ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້

-                 3 - ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້
- AGL banner - ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້

ວັນທີ 13 ພຶດສະພາ 2021, ປະທານາທິບໍດີ ໂຈ ໄບເດັນ ຂອງອາເມລິກາ ປະກາດວ່າ: “ວັນນີ້ເປັນວັນທີ່ດີຫລາຍສຳລັບອາເມລິກາ” ຄົນທີ່ເຂົ້າຮັບການສັກວັກຊີນໂຄວິດ-19 ຄົບໂດສແລ້ວ ບໍ່ຈຳເປັນຕ້ອງໃສ່ຜ້າປິດປາກ ແລະ ເວັ້ນໄລຍະຫ່າງທາງສັງຄົມ ໃນສະຖານະການສ່ວນຫລາຍໃນຊີວິດປະຈຳວັນ ອີກທັງຍັງສາມາດຈັບມືທັກທາຍ ແລະ ກອດກັນໄດ້ ຕາມແນວທາງການປະຕິບັດໃໝ່ຂອງສູນຄວບຄຸມ ແລະ ປ້ອງກັນພະຍາດ (CDC) ຫລັງອາເມລິກາຊຸກຍູ້ມາດຕະການສັກວັກຊີນຈົນຄືບໜ້າຢ່າງວ່ອງໄວ.

“ຖ້າທ່ານໄດ້ຮັບການສັກວັກຊີນແລ້ວ ທ່ານບໍ່ຈຳເປັນຕ້ອງໃສ່ຜ້າປິດປາກ-ດັງ ແລະ ທ່ານກໍຍັງສາມາດຈັບມືທັກທາຍກັນ ລວມທັງກອດກັນໄດ້ນຳອີກ ແຕ່ຖ້າທ່ານຍັງບໍ່ໄດ້ເຂົ້າຮັບການສັກວັກຊີນ ກະລຸນາໃສ່ຜ້າປິດປາກ-ດັງ”.

ເຖິງວ່າລັດຖະບານອາເມລິກາ ຈະປະຕິບັດຕາມຄຳແນະນຳຂອງ CDC ແລະ ອະນຸຍາດໃຫ້ຄົນທີ່ສັກວັກຊີນແລ້ວບໍ່ຈຳເປັນຕ້ອງໃສ່ຜ້າປິດປາກ-ດັງໄດ້, ແຕ່ ໄບເດັນ ຍັງຂໍການຮ່ວມມືຈາກທຸກຄົນ ໃຫ້ປະຕິບັດກັບບຸກຄົນທີ່ໃສ່ຜ້າປິດປາກ-ດັງ ຫລື ເຕັມໃຈທີ່ຈະໃສ່ ເຖິງວ່າເຂົ້າຮັບການສັກວັກຊີນແລ້ວ ເພື່ອກ້າວຂ້າມວິກິດພະຍາດລະບາດນີ້ໄປນຳກັນ.

CDC ລາຍງານວ່າ: ປັດຈຸບັນ ອາເມລິກາສັກວັກຊີນໂຄວິດ-19 ໃຫ້ພົນລະເມືອງແລ້ວ 266,5 ລ້ານຄົນ ຫລາຍທີ່ສຸດໃນທາງປະລິມານ ເປັນອັນດັບ 2 ຮອງຈາກປະເທດຈີນ (354,27 ລ້ານໂດສ) ພົນລະເມືອງເກືອບ 155 ລ້ານຄົນ ເຂົ້າຮັບການສັກວັກຊີນແລ້ວຢ່າງໜ້ອຍ 1 ໂດສ, ຂະນະທີ່ພົນລະເມືອງ 35,8% ຫລື ກວ່າ 1 ໃນ 3 ຂອງປະຊາກອນທັງໝົດສັກວັກຊີນຄົບໂດສແລ້ວ.

ຫລ້າສຸດ ທາງການອາເມລິກາອະນຸມັດການໃຊ້ວັກຊີນໂຄວິດ-19 ຈາກ Pfizer-BioNTech ໃນເດັກ ເປັນກໍລະນີສຸກເສີນແລ້ວ ຖືເປັນຄວາມພະຍາຍາມໃນການສ້າງພູມຕ້ານທານຕ້ານໂຄວິດ-19 ໃຫ້ຄວບຄຸມກຸ່ມພົນລະເມືອງໃນຊ່ວງໄວຕ່າງໆຫລາຍຂຶ້ນ ຫລັງຍອດຜູ້ຕິດເຊື້ອສະສົມເພີ່ມຂຶ້ນຢ່າງຕໍ່ເນື່ອງ ສູງກວ່າ 32,8 ລ້ານຄົນ.

- Wave100S AD to Website 2020 0 - ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້

ອ້າງອີງ:

https://nypost.com/…/biden-great-day-for-america-as…/

https://www.reuters.com/…/cdc-ease-mask-guidance…/

https://nypost.com/…/cdc-to-tell-vaccinated-americans…/

- WhatsApp Image 2020 05 27 at 5 - ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້
- WhatsApp Image 2020 05 27 at 5 - ໄບເດັນ ປະກາດ ຄົນສັກວັກຊີນຄົບໂດສແລ້ວ ບໍ່ຕ້ອງໃສ່ຜ້າປິດປາກ ຈັບມື-ກອດກັນໄດ້
error: Alert: ເນື້ອຫາຂ່າວມີລິຂະສິດ !!