ AstraZeneca 3 ລ້ານໂດສ ຊ່ວຍເຫລືອໂຄງການ COVAX ຫລັງສັ່ງຈອງພຽງພໍປະຊາກອນທັງໝົດແລ້ວ
error: Alert: ເນື້ອຫາຂ່າວມີລິຂະສິດ !!