ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19

- how to start working out again derailed from covid 1440x810 1 - ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19
- AGL banner - ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19

ໃນວັນທີ 13 ພຶດສະພາ 2021, ທ່ານ ນາງ ດຣ. ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ອອກມາເຕືອນພໍ່ແມ່ປະຊາຊົນວ່າ: ການໄປອອກກຳ ລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19 ແລະ ຂໍຮຽກຮ້ອງມາຍັງທ່ານຈົ່ງມີສະຕິລະ ວັງຕົວສູງ ໃນເວລາຈະອອກກໍາລັງກາຍບໍ່ໃຫ້ຈັບກັນເປັນກຸ່ມເປັນກ້ອນ ຫລື ຈູ້ມກັນ ແລະ ສາມາດຮັກສາໄລຫ່າງໄດ້; ການອອກກໍາລັງກາຍເປັນສິ່ງທີ່ດີ ເພື່ອສ້າງພູມຄຸ້ມກັນໃຫ້ແກ່ຮ່າງກາຍ ແລະ ສຸຂະພາບແຂງ ແຮງດີ ແຕ່ໃນໄລຍະທີ່ພວກເຮົາປະຕິບັດມາດຕະການເຄັງຄັດນີ້ ຖ້າເປັນໄປໄດ້ຂໍຮຽກຮ້ອງທຸກໆທ່ານ ຄວນອອກກໍາລັງກາຍຢູ່ບ້ານຢູ່ເຮືອນຂອງຕົນ ເປັນການດີທີ່ສຸດ.

ພ້ອມນີ້, ທ່ານ ນາງ ດຣ. ລັດສະໝີ ວົງຄຳຊາວ ຍັງໄດ້ຮຽກຮ້ອງຕື່ມວ່າ: ເວລາທ່ານໄປກວດຊອກຫາເຊື້ອ ຂໍການຮ່ວມມືນຳບັນດາທ່ານ ຂໍໃຫ້ທ່ານແຈ້ງລາຍລະອຽດຂອງຕົນເອງຢ່າງຈະແຈ້ງ ຊື່, ນາມສະກຸນ, ອາຍຸ, ທີ່ຢູ່ ແລະ ເບີໂທລະສັບຕິດຕໍ່ ພ້ອມທັງເບີໂທລະສັບຄອບຄົວຂອງຕົນ ເພີ່ມໃຫ້ແກ່ທີມງານແພດເກັບຕົວຢ່າງ ເພື່ອສະດວກໃນການຕິດຕໍ່ພົວພັນກັບຄືນຫາພວກທ່ານ ໃນເວລາໄດ້ຜົນກວດ, ຖ້າຫາກທ່ານໃດຈົງໃຈປົກປິດຂໍ້ມູນ ຫລື ລົບຫລີກ ແມ່ນຈະຖືກປະຕິບັດລະບຽບວິໄນຕາມກົດໝາຍບ້ານເມືອງ; ໃນໄລຍະລໍຖ້າຜົນກວດ ຂໍໃຫ້ບັນດາທ່ານຈົ່ງຈໍາກັດບໍລິເວນຢູ່ເຮືອນຂອງຕົນຈົນຄົບ 14 ວັນ,  ແຍກຕົນເອງອອກຈາກຄົນໃນຄອບຄົວ, ປະຕິບັດມາດຕະການປ້ອງກັນການຕິດເຊື້ອຢ່າງເຄັ່ງຄັດ, ຖ້າຜົນກວດບວກ (+) ຈະມີທີມງານແພດຕິດຕໍ່ຫາທ່ານ ເພື່ອຮັບທ່ານເຂົ້ານອນປິ່ນປົວ, ຖ້າຜົນກວດລົບ (-) ໃຫ້ທ່ານສືບຕໍ່ຈຳກັດບໍລິເວນຕົນເອງຢູ່ເຮືອນຈົນຄົບ 14 ວັນ; ໃນໄລຍະຈໍາກັດບໍລິເວນ ຫາກມີອາການໃດໜຶ່ງເຊັ່ນ: ໄຂ້, ໄອ, ດັງບໍ່ໄດ້ກິ່ນ ຫລື ລີ້ນບໍ່ໄດ້ຮັບລົດຊາດ ໃຫ້ທ່ານກັບຄືນມາກວດ ພ້ອມທັງບອກຂໍ້ມູນກ່ຽວກັບວັນທີໃນການກວດຄັ້ງທຳອິດ.

ສຳລັບຜູ້ທີ່ຖືກກຳນົດໃຫ້ອອກໂຮງໝໍ ເພື່ອໄປສືບຕໍ່ຕິດຕາມອາການຂອງຕົນຢູ່ເຮືອນ ແມ່ນໃຫ້ປະ ຕິບັດຕາມຄຳແນະນຳຂອງແພດ ຄື: ແຍກຕົນເອງອອກຈາກຄົນໃນຄອບຄົວ ເປັນເວລາ 7 ວັນ ແລະ ບໍ່ໃຊ້ສິ່ງຂອງຮ່ວມກັນ, ວັດແທກ ແລະ ບັນທຶກອຸນຫະພູມທຸກວັນ ເຊົ້າ-ແລງ, ຕິດຕາມອາການຂອງຕົນ, ຖ້າຫາກຮູ້ສຶກບໍ່ສະບາຍ, ໃຫ້ທ່ານຮີບຮ້ອນໄປພົບແພດ ຢູ່ສະຖານທີ່ບໍລິການໃກ້ບ້ານທ່ານ.

- Wave100S AD to Website 2020 0 - ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19
- WhatsApp Image 2020 05 27 at 5 - ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19
- WhatsApp Image 2020 05 27 at 5 - ແພດເຕືອນອອກກຳລັງກາຍໃນທີ່ສາທາລະນະ ສ່ຽງຕໍ່ການຕິດພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!